பொள்ளாச்சி சந்திப்பு தொடருந்து நிலையம்

பொள்ளாச்சி
தொடருந்து நிலையம்
பெயர் பலகை
பொது தகவல்கள்
அமைவிடம்	இரயில் நிலையம் சாலை, பொள்ளாச்சி, கோயம்புத்தூர் மாவட்டம், தமிழ்நாடு இந்தியா
ஆள்கூறுகள்	10.6529°N 77.0011°E / 10.6529; 77.0011
ஏற்றம்	290 மீட்டர்கள் (950 அடி)
உரிமம்	இந்திய இரயில்வே
இயக்குபவர்	தென்னக இரயில்வே
நடைமேடை	3
இருப்புப் பாதைகள்	5
இணைப்புக்கள்	பேருந்து, ஆட்டோ ரிக்சா
கட்டமைப்பு
கட்டமைப்பு வகை	தரையில் உள்ள நிலையம்
தரிப்பிடம்	உண்டு
மாற்றுத்திறனாளி அணுகல்
மற்ற தகவல்கள்
நிலையக் குறியீடு	POY
இந்திய இரயில்வே வலயம்	தென்னக இரயில்வே
இரயில்வே கோட்டம்	பாலக்காடு
பயணக்கட்டண வலயம்	தென்னக இரயில்வே
வரலாறு
திறக்கப்பட்டது	15 அக்டோபர் 1890 (1890-10-15)
மூடப்பட்டது	2009
மறுநிர்மாணம்	2015
மின்சாரமயம்	ஆம்
அமைவிடம்
பொள்ளாச்சி தமிழக வரைபடத்தில் உள்ள இடம் பொள்ளாச்சி இந்திய வரைபடத்தில் உள்ள இடம்

பொள்ளாச்சி சந்திப்பு தொடருந்து நிலையம் (Pollachi junction railway station, நிலையக் குறியீடு:POY) இந்தியாவின், தமிழ்நாட்டிலுள்ள, கோவை மாவட்டம், பொள்ளாச்சி நகரில் உள்ள ஒரு தொடருந்து நிலையமாகும். இந்த நிலையம் தென்னக இரயில்வே மண்டலத்தின், பாலக்காடு தொடருந்து கோட்டத்தின் கீழ் இயங்குகிறது.

வரலாறு

பொள்ளாச்சி சந்திப்பானது முதன்முதலில் 1850களில் தொடருந்து நிறுத்துவதற்காக பயன்படுத்தப்பட்டது. 1900க்குப் பிறகு, இது பயணிகளுக்கான நிலையமாக பயன்படுத்தப்பட்டது.

முதல் சேவை 1915இல் பொள்ளாச்சி முதல் போத்தனூர் வரை மீட்டர் கேஜ் இரயில் பாதையாக தொடங்கியது. பின்னர் 2008 ஆம் ஆண்டில், திண்டுக்கல் - போத்தனூர் பாதை மாற்றத்திற்காக நிலையம் மூடப்பட்டது.

நவம்பர் 25, 2014 அன்று, பொள்ளாச்சி - பழனி அகல இரயில் பாதையில், இரயில்வே பாதுகாப்பு ஆணையம், ஒரு வேக சோதனை மற்றும் ஆய்வை வெற்றிகரமாக முடித்தது. ஏழு ஆண்டுகள் கட்டுமானத்திற்குப் பிறகு, பொள்ளாச்சி சந்திப்பு - பழனி அகலப்பாதை, வணிக பயன்பாட்டிற்காக 9 சனவரி 2015 அன்று திறக்கப்பட்டது.

1898 முதல் 2008 ஆம் ஆண்டில் மாற்றத்திற்காக மூடப்படும் வரை, பழைய மீட்டர் கேஜ் பாதையாக, 110 ஆண்டுகளாக பயன்பாட்டில் இருந்தது.

6 அக்டோபர் 2015 அன்று, இரயில்வே பாதுகாப்பு ஆணையம் வெற்றிகரமாக பாலக்காடு டவுன் - பொள்ளாச்சி சந்திப்பு வரை அகல இரயில் பாதையில், வேக சோதனை மற்றும் ஆய்வை முடித்தது. இரயில்வே பாதுகாப்பு ஆணையம் செய்த சோதனை ஓட்டத்தில், சிறப்பு தொடருந்து ஆனது, 38 நிமிடங்களில் 54 கி.மீ தூரம் சென்றது. இந்த வழித்தடம் வணிக பயன்பாட்டிற்காக 16 நவம்பர் 2015 அன்று திறக்கப்பட்டது.

24 மார்ச் 2017 அன்று, போத்தனூர் - பொள்ளாச்சி அகல இரயில் பாதையில், இரயில்வே பாதுகாப்பு ஆணையம், ஒரு வேக சோதனை மற்றும் ஆய்வை வெற்றிகரமாக முடித்தது.

வழித்தடங்கள்

இந்நிலையத்திலிருந்து மூன்று வழித்தடங்கள் பிரிந்து செல்கின்றன:

• திண்டுக்கல் - (வழி: உடுமலைப்பேட்டை, பழனி மற்றும் ஒட்டன்சத்திரம்)
• கோவை - (வழி:கிணத்துக்கடவு, செட்டிப்பாளையம்)
• பாலக்காடு - (வழி:மீனாட்சிபுரம், கோழிக்கோடு)