பெண்களுக்கான சர்வதேச அமைப்பு

கட்டற்ற கலைக்களஞ்சியமான விக்கிப்பீடியாவில் இருந்து.

பெண்களுக்கான சர்வதேச அமைப்பு (விமன் ஃபார் விமன் இன்டர்நேசனல் Women for Women International பெண்களுக்கான சர்வதேச அமைப்பு ) என்பது ஒரு இலாப நோக்கற்ற மனிதாபிமான அமைப்பாகும், இது போரில் உயிர் பிழைத்த பெண்களுக்கு நடைமுறை மற்றும் தார்மீக ஆதரவை வழங்குகிறது. பெண்களுக்கான சர்வதேச அமைப்பு போரில் பாதிக்கப்பட்ட பெண்களுக்கு ஒரு வருட கால திட்டத்தின் மூலம் போரின் அழிவுக்குப் பிறகு தங்கள் வாழ்க்கையை மீண்டும் கட்டமைக்க உதவுகிறது, இது நேரடி நிதி உதவி மற்றும் ஆலோசனைகளையும் மற்றும் தேவைப்பட்டால் வாழ்க்கைத் திறன்கள் (எ.கா., எழுத்தறிவு, எண்) பயிற்சி, உரிமை விழிப்புணர்வு கல்வி, சுகாதார கல்வி, வேலை திறன் பயிற்சி மற்றும் சிறு வணிக வளர்ச்சி பயிற்சியினையும் அளிக்கிறது.

வரலாறு[தொகு]

1993 ஆம் ஆண்டில், வுமன் ஃபார் வுமன் இன்டர்நேஷனல் நிறுவனம், கணவன் மற்றும் மனைவி, அம்ஜத் அதல்லா மற்றும் ஜெய்னாப் சல்பி ஆகியோரால் இணைந்து நிறுவப்பட்டது, அவர் ஈரான் - ஈராக் போரில் இருந்து தப்பியவர். [1]

யுகோஸ்லாவியப் போர்களின் போது கற்பழிப்பு முகாம்களில் பெண்கள் படும் துன்பங்கள் மற்றும் சர்வதேச சமூகத்தின் செயல்பாடுகள் இன்மை அறிந்து அவர்கள் செயல்படத் தூண்டப்பட்டனர். [2] போஸ்னியா மற்றும் ஹெர்சகோவினாவில் போரில் உயிர் பிழைத்த பெண்களுக்கு அமெரிக்காவில் புரவலர்களிடையே "சிஸ்டர் - சிஸ்டர்" இணைப்புகளை உருவாக்குவதன் மூலம் பெண்களுக்கான சர்வதேச அமைப்பு தனது செயல்பாடுகளைத் தொடங்கியது.

இந்த நிறுவனத்தின் முதல் ஆண்டில், பெண்கள் எட்டு சர்வதேச பெண்களுடன் இணைந்து, சுமார் $ 9,000 நேரடி உதவியை விநியோகித்தனர். [3] அந்த உதவிகளின் போது அந்த நிறுவனம் பல அனுபவத்தைப் பெற்றதால், எல்லாவற்றையும் இழந்த பெண்களுக்கு நிதி உதவி மட்டும் போதுமான பதில் அல்ல என்பதை அதன் ஊழியர்கள் புரிந்து கொண்டனர். போரில் இருந்து தப்பிப்பிழைத்த பெண்கள், குறிப்பாக விதவைகள், அனைத்தையும் இழந்தவர்கள், பெண்களாக தங்கள் உரிமைகள் மற்றும் திறன்களைப் பற்றிய புரிதலை வளர்த்துக் கொள்ள வேண்டும், சந்தைப்படுத்தல் திறன்களை வளர்த்துக் கொள்ள வேண்டும் மற்றும் நிலையான வருமானத்தை ஈட்ட ஒரு வழியைக் கண்டுபிடிக்க வேண்டும் என்ற கருத்து அவர்களிடையே வந்தது. [4]

2012 முதல் 2014 வரை, ஐக்கிய நாடுகளின் சிறுவர் நிதியம் உடன் நீண்டகால முன்னாள் நிர்வாகியான அப்சான் கான் பெண்களுக்கான சர்வதேச அமைப்பினை வழிநடத்தினார், அவர் தனது எழுத்துப் பணி மற்றும் கற்பித்தல் பணிக்கு நேரம் ஒதுக்க வேண்டிய காரணத்தினால் நிறுவனர் ஜைனாப் சல்பி விலகிய பின்னர் பெண்களுக்கான சர்வதேச அமைப்பு இன் முதல் புதிய தலைமை நிர்வாக அதிகாரி ஆனார். [5] லாரி ஆடம்சு தற்போதைய தலைமை நிர்வாக அதிகாரியாக உள்ளார். [6]

