புவிசார் குறியீடு

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்

ஒரு குறிப்பிட்ட புவிசார்ந்த இடத்தையோ அல்லது தோற்றத்தையோ ( எ.கா. நகரம், வட்டாரம், நாடு ) குறிக்கும்படி ஒரு பொருளின் மீது பயன்படுத்தப்படும் பெயர் அல்லது சின்னம் புவிசார் குறியீடு (Geographical indication) எனப்படும். இந்த குறியீடு, அந்த பொருள் புவிசார்ந்து பெறும் தரத்தையோ, நன்மைதிப்பையோ சாற்றும் சான்றாக விளங்கும். இவ்வாறு புவிசார் குறியீடு பெற்றிருக்கும் பொருளை சம்பந்தப்பட்ட ஊரைத் தவிர மற்ற இடங்களில் தயாரித்து சந்தைப்படுத்த முயல்வோர் மீது குற்றவியல் நடவடிக்கை எடுக்க முடியும். [1]

இந்தியாவில்[தொகு]

இந்திய மாநிலங்கள் ஒவ்வொன்றிலும் அதன் நிலப் பகுதிக்கேற்ப தனித்தனி பண்புகள், அடையாளங்கள் கொண்ட புவிசார் குறியீடு பெற்ற பொருட்கள் உற்பத்தி செய்யப்படுகின்றன.[2] பகுதிசார் பொருள்களின் விளைச்சல், அப்பகுதி மக்களின் தொழில்கள் மூலம் அப்பகுதி இந்தியா மட்டுமல்ல சர்வதேச அளவில் பிரபலமாகத் திகழ்கின்றன. [3]

தமிழ்நாட்டில் காஞ்சிபுரம் பட்டுச் சேலை, தஞ்சாவூர் கலைத்தட்டு, திருப்பதி லட்டு, மதுரை மல்லிகைப் பூ, மதுரை சுங்குடி சேலை, சேலம் மாம்பழம், தஞ்சாவூர் ஓவியப் பாணி, தஞ்சாவூர் பாணி ஓவியங்கள், பத்தமடை பாய் ஆகியவை புவிசார் குறியீடு பெற்றுள்ளன.

இந்தியாவில் புவிசார் குறியீடுகள் சட்டம் (பதிவு மற்றும் பாதுகாப்புச் சட்டம்) ஆண்டு, 1999 நிறைவேற்றப்பட்டது.[4][5] இந்தியாவில் பொருட்கள் தொடர்பான புவிசார் குறியீடுகள் பதிவு மற்றும் பாதுகாப்புக்கு இந்த சட்டம் வழி வகுக்கிறது. [6]

புவிசார் குறியீடு பொருட்களை பதிவு செய்யலாம்.[7]

ஊர்களும் அவற்றின் சிறப்புகளும்[தொகு]

