பூக்கான் மொழி

பூக்கான் மொழி Bookan Language
Banggi
Baukan Murut
நாடு(கள்)	மலேசியா
பிராந்தியம்	போர்னியோ
இனம்	2,400 (2017)
தாய் மொழியாகப் பேசுபவர்கள்	?  (2006)
மொழிக் குடும்பம்	ஆஸ்திரோனீசிய மலாய-பொலினீசிய மொழிகள் வடக்கு போர்னியோ மொழிகள் தென்மேற்கு சபா மொழிகள் மூருட்டிய மொழிகள் வடக்குப் பகுதி பூக்கான் மொழி Bookan Language
எழுத்துமுறை	இலத்தீன்
மொழிக் குறியீடுகள்
ISO 639-3	bnb
மொழிக் குறிப்பு	book1241

பூக்கான் மொழி (ஆங்கிலம்: Bookan language, Baukan Murut) என்பது மலேசியாவின் சபா மாநிலத்தைச் சேர்ந்த மூருட்டு மக்கள் பேசும் ஒரு மொழியாகும். இந்த மொழி தற்போது அழியும் நிலையில் உள்ளது. பூக்கான் மொழி ஆஸ்திரோனீசிய மொழிகள் குடும்பத்தைச் சேர்ந்தது ஆகும். அதில் மலாய் மொழி மற்றும் இந்தோனேசிய மொழி போன்ற மொழிகளும் அடங்கும்.

மூருட்டு மக்கள் ஆயிரக்கணக்கான ஆண்டுகளுக்கு முன்பு சபா பகுதிக்கு இடம் பெயர்ந்து, அங்கு குடியேறியபோது தங்களுக்கே உரிய தனித்துவமான மொழியையும் உடன் கொண்டு வந்ததாக நம்பப்படுகிறது. காலப்போக்கில், சுற்றியுள்ள மொழிகள் மற்றும் பண்பாடுகளின் தாக்கத்தால், பூக்கான் மொழி தனக்கென தனித்துவமான சிறப்புகளையும் வட்டார வழக்குகளையும் வளர்த்துக் கொண்டது.

வரலாறு

பூக்கான் மொழி மூருட்டு மக்களுக்கு அளப்பரிய முக்கியத்துவம் வாய்ந்தது; ஏனெனில் இது அவர்களின் பண்பாட்டுப் பாரம்பரியம் மற்றும் மரபுகளுடனான ஒரு முக்கிய இணைப்பாக விளங்குகிறது. இம்மொழியின் மூலமாகவே மூருட்டு மக்கள் தங்களின் வரலாறு, தொன்மங்கள்; மற்றும் மூதாதையரின் பாரம்பரிய அறிவையும் பகிர்ந்து கொள்கின்றனர்.

இந்த மொழி அவர்களின் அடையாளத்துடன் ஆழமாகப் பின்னிப் பிணைந்து உள்ளது. அத்துடன், அவர்களின் பழக்கவழக்கங்கள், விழுமியங்கள் மற்றும் நம்பிக்கைகளின் களஞ்சியமாகவும் திகழ்கிறது. மேலும், இந்த மொழி அவர்களின் சமூக உணர்வை வலுப்படுத்துவதோடு, மூருட்டு மக்களிடையே இருக்கும் சமூக பிணைப்புகளையும் மென்மேலும் உறுதி படுத்துகிறது.

மேலும் காண்க

• அருகிய மொழி
• ஆஸ்திரோனீசிய மொழிகள்
• மலாய-பொலினீசிய மொழிகள்
• வடக்கு போர்னியோ மொழிகள்