மணியன் (இதழாளர்)

கட்டற்ற கலைக்களஞ்சியமான விக்கிப்பீடியாவில் இருந்து.

மணியன் என்பவர் தமிழ்நாட்டைச் சேர்ந்த இதழாளர் ஆவார். வேங்கடசுப்பிரமணியன் என்ற இயற்பெயரை உடைய இவர்[1] ஆனந்த விகடன் இதழில் தலைமை உதவியாசிரியராகப் பணியாற்றியவர். [2] அவ்விதழில் இதயம் பேசுகிறது என்ற தலைப்பில் தனது பயணக்கட்டுரைகளை எழுதினார்.[1] பின்னர் இதயம் பேசுகிறது என்ற அப்பெயரிலேயே கிழமை இதழ் ஒன்றை 1979ஆம் ஆண்டில் தொடங்கினார்.[3]

புதினங்கள்[தொகு]

மணியன் ஆனந்தவிகடன், இதயம் பேசுகிறது ஆகிய இதழ்களில் தொடர்கதைகள் பலவற்றை எழுதினார்.[1] அவற்றுள் சில:

  1. ஆண்மனம், 1984, இதயம் பேசுகிறது இதழில் வெளிவந்த தொடர் - 53 அத்தியாயங்கள்
  2. ஆசை வெட்கமறியும்...
  3. இதயச்சுரங்கம்
  4. இதயவீணை
  5. இலவுகாத்த கிளி (நடிகை சந்திரகாந்தாவின் சிவகாமி கலை மன்றத்தாரால் நாடகமாக நடிக்கப்பட்டது)
  6. உண்மைசொல்ல வேண்டும்
  7. உன்னை ஒன்று கேட்பேன்
  8. என்றும் உன்னுடைய
  9. என்னைப்பாடச் சொன்னால்
  10. என்ன பாடத்தோன்றும்?
  11. என்ன சுகம்? என்ன சுகம்?
  12. காதலித்தால் போதுமா? (முதல் தொடர்கதை); 1962 ஆனந்தவிகடன்
  13. சுஜாதா
  14. தேன்சிந்தும் மலர்
  15. நினைவு நிலைக்கட்டும் (இதயமலர் என்ற பெயரில் திரைப்படமானது)
  16. நீரோடை; 1990
  17. நெஞ்சோடு நெஞ்சம்; மு.பதிப்பு 1973 மார்ச்சு 3, இ.பதிப்பு 1980; சென்னை, பழனியப்பா பிரதர்சு; பக்.xii+292.
  18. மோகம் முப்பது வருஷம்
  19. லவ் பேர்ட்ஸ் (குமாரி பிரேமலதா என்னும் பெயரில் எழுதினார்)
  20. வாழ்த்தும் நெஞ்சங்கள்

திரைப்படங்கள்[தொகு]

மணியன் வித்துவான் வே. லட்சுமணனுடன் இணைந்து உதயம் புரொடக்சன்சு என்ற பெயரில் திரைப்படங்களைத் தயாரித்தனர். அவற்றுள சில: [4]

  1. இதய வீணை 1972; உதயம் புரொடக்சன்சு.
  2. இலவு காத்த கிளி; உதயம் புரொடக்சன்சு.
  3. இதயமலர்; 1976; உதயம் புரொடக்சன்சு.
  4. சிரித்து வாழ வேண்டும்; 1974; உதயம் புரொடக்சன்சு.
  5. பல்லாண்டு வாழ்க; 1975; உதயம் புரொடக்சன்சு.
  6. மோகம் முப்பது வருஷம் 1976; சொர்ணாம்பிகா புரொடக்சன்சு.

