பேரெயின் முறுவலார்

பேரெயின் முறுவலார் (பேரெயின் முறுவலார்) சங்ககாலப் புலவர்களில் ஒருவர். முறுவலிப்பவர் பெண் என்று கருதி இவரைப் பெண்பால் புலவர் என்று கருதுகின்றனர்.

பெயர் காரணம்

எயில் என்னும் பெயருடைய ஊர்களும் தமிழகத்தில் சில உண்டு. திருவாரூருக்கு அருகே பேரெயில் என்ற பெயருடைய ஊர் இருந்தது. அது பிற்காலத்தில் பேரெயிலுரர் ஆயிற்று; இப்பொழுது பேரையூர் என வழங்குகின்றது. அவ்வூரைச் சார்ந்த பழம் புலவர் ஒருவர் பேரெயில் முறுவலார் என்று பெயர் பெற்றார் என்று சிலர் கூறுவர்.

பாடல்கள்

குறுந்தொகை 17, புறநானூறு 239 ஆகிய இரண்டு பாடல்கள் இவர் பாடியனவாகச் சங்கத்தொகை நூல்களில் உள்ளன.

புறநானூறு 239

பறுநானூற்றில் 239வது பாடலில் பாண்டிய மன்னனான நம்பி நெடுஞ்செழியன் என்பவறைப் பற்றிய பாடலாகும். இப்பாடலின் பொருள் "வளையல்களை அணிந்த மகளிரின் தோள்களைத் தழுவிக் கொண்டபின், மலர்ச் சோலைகளின் மலர்களைச் சூடி மகிழ்ந்தான் : குளிர்ந்த நறுமணச் சாந்தைப் பூசிக்கொண்டான்: பகைத்தவர்களை அடியோடு அழித்தான். நண்பர்களைப் புகழ்ந்து பாராட்டினான்; இவர் நம்மினும் வலியவர் என்று எண்ணி யாருக்கும் வணக்கங் கூறமாட்டான்: இவர் நம்மினும் எளியவர் என்று கருதி யாரையும் பழிக்கமாட்டான்: பிறரிடம் சென்று தனக்கு உதவவேண்டுமென்று இரந்தறியான் : தன்னிடம் வந்து உதவி கேட்டு இரந்தவர்க்கு இல்லையென்று சொல்லி அறியான்; அரசர்களின் சபைகளில் எல்லாம் தன்னைப்பற்றிப் புகழ்ந்து பேசும்படி வாழ்ந்தான்; எத்தகைய பெரும் படை எதிர்த்து வந்தாலும் புறங்கொடாமல் போர் செய்தான். போரிட்டுப் புறமிட்டோடும் படைகளைப்‌ பின்சென்று தாக்காமல்‌ அவைகள்‌ ஓடுவதைப்‌ பார்த்து நின்றான்‌ ; விரைந்து செல்லும்‌ குதிரையில்‌ ஏறியூர்ந்தான்‌ ; நீண்‌ட தெருவிலே தேரேறிச் சென்றான்‌; உயரமான யானையிலே ஏறிச்‌ சென்றான்‌. இனிய மது நிறைந்த குடங்களை அனைவர்க்கும்‌ வழங்‌னான்‌. பாணர்கள்‌ மகிழும்படி அவர்கள்‌ பசி நீங்க விருந்திட்டான்‌ ; தெளிவான அறமொழிகளையே கூறினான்‌; இவ்வாறு உயர்ந்த பண்புள்ளவன்‌ செய்யக்கூடியன எவையோ அவைகளையெல்லாம்‌ செய்‌தான்‌" என்று அமைந்திருக்கும்.