சரோஜா ராமாமிருதம்

கட்டற்ற கலைக்களஞ்சியமான விக்கிப்பீடியாவில் இருந்து.
(பேபி சரோஜா இலிருந்து வழிமாற்றப்பட்டது)
Jump to navigation Jump to search
சரோஜா ராமாமிருதம்
Balayogini 1937film 2.jpg
பாலயோகினி திரைப்படத்தில் பேபி சரோஜா
பிறப்புபேபி சரோஜா
1931
சென்னை
தமிழ் நாடு
இந்தியா
இருப்பிடம்சென்னை
தேசியம் இந்தியா
பணிநடிகை
செயல்பட்ட 
ஆண்டுகள்
1937 முதல் 1941 வரை
சமயம்இந்து
வாழ்க்கைத்
துணை
வி. ராமாமிருதம்
பிள்ளைகள்இரண்டு மகன்
ஒரு மகள்

சரோஜா ராமாமிருதம் (பிறப்பு: 28 ஜனவரி 1931 - இறப்பு: 14 அக்டோபர் 2019[1]) என்பவர் பேபி சரோஜா என்னும் பெயரில் 1930களில் தமிழ்த் திரைப்படங்களில் குழந்தை வேடங்களில் நடித்தவர். இவர் பாலயோகினி (1937), தியாகபூமி (1939), காமதேனு (1941) ஆகிய தமிழ்த் திரைப்படங்களில் நடித்துள்ளார்.[2]

வாழ்க்கைச் சுருக்கம்[தொகு]

பிரபல திரைப்பட இயக்குனர் கே. சுப்பிரமணியத்தின் சகோதரர் கே. விசுவநாதன், மற்றும் வத்சலா ஆகியோருக்குப் பிறந்தவர் சரோஜா. தந்தை விசுவநாதன் சென்னையில் சித்திரா டாக்கீசு என்ற பெயரில் திரையரங்கு ஒன்றை நடத்தி வந்தார். பேபி சரோஜா நடித்த மூன்று திரைப்படங்களையும் கே. சுப்பிரமணியமே தயாரித்திருந்தார். காமதேனு திரைப்படத்தில் சரோஜாவின் தந்தையும் (கே. பி. வத்சல்), தாயும் கதாநாயகனாகவும் கதாநாயகியாகவும் நடித்திருந்தனர்.[3] அக்காலகட்டத்தில் கலிபோர்னியா மாநிலம் சாந்தா மொனிக்காவைச் சேர்ந்த ஷெர்லி டெம்பிள் என்ற குழந்தை நட்சத்திரம், பிரமாதமான நடிப்பால் உலகப் புகழ் பெற்றிருந்தார். அதே சமயம் இந்தியாவில் சரோஜா அவர்கள் தன் நடிப்புத் திரமையைக் கொண்டு எல்லோராலும் பாராட்டப் பட்டு இந்தியாவின் ஷிர்லி டெம்பிள் என்று மக்களால் போற்றப்பட்டார். மேலும் அப்போது தமிழ்நாட்டில் பிறந்த சில பெண் குழந்தைகளுக்குப் ”சரோஜ” என்று பெயர் சூட்டினார்கள்.[4]

இறப்பு[தொகு]

பேபி சரோஜா மூப்பின் காரணமாக ஏற்பட்ட உடல்நலக் குறைவால் 2019 அக்டோபர் 14 ஆம் நாள் காலமானார். இறக்கும்போது அவருக்கு வயது 88.[5][1]


மேற்கோள்கள்[தொகு]

  1. 1.0 1.1 "Girl who was named Shirley Temple of India". டைம்ஸ் ஒவ் இந்தியா. 16 அக்டோபர் 2019. Archived from the original on 16 அக்டோபர் 2019. http://archive.is/ch8MM. பார்த்த நாள்: 16 அக்டோபர் 2019. 
  2. "MEMORIES OF MADRAS Beachside story". தி இந்து (ஏப்ரல் 29, 2009). பார்த்த நாள் மார்ச் 13, 2013.
  3. Kamadhenu 1941, ராண்டார் கை, தி இந்து, செப்டம்பர் 23, 2012
  4. "திரைப்படத் துறையில் கே.சுப்பிரமணியம் நடத்திய புரட்சி!". மாலை மலர் (பிப்ரவரி 16, 2013). பார்த்த நாள் மார்ச் 14, 2013.
  5. சரோஜினி. "30 களின் பிரபல குழந்தை நட்சத்திரம் பேபி சரோஜா மறைவு". தினமணி. Archived from the original on 16 அக்டோபர் 2019. http://archive.is/LDzhY. பார்த்த நாள்: 16 அக்டோபர் 2019. 

வெளியிணைப்பு[தொகு]

"https://ta.wikipedia.org/w/index.php?title=சரோஜா_ராமாமிருதம்&oldid=2816508" இருந்து மீள்விக்கப்பட்டது