பெருநிறுவன சமூகப் பொறுப்பு
பெருநிறுவன சமூகப் பொறுப்பு (Corporate Social Responsibility சுருக்கமாக:CSR) என்பது, ஒரு பெரு வணிகம் தன்னைச் சுற்றியுள்ள சமூகத்திற்கு ஒரு பொறுப்பைக் கொண்டுள்ளது என்பதைக் குறிக்கிறது.[1] பெருநிறுவனங்கள் தங்களது வளர்ச்சிக்குத் தேவையான மனித வளங்களையும், இயற்கை வளங்களையும் இந்த சமுதாயத்திலிருந்தும், இயற்கை வளங்களிலிருந்துதான் எடுத்துக் கொள்கிறது. அதற்கு பிரதிபலனாக சமுதாயத்துக்கு திருப்பிச் செலுத்தும் நடவடிக்கைதான் சமூகப் பொறுப்பு என்பதாகும். பாரம்பரியமாக பெருநிறுவனங்களின் சமூகப் பொறுப்பை நான்கு வகைகளாகப் பிரிக்கப்படுகிறது: அவைகள் சுற்றுச்சூழல் பொறுப்பு, கொடைத்தன்மை, நெறிமுறை மற்றும் பொருளாதாரப் பொறுப்பு[2][3]ஆகும்.
பெருநிறுவனங்களின் சமூகப் பொறுப்புகள்
[தொகு]சுற்றுச்சூழல் பொறுப்பு
[தொகு]சுற்றுச்சூழல் பொறுப்பு என்பது நிறுவனங்கள் முடிந்தவரை சுற்றுச்சூழலுக்கு உகந்த முறையில் நடந்து கொள்ள வேண்டும் என்ற நம்பிக்கையாகும். சில நிறுவனங்கள் இதுபோன்ற முயற்சிகளைக் குறிக்க "சுற்றுச்சூழல் மேலாண்மை" என்ற சொல்லைப் பயன்படுத்துகின்றன.சுற்றுச்சூழல் பொறுப்பை ஏற்றுக்கொள்ள விரும்பும் நிறுவனங்கள் பல வழிகளில் அவ்வாறு செய்யலாம்:
- சுற்றுச்சூழலுக்கு தீங்கு விளைவிக்கும் நடைமுறைகளைக் குறைத்தல்: மாசுபாடு, பசுமை இல்ல வாயு வெளியேற்றத்தைக் குறைத்தல், ஒற்றைப் பயன்பாட்டு நெகிழிகளின் பயன்பாட்டை குறைத்தல், நீர் நுகர்வு மற்றும் பொதுக் கழிவு மேலாண்மையைப் பின்பற்றுதல்.
- ஆற்றல் நுகர்வு ஒழுங்குபடுத்துதல்: புதுப்பிக்கத்தக்கவை, நிலையான வளங்கள் மற்றும் மறுசுழற்சி செய்யப்பட்ட அல்லது பகுதியளவு மறுசுழற்சி செய்யப்பட்ட பொருட்களின் மீதான நம்பிக்கையை அதிகரித்தல்
- எதிர்மறை சுற்றுச்சூழல் தாக்கத்தை ஈடுசெய்தல்: மரங்களை நடுதல், சுற்றுச்சூழல் ஆராய்ச்சிக்கு நிதியளித்தல் மற்றும் தொடர்புடைய காரணங்களுக்கு நன்கொடை அளித்தல்
நெறிமுறை பொறுப்பு
[தொகு]நெறிமுறை பொறுப்பு என்பது ஒரு நிறுவனம் நியாயமான மற்றும் நெறிமுறை முறையில் செயல்படுவதை உறுதி செய்வதில் அக்கறை கொள்தல். நெறிமுறை பொறுப்பை ஏற்றுக்கொள்ளும் நிறுவனங்கள், தலைமை, முதலீட்டாளர்கள், ஊழியர்கள், விநியோகஸ்தர்கள் மற்றும் வாடிக்கையாளர்கள் உட்பட அனைவரையும் நியாயமாக நடத்துவதன் மூலம் நெறிமுறை நடத்தையை கடைப்பிடிப்பதை நோக்கமாகக் கொண்டுள்ளது.[4]