வ.எண் ஊர் பெயர் மாவட்டம் சிறப்பு புவிசார் குறியீடு பெறப்பட்டுள்ள விபரம்[8]
1 பண்ருட்டி கடலூர் பலாப்பழம் -
2 சேலம் சேலம் மாவட்டம் மாம்பழம், வெண்பட்டு ஆம் (வெண்பட்டு)
3 மதுரை மதுரை மல்லிகைப்பூ, சுங்குடி சேலை, ஜிகர்தண்டா ,மதுரை மல்லி ஆம் (சுங்குடி சேலை, மல்லிகை)
4 திருவண்ணாமலை திருவண்ணாமலை சாமந்தி பூ, அரளி பூ, குண்டு மாங்காய் ஏலக்கி வாழைப்பழம் ஆம் (ஏலக்கி வாழைப்பழம்)
5 பழனி திண்டுக்கல் பஞ்சாமிர்தம் -
6 தூத்துக்குடி தூத்துக்குடி மக்ரூன், உப்பு -
7 கோவில்பட்டி தூத்துக்குடி கடலை மிட்டாய் -
8 திருநெல்வேலி திருநெல்வேலி அல்வா -
9 பரங்கிப்பேட்டை கடலூர் அல்வா -
10 ஸ்ரீவில்லிப்புத்தூர் விருதுநகர் பால்கோவா -
11 காரைக்குடி சிவகங்கை செட்டிநாடு சமையல் -
12 தஞ்சாவூர் தஞ்சாவூர் தலையாட்டி பொம்மை,தஞ்சாவூர் ஓவியங்கள், தஞ்சாவூர் கலைத்தட்டு, தஞ்சாவூர் வீணை ஆம் (நான்கும்)
13 காஞ்சிபுரம் காஞ்சிபுரம் பட்டு புடவை ஆம்
14 திண்டுக்கல் திண்டுக்கல் பூட்டு, பிரியாணி -
15 ஆம்பூர் வேலூர் பிரியாணி -
16 சிவகாசி விருதுநகர் பட்டாசு, நாட்காட்டி -
17 திருப்பூர் திருப்பூர் மாவட்டம் உள்ளாடை -
18 கும்பகோணம் தஞ்சாவூர் பாக்குச் சீவல், காஃபி, வெற்றிலை -
19 நாகர்கோவில் கன்னியாகுமரி மட்டி, நேந்திரம், வத்தல், நாட்டு மருந்து -
20 மார்த்தாண்டம் கன்னியாகுமரி தேன் -
21 தேனி தேனி கரும்பு -
22 ஊத்துக்குளி திருப்பூர் வெண்ணெய் -
23 பத்தமடை திருநெல்வேலி பாய் ஆம்
24 திருச்செந்தூர் தூத்துக்குடி கருப்பட்டி -
25 வாணியம்பாடி வேலூர் பிரியாணி -
26 பவானி ஈரோடு ஜமக்காளம் ஆம்
27 ஆரணி திருவண்ணாமலை பட்டு ஆம்
28 சிறுமலை திண்டுக்கல் மலை வாழை ஆம்
29 நாச்சியார்கோயில் புதுக்கோட்டை மாவட்டம் நாச்சியார் கோயில் குத்துவிளக்கு ஆம்[9]
30 திருப்பாச்சேத்தி சிவங்கை அரிவாள் -
31 விருதுநகர் விருதுநகர் மாவட்டம் புரோட்டா -
32 சின்னாளப்பட்டி திண்டுக்கல் கண்டாங்கி சேலை -
33 உடன்குடி தூத்துக்குடி மாவட்டம் கருப்பட்டி -
34 மணப்பாறை திருச்சி முறுக்கு, உழவு மாடு -
35 அலங்காநல்லூர் மதுரை ஜல்லிக்கட்டு -
36 பாலமேடு மதுரை மாவட்டம் ஜல்லிக்கட்டு -
37 சோழவந்தான் மதுரை மாவட்டம் வெற்றிலை -
38 ராஜபாளையம் விருதுநகர் மாவட்டம் நாய் -
41 பொள்ளாச்சி கோவை மாவட்டம் இளநீர் -
42 ஈரோடு ஈரோடு மாவட்டம் மஞ்சள் -
43 பெருந்துறை ஈரோடு மாவட்டம் வேல் (ஆயுதம்) -
44 பத்தமடை திருநெல்வேலி மாவட்டம் பத்தமடை பாய் ஆம்[10] [11]

இந்தியப் பொருட்கள்[தொகு]

195 இந்தியப் பொருட்களுக்கு இதுவரை புவிசார் குறியீடு வழங்கப்பட்டுள்ளது.இதில் விவசாயம் மற்றும் உணவு சார்ந்த பொருட்கள் 57. புவிசார் குறியீட்டிற்கான சட்டம் 1999ம் ஆண்டு இயற்றப்பட்டு 2003ம் ஆண்டு நடைமுறைக்கு வந்தது[12][13]

தமிழ்நாட்டின் புவிசார் குறியீடு[தொகு]

ஊர்களும் நகரங்களும் பல இருந்தாலும் சில ஊர்கள் மட்டும் ஒரு சில பொருள்களுக்காகவும் அவற்றின் தரத்திற்காகவும் மிகவும் சிறப்பாக அறியப்படுகின்றன. இவ்வாறு அறியப்படும் பொருள்களுக்குத் தற்போது புவிசார் குறியீடு (Geographical Indication) வழங்கும் முறை கூட உள்ளது.

மேலும் பார்க்க[தொகு]

வெளி இணைப்புகள்[தொகு]

உசாத்துணைகள்[தொகு]

"https://ta.wikipedia.org/w/index.php?title=புவிசார்_குறியீடு&oldid=2027848" இருந்து மீள்விக்கப்பட்டது