பெங்களூர் நகரத் தொடருந்து நிலையம்

பெங்களூர் நகரத் தொடருந்து நிலையம் Bengaluru/Bangalore City Railway Station
இந்திய இரயில்வே நிலையம்
இடம்	பெங்களூர், கருநாடகம் இந்தியா
அமைவு	12°58′42″N 77°34′10″E
உயரம்	896.920 மீட்டர்கள் (2,942.65 ft)
உரிமம்	இந்திய இரயில்வே
இயக்குபவர்	தென்மேற்கு ரயில்வே
தடங்கள்	சென்னை சென்டிரல்-பெங்களூர் நகர வழித்தடம்
நடைமேடை	10
இணைப்புக்கள்	கெம்பேகவுடா பேருந்து நிலையம், நம்ம மெட்ரோ
கட்டமைப்பு
தரிப்பிடம்	Yes
மற்ற தகவல்கள்
நிலை	இயக்கத்தில்
நிலையக் குறியீடு	SBC
இந்திய இரயில்வே வலயம்	தென்மேற்கு ரயில்வே
இரயில்வே கோட்டம்	பெங்களூர் கோட்டம்
மின்சாரமயம்	Yes

பெங்களூர் நகரத் தொடருந்து நிலையம், கர்நாடக மாநிலத்தின் தலைநகரான பெங்களூரில் உள்ளது. இது பெங்களூர் நகரத்தின் ரயில் போக்குவரத்துக்கான நிலையமாகும். இது தென்மேற்கு ரயில்வேயின் முக்கிய ரயில் நிலையம் ஆகும். இது 10 நடைமேடைகளைக் கொண்டது. இந்திய அளவில் அதிகம் பேர் பயன்படுத்தும் நிலையங்களில் இதுவும் ஒன்று.

நிலையம்

இதில் உள்ள 1 முதல் 7 வரையிலான நடைமேடைகளில் சென்னை, சேலம் ரயில் வழித்தடங்களின் ரயில்கள் நிற்கின்றன. 8,9,10 ஆகிய நடைமேடைகளில் ஹூப்ளியில் தொடங்கி யஷ்வந்த்பூர் வழியாக வரும் ரயில்கள் நிற்கின்றன. 1 முதல் 4 வரையிலான நடைமேடைகளுக்கு வரும் ரயில்கள் பெங்களூருடன் நிற்கின்றன. 5 முதல் 10 வரையிலான நடைமேடைகளுக்கு வரும் ரயில்கள் மைசூர் வரை பயணிக்கின்றன.

ஒவ்வொரு நாளும் 88 ரயில்கள் வந்து செல்கின்றன. இவற்றில் 63 ரயில்கள் விரைவுவண்டி வகையைச் சேர்ந்தவை. சராசரியாக ஒவ்வொரு நாளும் 220,000 பயணிகள் வந்து செல்கின்றனர்.