நிறுவனங்கள் வெவ்வேறு வழிகளில் நெறிமுறை பொறுப்பை ஏற்றுக்கொள்ளலாம். உதாரணமாக, ஒரு நிறுவனம் மாநில அல்லது மத்திய அரசாங்கத்தால் கட்டளையிடப்பட்ட ஊதியமானது, "வாழத்தக்க ஊதியம்" ஆக இல்லாவிட்டால், அதிகமான குறைந்தபட்ச ஊதியத்தை நிர்ணயிக்கலாம். . இதனால் பல நிறுவனங்கள் கொத்தடிமை அல்லது குழந்தைத் தொழிலாளர் மூலம் உற்பத்தியான பொருட்களை வாங்குவதில்லை என்பதை உறுதி செய்வதற்கான செயல்முறைகளைக் கொண்டுள்ளது.
மனிதநேயப் பொறுப்பு
[தொகு]மனிதநேயப் பொறுப்பு என்பது உலகத்தையும் சமூகத்தையும் ஒரு சிறந்த இடமாக மாற்றுவதற்கான ஒரு வணிகத்தின் நோக்கத்தைக் குறிக்கிறது. நெறிமுறை மற்றும் சுற்றுச்சூழலுக்கு ஏற்றவாறு செயல்படுவதோடு மட்டுமல்லாமல், மனிதநேயப் பொறுப்புடன் இயங்கும் நிறுவனங்கள் பெரும்பாலும் தங்கள் வருவாயில் ஒரு பகுதியை மனிதநேயத்திற்காக செலவிடுகிறது. . பல பெருநிறுவனங்கள் தங்கள் பணிகளுடன் ஒத்துப்போகும் தொண்டு நிறுவனங்கள் மற்றும் இலாப நோக்கற்ற நிறுவனங்களுக்கு நன்கொடை அளிக்கும் அதே வேளையில், மற்றவை தங்கள் வணிகத்துடன் நேரடியாக தொடர்பில்லாத தகுதியான காரணங்களுக்காக நன்கொடை அளிக்கின்றன. மற்றவர்கள் தங்கள் சொந்த தொண்டு அறக்கட்டளை அல்லது அமைப்பை உருவாக்கி, சமூகத்தில் நேர்மறையான தாக்கத்தை ஏற்படுத்துகிறார்கள்.
பொருளாதாரப் பொறுப்பு
[தொகு]பொருளாதாரப் பொறுப்பு என்பது ஒரு பெருநிறுவனம் அதன் அனைத்து நிதி முடிவுகளையும் நன்மை செய்வதற்கான உறுதிப்பாட்டில் இயங்கும் நடைமுறையாகும். நிறுவனத்தின் லாபத்தை அதிகரிப்பது மட்டுமல்ல, வணிக நடவடிக்கைகள் சுற்றுச்சூழல், மக்கள் மற்றும் சமூகத்தில் நேர்மறையான தாக்கத்தை ஏற்படுத்துவதை உறுதி செய்வதும் ஆகும்.[5]
இந்தியாவில் பெருநிறுவன சமூகப் பொறுப்பு
[தொகு]இந்தியாவில் பெருநிறுவனங்களின் சமூகப் பொறுப்பு நடவடிக்கைளை பெருநிறுவன விவகாரங்கள் துறை அமைச்சகம் கண்காணிக்கிறது. சமூகத்தையும், பெருநிறுவனங்களையும் இணைக்கும் பாலமாக சமூகப் பொறுப்புத் திட்டம் செயல்பட்டு வருகிறது.[6]
1 ஏப்ரல் 2014 அன்று நடைமுறைப்படுத்த 2013 இந்தியக் கம்பெனிகள் சட்டத்தின்படி ரூபாய்.5,00 கோடி நிகர மதிப்புகொண்ட நிறுவனங்கள் அல்லது ரூபாய் .1,000 கோடி வர்த்தகம் செய்யும் நிறுவனங்கள் அல்லது ரூபாய் .5 கோடியை நிகர லாபமாக ஈட்டியிருக்கும் நிறுவனங்கள், தங்களது முந்தைய 3 ஆண்டுகள் லாபத்தின் சராசரியில் 2% தொகையை சமூகப் பொறுப்பு நடவடிக்கைகளுக்கு செலவு செய்ய வேண்டும்.
