பெர் அயோடினேன்கள்
பெர் அயோடினேன்கள் (Periodinanes) என்பவை அயோடின் ஆக்சிசனேற்ற நிலை +5 இல் காணப்படும் கரிம அயோடின் சேர்மங்களைக் குறிக்கின்றன. இவற்றை λ5- அயோடேன்கள் என்ற பெயராலும் அழைக்கின்றனர். அயோடின் அணுக்களின் இணைதிறன் கூட்டில் எட்டு எலக்ட்ரான்களுக்கு மேல் இருப்பதால் இத்தகைய சேர்மங்களை மீ இணைதிற சேர்மங்கள் என்கிறோம்.
பெர் அயோடினேன் சேர்மங்கள்[தொகு]
தெசு-மார்டின் பெர் அயோடினேன் போன்ற λ5- அயோடேன்கள் அடித்தளத்தில் 4 வேற்றின அணுக்களையும் உச்சியில் பீனைல் குழுவையும் கொண்டுள்ள சதுர பட்டைக்கூம்பு வடிவியலை ஏற்கின்றன.
அயோடாக்சிபென்சீன் அல்லது அயோடைல் பென்சீன் (C6H5IO2 ) என்பது அறியப்பட்ட ஆக்சிசனேற்றும் முகவராகும். முதன்முதலில் வில்கெரோட் என்பவர் அயோடோசில் பென்சீனை நீராவிக் காய்ச்சிவடித்தலுக்கு உட்படுத்தி விகிதச்சமமின்றி பிரியும் அயோடைல் பென்சீன் மற்றும் அயோடோபென்சீன் சேர்மங்களை தயாரித்தார்.
2 PhIO → PhIO2 + PhI
தெசு-மார்டின் பெர் அயோடினேன் என்பது மற்றொரு வலிமையான ஆக்சிகரணியாகும். ஏற்கனவே 1983 இல் அறியப்பட்ட ஐ.பி.எக்சு. அமிலம் என்றழைக்கப்படும் 2- அயோடாக்சி பென்சாயிக் அமிலத்தின் மேம்படுத்தப்பட்ட சேர்மமே தெசு-மார்டின் பெர் அயோடினேன் ஆகும். 2-அயோடோபென்சாயிக் அமிலம், பொட்டாசியம் புரோமேட்டு, கந்தக அமிலம் ஆகியவற்றைச் சேர்த்து வினைபுரியச் செய்வதன் மூலம் 2- அயோடாக்சி பென்சாயிக் அமிலத்தை தயாரிக்கலாம்[1]. பெரும்பாலான கரைப்பான்களில் இது கரையாது. ஆனால் அசிட்டிக் நீரிலியுடன் 2- அயோடாக்சி பென்சாயிக் அமிலத்தைச் சேர்த்து தயாரிக்கப்படும் தெசு-மார்ட்டின் வினையாக்கி நன்கு கரையும். ஈந்தணைவி பரிமாற்ற வினையை தொடர்ந்து நிகழும் ஒரு ஒடுக்க நீக்க வினை இந்த ஆக்சிசனேற்றத்தின் வினைவழிமுறையாகும்.
பயன்கள்[தொகு]
கன உலோகங்களை அடிப்படையாக்க் கொண்ட நச்சு வினையாக்கிகளுக்கு மாற்றாக பெர் அயோடினேன்களை பயன்படுத்த முடியும் என்பது முக்கியமானதொரு பயனாகும்[2].
மேற்கோள்கள்[தொகு]
- ↑ Robert K. Boeckman, Jr., Pengcheng Shao, and Joseph J. Mullins. "1,2-Benziodoxol-3(1H)-one, 1,1,1-tris(acetyloxy)-1,1-dihydro-". Organic Syntheses. http://www.orgsyn.org/demo.aspx?prep=v77p0141.; Collective Volume, vol. 10, p. 696
- ↑ Hypervalent iodine(V) reagents in organic synthesis Uladzimir Ladziata and Viktor V. Zhdankin Arkivoc 05-1784CR pp 26-58 2006 Article