மஃபத் ஓசா
மஃபத் ஓசா | |
|---|---|
| பிறப்பு | மஃபத் ஜீவராம் ஓசா 1 மார்ச்சு 1944 ஜம்லா கிராமம், பிரித்தானிய இந்தியா (தற்போது மெக்சனா மாவட்டம், குஜராத், இந்தியா) |
| இறப்பு | 28 திசம்பர் 1997 (அகவை 53) வடோதரா, குஜராத், இந்தியா |
| தொழில் | கவிஞர், புதின ஆசிரியர், இலக்கிய விமர்சகர், ஆசிரியர் |
| மொழி | குஜராத்தி மொழி |
| தேசியம் | இந்தியர் |
| கல்வி | முதுகலை, முனைவர் பட்டம் |
| கல்வி நிலையம் | குஜராத் பல்கலைக்கழகம் |
| குறிப்பிடத்தக்க படைப்புகள் |
|
| துணைவர் | சவிதா ஓசா |
| பிள்ளைகள் | 2 மகள்கள், 1 மகன் |
| கல்விப் பின்னணி | |
| ஆய்வு | விடுதலைக்குப் பிந்தைய குஜராத்திக் கவிதை: கருப்பொருள், உணர்வு மற்றும் வெளிப்பாடு (1977) |
| முனைவர் பட்ட நெறியாளர் | ரமண்லால் ஜோஷி |
| கல்விப் பணி | |
மஃபத் ஜீவராம் ஓசா (Mafat Jivram Oza) (1 மார்ச்சு 1944 – 28 டிசம்பர் 1997) என்பவர் ஓர் இந்தியாவின் குஜராத் மாநிலத்தைச் சேர்ந்த குஜராத்தி கவிஞர், புதின ஆசிரியர், சிறுகதை எழுத்தாளர், இலக்கிய விமர்சகர் மற்றும் இதழாசிரியர் ஆவார். இவர் இலக்கிய அமைப்பு, பதிப்பகம் மற்றும் ததர்த்த்யம் என்ற இலக்கிய இதழை நிறுவினார்.
வாழ்க்கை
[தொகு]மஃபத் ஓசா 1 மார்ச்சு 1944 அன்று குஜராத்தின் ஜம்லா கிராமத்தில் (தற்போது மெக்சனா மாவட்டம்) பிறந்தார்.[1] இவர் ஆரம்பக் கல்வியை ஜம்லாவிலும், மேல்நிலைக் கல்வியை சோஜா கிராமத்திலும் முடித்தார். 1962 ஆம் ஆண்டு மேல்நிலைப் பள்ளி படிப்பையும், 1967 ஆம் ஆண்டு குஜராத் பல்கலைக்கழகத்தில் குஜராத்தி மற்றும் இந்தி பாடங்களில் இளங்கலைப் பட்டத்தையும் பெற்றார். 1969 ஆம் ஆண்டு குஜராத்தி மற்றும் சமஸ்கிருதத்தில் முதுகலைப் பட்டம் பெற்றார். 1977 ஆம் ஆண்டு சுதந்திர்யோட்டர் குஜராத்தி கவிதா (விடுதலைக்குப் பிந்தைய குஜராத்தி கவிதை) என்ற ஆய்வுக்காக முனைவர் பட்டம் பெற்றார்.[2] 1963–64 காலகட்டத்தில் அகமதாபாத் பள்ளிக் கல்விக் குழுவில் தொடக்கப் பள்ளி ஆசிரியராக பணியாற்றினார். பின்னர் சரஸ்பூர் கலை மற்றும் வணிகக் கல்லூரியில் குஜராத்தி பேராசிரியராகவும் (1969–1978), மகாராஜா சாயாஜிராவ் பரோடா பல்கலைக்கழகத்திலும், குஜராத் பல்கலைக்கழக மொழிப் பள்ளியிலும் பணியாற்றினார்.[2][3]
1991 ஆம் ஆண்டு குஜராத் பொது சேவை ஆணையத்தின் உறுப்பினராக நியமிக்கப்பட்டார். ஆறு ஆண்டுகள் பணியாற்றிய பின்னர் ஓய்வு பெற்றார்.[2] அகமதாபாத்தில் இலக்கிய மாநாடுகளை நடத்துவதில் முக்கிய பங்காற்றிய இவர், கவிஞர் நண்பர்களின் உதவியுடன் "காவ்ய கோஷ்டி" என்ற இலக்கிய அமைப்பை நிறுவினார். மேலும் "பூர்வி புஸ்தக் பண்டார்" என்ற பதிப்பகத்தையும், 1986 ஆம் ஆண்டு ததர்த்யா என்ற இலக்கிய இதழையும் தொடங்கினார்.[4]1997 ஆம் ஆண்டு வடோதராவில் நடைபெற்ற குஜராத்தி சாகித்ய பரிஷத் மாநாட்டின்போது அவர் காலமானார்.[2]
படைப்புகள்
[தொகு]மஃபத் ஓசா பள்ளிப் பருவத்திலேயே எழுதத் தொடங்கினார். 1956 ஆம் ஆண்டு அவர் எழுதிய "ப்ளூ" என்ற கவிதை இவரது முதல் படைப்பாகும்.[2]
மேற்கோள்கள்
[தொகு]- ↑ Patel, Dahyabhai Ashabhai (1987). Love Poems & Lyrics from Gujarati. p. 389.
- 1 2 3 4 5 Brahmabhatt, Prasad (2010). અર્વાચીન ગુજરાતી સાહિત્યનો ઈતિહાસ - આધુનિક અને અનુઆધુનિક યુગ [History of Modern Gujarati Literature – Modern and Postmodern Era] (in குஜராத்தி). Ahmedabad: Parshwa Publication. pp. 118–119. ISBN 978-93-5108-247-7.
- ↑ Topiwala, Chandrakant. "મફત ઓઝા" (in குஜராத்தி). Gujarati Sahitya Parishad. Retrieved 2018-04-20.
- ↑ Directory of Periodicals Published in India. Sapra and Sapra. 1994. p. 273.
வெளி இணைப்புகள்
[தொகு]| பன்னாட்டு | |
|---|---|
| தேசிய | |