பயணக்கதைகள்[தொகு]

மணியன் முதன்முறையாக அமெரிக்க ஐக்கிய நாட்டின் அழைப்பின்பேரில் 1966ஆம் ஆண்டில் இங்கு சென்றார். அப்பயண அனுபவத்தை ஆனந்த விகடன் இதழில் 'இதயம் பேசுகிறது' என்ற பெயரில் தொடராக வெளிவந்தது. [5] அதன் பின்னர் அவர் வெவ்வேறு நாடுகளுக்குச் சென்றார். அவற்றைப்பற்றி வரிசையாக 'இதயம் பேசுகிறது' என்ற பெயரிலேயே தொடர்கள் எழுதினார். அவை நூல்களாக வெளிவந்தன.

  1. இதயம் பேசுகிறது (அமெரிக்கா, பிரிட்டன் பயணக்கதை), முதல் பதிப்பு 1968 ஆகத்து. பக்கங்கள் 336; வாசன் என்டர்பிரைஸஸ் வெளியீடு
  2. இதயம் பேசுகிறது II சப்பானிய பயணக்கதை, முதற்பதிப்பு 1972; பக்கங்கள் 168; வாசன் என்டர்பிரைஸஸ் வெளியீடு
  3. இதயம் பேசுகிறது IIஅ சிங்கப்பூர், மலேசியா, ஆசுதிரேலியா பயணக்கதை
  4. இதயம் பேசுகிறது III ஐரோப்பிய பயணக்கதை
  5. இதயம் பேசுகிறது IV உருசிய பயணக்கதை
  6. இதயம் பேசுகிறது V ஆப்ரிக்க பயணக்கதை
  7. இதயம் பேசுகிறது VI வியட்நாம் பயணக்கதை
  8. இதயம் பேசுகிறது VII மேற்கு ஆப்ரிக்க பயணக்கதை
  9. இதயம் பேசுகிறது VIII இந்தோனேசிய பயணக்கதை; 1976 மே; ஆனந்தவிகடன், சென்னை.
  10. இதயம் பேசுகிறது IX தென்னமெரிக்க பயணக்கதை
  11. இதயம் பேசுகிறது X மெக்சிகோ பயணக்கதை
  12. இதயம் பேசுகிறது XI இலங்கைப் பயணக்கதை; 1979 ஏப்ரல்; மணியன் பதிப்பகம், 7, அனுமந்தராவ் சாலை, பாலாசி நகர், சென்னை 14; பக்.120.
  13. இதயம் பேசுகிறது XII
  14. இதயம் பேசுகிறது XIII
  15. இதயம் பேசுகிறது XIV
  16. இதயம் பேசுகிறது XV நேப்பாளப் பயணக்கதை

இதழ்கள்[தொகு]

மணியன் பல்வேறு இதழ்களை வெளியிட்டார். அவற்றுள் சில:

  1. இதயம் பேசுகிறது [6]
  2. ஞானபூமி: இந்துமதம் பற்றிய மாத இதழ். 1985இல் வெளிவந்தது.
  3. இதயம் சிறுகதை களஞ்சியம்: தாமரைமணாளனை ஆசிரியராகவும் மணியனை வெளியிடுபவராகவும் பதிப்பாசிரியராகவுங்கொண்டு 1985-86ஆம் ஆண்டில் வெளிவந்த மாதஇதழ்.[6]
  4. பாலசோதிடம்
  5. மணியன் மாத இதழ்
  6. மயன் [6]

சான்றடைவு[தொகு]

  1. 1.0 1.1 1.2 பதிவுகள் 2020-06-02
  2. ஜோதிர்லதா கிரிஜா எழுதிய நீங்காத நினைவுகள், புதுதிண்ணை 2013 திசம்பர் 22
  3. சாவி-85; ராணிமைந்தன்; சாவி பப்ளிகேசன்சு சென்னை; முதற்பதிப்பு சனவரி 2001; பக்.280
  4. இது தமிழ்; 2016 சூன் 15
  5. இதயம் பேசுகிறது — மணியன் 2013 சூன் 27
  6. 6.0 6.1 6.2 தென்றல் 2022 செப்டம்பர்
"https://ta.wikipedia.org/w/index.php?title=மணியன்_(இதழாளர்)&oldid=3859552" இலிருந்து மீள்விக்கப்பட்டது