சமூக பங்களிப்புக்காக ஒதுக்கப்படும் நிதியை நிறுவனங்கள் நேரடியாக செலவு செய்யலாம் அல்லது தங்களது சொந்த அறக்கட்டளை மூலமாகவும், லாப நோக்கமற்ற சேவை நிறுவனங்கள் மூலமாகவும் செலவு செய்யலாம். இச்சட்டத்தின் கீழ் வறுமை, பட்டினி, ஊட்டச்சத்து குறைபாடு ஆகியவற்றை ஒழித்தல், சுகாதாரம், கல்வி & வேலைவாய்ப்பு மற்றும் ஆராய்ச்சியை மேம்படுத்தல், சுற்றுச்சூழலை காத்தல், பாலின சமத்துவம் மற்றும் பாதிக்கப்படக்கூடிய குழுக்களுக்கு ஆதரவு அளித்தல், சுகாதாரத்தை மேம்படுத்துதல், தேசிய பாரம்பரியம் மற்றும் கலாச்சாரத்தை காத்தல், கிராமப்புற, தேசிய அளவில் அங்கீகரிக்கப்பட்ட, பாராலிம்பிக் மற்றும் ஒலிம்பிக் விளையாட்டுகளின் பயிற்சி மற்றும் ஊக்குவித்தல்,.பேரிடர் மேலாண்மைக்கு நிதி உதவி செய்தல், தூய்மை இந்தியா இயக்கம் மற்றும் பாதுகாப்பான குடிநீர் திட்டத்திற்கு உதவலாம்.
மேற்கோள்கள்
[தொகு]- ↑ Corporate Social Responsibility
- ↑ Lee, Nancy; Kotler, Philip (2013). Corporate social responsibility doing the most good for your company and your cause. Hoboken, NJ: Wiley. ISBN 978-1118045770.
- ↑ Liang, Hao; Renneboog, Luc (2016-12-06). "On the Foundations of Corporate Social Responsibility: On the Foundations of Corporate Social Responsibility" (in en). The Journal of Finance 72 (2): 853–910. doi:10.1111/jofi.12487. https://onlinelibrary.wiley.com/doi/10.1111/jofi.12487.
- ↑ Farrington, Thomas; Curran, Ross; Gori, Keith; O'Gorman, Kevin D.; Queenan, C. Jane (2017). "Corporate social responsibility: reviewed, rated, revised". International Journal of Contemporary Hospitality Management 29 (1): 30–47. doi:10.1108/IJCHM-05-2015-0236. https://rke.abertay.ac.uk/en/publications/605a09ab-be4e-45cf-ab35-5869a4d23577.
- ↑ Dann, Jeremy (July 1, 2009). "Business Ethics Integral to Corporate Strategy, says Stanford's Malhotra". cbsnews.com. Archived from the original on March 18, 2017. Retrieved September 15, 2020.
[BNET:] Ethics as central to overall corporate strategy—is that conventional wisdom or is that a new approach? [Professor:] I think a lot of students think, "Ethics is a constraint on profits". A lot of corporate social responsibility is taught as a part of marketing.
- ↑ Corporate Social Responsibility in India