வாஷிங்டன், DC யை தலைமையிடமாகக் கொண்டு, பெண்களுக்கான சர்வதேச அமைப்பு லண்டன், இங்கிலாந்து [7] மற்றும் ஜெர்மனியின் ஹாம்பர்க் [8] மற்றும் பிற நாடுகளில் அதன் அலுவலகங்களை நிறுவியது: ஆப்கானிஸ்தான் (நிரல் ஆரம்பம் 2002); [9] பொசுனியா மற்றும் எர்சகோவினா (1994);[சான்று தேவை] காங்கோ மக்களாட்சிக் குடியரசு (2004); [10] [11] ஈராக் (2003); [12] கொசோவோ (1999); [13] [14] நைஜீரியா (2000); [15] ருவாண்டா (1997); [16] மற்றும் தெற்கு சூடான் (2006) . [17] ஆகிய நாடுகளிலும் நிறுவனங்களை நிறுவியது

2015 ஆம் ஆண்டு நிலவரப்படி, இந்த அரசு சார்பற்ற அமைப்பு போரினால் பாதிக்கப்பட்ட நாடுகளில் சுமார் 449,000 விளிம்பு நிலை பெண்களுக்கு உதவியுள்ளது. [18]

சான்றுகள்[தொகு]

  1. ↑ "My uncle, the tyrant". New Internationalist (in ஆங்கிலம்). 2011-03-02. பார்க்கப்பட்ட நாள் 2020-02-24.
  2. ↑ Khaleeli, Homa (2013-04-02). "Zainab Salbi: Escape from tyranny" (in en-GB). The Guardian. பன்னாட்டுத் தர தொடர் எண்:0261-3077. https://www.theguardian.com/lifeandstyle/2013/apr/02/zainab-salbi-women-for-women-international. 
  3. ↑ "Women for Women Is an Awesome Organization Focused on Empowering Women Worldwide". Archived from the original on 2020-08-08.
  4. ↑ "Charity of the Month - Woman Power" The Family Groove, 20 May 2006.
  5. ↑ "Women for Women International Names Afshan Khan New CEO." PrWeb, 30 April 2012.
  6. ↑ "Laurie Adams: CEO, Women for Women International (WfWI)". The Native Society (in அமெரிக்க ஆங்கிலம்). Archived from the original on 2020-02-24. பார்க்கப்பட்ட நாள் 2020-02-24.
  7. ↑ "Women For Women International (UK)". DueDil. DueDil Ltd. Archived from the original on 2019-04-10. பார்க்கப்பட்ட நாள் 2019-04-10.
  8. ↑ "Women for Women International (DE) gGmbH". Firmenwissen. Verband der Vereine Creditreform e.V. பார்க்கப்பட்ட நாள் 2019-04-10.
  9. ↑ "Women for Women International-Afghanistan Country Director Sweeta Noori returns from Afghanistan, urges members of Congress to support Afghan women - Afghanistan". ReliefWeb (in ஆங்கிலம்). பார்க்கப்பட்ட நாள் 2020-02-24.
  10. ↑ "Country Profile - DRC". Women for Women International (in ஆங்கிலம்). பார்க்கப்பட்ட நாள் 2020-02-24.
  11. ↑ "Case Study Series: Women in Peace and Transition Processes" (PDF). Archived from the original (PDF) on 2020-09-04.
  12. ↑ "Stronger Women, Stronger Nations: 2008 Iraq Report - Iraq". ReliefWeb (in ஆங்கிலம்). பார்க்கப்பட்ட நாள் 2020-02-24.
  13. ↑ "Kosovo | Women for Women International". www.womenforwomen.org (in ஆங்கிலம்). பார்க்கப்பட்ட நாள் 2020-02-24.
  14. ↑ "The Kosovo - Women's Initiative - An independent evaluation" (PDF).
  15. ↑ "Women for Women International Nigeria Project". Issuu (in ஆங்கிலம்). பார்க்கப்பட்ட நாள் 2020-02-24.
  16. ↑ "The New Times - Featured: I&M Bank (Rwanda) Plc. celebrates with Women for Women International on International Women´s Day".
  17. ↑ "Women for Women International Announces Ongoing Support for Women of South Sudan - South Sudan". ReliefWeb (in ஆங்கிலம்). பார்க்கப்பட்ட நாள் 2020-02-24.
  18. ↑ "Zainab Salbi: The Voice Of Arabia". Harper's BAZAAR Arabia (in ஆங்கிலம்). பார்க்கப்பட்ட நாள் 2020-02-24.
"https://ta.wikipedia.org/w/index.php?title=பெண்களுக்கான_சர்வதேச_அமைப்பு&oldid=3574282" இலிருந்து மீள்விக்கப்பட்டது