புல்புல் சர்மா
| புல்புல் சர்மா | |
|---|---|
| பிறப்பு | புல்புல் சர்மா 14 அக்டோபர் 1952 புது தில்லி, இந்தியா |
| குடியுரிமை | இந்தியர் |
| பணி | ஓவியர், எழுத்தாளர் |
புல்புல் சர்மா (Bulbul Sharma) (பிறப்பு 14 அக்டோபர் 1952) ஓர் இந்திய ஓவியரும், எழுத்தாளருமாவார். இவர் தற்போது புது தில்லியில் இருக்கிறார்.[1] [2] [3] தற்போது, இவர் குழந்தைகளுக்கான புதிய இலக்கியச் சிறுகதைகளின் தொகுப்பில் பணிபுரிகிறார்.[4]
சுயசரிதை[தொகு]
சர்மா புதுதில்லியில் பிறந்தார். தனது குழந்தைப்பருவ நாட்களின் பெரும்பகுதியை மத்தியப் பிரதேசத்தின் பிலாய் என்ற எஃகு நகரத்தில் கழித்தார்.[5] 1972இல் புதுதில்லியின் ஜவகர்லால் நேரு பல்கலைக்கழகத்தில் ஊருசிய மொழியிலும், இலக்கியத்திலும் பட்டப்படிப்பை முடித்தார்.[1] அதன் பிறகு உயர்கல்விக்காக மாஸ்கோ அரசுப் பல்கலைக்கழகத்திற்குச் சென்றார். [5]
1973இல் இந்தியாவுக்குத் திரும்பிய பிறகு, இவர் ஓவியம் வரைவதைத் தொடர்ந்தார். புதுதில்லியில் உள்ள கலைஞர்களுக்கான வளாகமான காவ்ரியில் சேர்ந்தார்.[6] 1985-ல் தான் எழுத்தை தனது முழுநேர தொழிலாக எடுத்தார்.[5] இவர் இந்தியாவிலும் வெளிநாட்டிலும் தனது ஓவியங்களின் பல கண்காட்சிகளை நடத்தினார். இவரது ஓவியங்கள் தேசிய நவீன கலைக்கூடம், லலித் கலா அகாதமி, சண்டிகர் அருங்காட்சியகம்,[4] யுனிசெஃப் நோராட், தேசிய சுகாதார நிறுவனம், வாசிங்டன், நேரு மையம், லண்டன்[1] ஆகியவற்றில் இடம் பெற்றன.
இவர் ஸ்டேட்ஸ்மேன் என்ற பத்திரிக்கையில் வாராந்திர பத்திகளை எழுதத் தொடங்கினார். பல்வேறு வெளியீட்டாளர்களுக்கான குழந்தைகள் புத்தகங்களையும் திருத்தினார். [5]
இவரது கதைகள் பிரான்சிய மொழி, இத்தாலிய மொழி, இடாய்ச்சு, பின்னிய மொழி போன்றவற்றில் மொழிபெயர்க்கப்பட்டுள்ளன.[4] இவரது மற்ற விருப்பங்களில் ஊனமுற்ற குழந்தைகளுக்கு பறவைகளைப் பார்க்கவைப்பதும் , கற்பிப்பதும் ஆகியவை அடங்கும்.[6]
புத்தகங்கள்[தொகு]
சர்மா கடந்த 15 வருடங்களாக சிறப்பு குழந்தைகளுக்கான கலை மற்றும் கதை சொல்லும் பட்டறைகளை நடத்தியுள்ளார். இவர் சிறுகதைத் தொகுப்புகளுடன் தொடங்கி பின்னர் புதினங்கள், குழந்தைகளுக்கான புத்தகங்களை நோக்கி முன்னேறினார்
சான்றுகள்[தொகு]
- ↑ 1.0 1.1 1.2 Seth, Anurag-Gargi. "Bulbul Sharma @ IndianArtCircle.com". www.indianartcircle.com. Archived from the original on 9 August 2018. பார்க்கப்பட்ட நாள் 6 November 2017.
- ↑ "Bulbul Sharma". https://timesofindia.indiatimes.com/litfest/delhi-litfest-2016/speakers/Bulbul-Sharma/articleshow/54977212.cms.
- ↑ "Bulbul Sharma". http://youngindiabooks.com/author/bulbul-sharma.
- ↑ 4.0 4.1 4.2 "Bulbul Sharma – Penguin India" இம் மூலத்தில் இருந்து 7 நவம்பர் 2017 அன்று. பரணிடப்பட்டது.. https://web.archive.org/web/20171107010215/https://penguin.co.in/author/bulbul-sharma/.
- ↑ 5.0 5.1 5.2 5.3 Sanga, Jaina C. (2003) (in en). South Asian Novelists in English: An A-to-Z Guide. Greenwood Publishing Group. பன்னாட்டுத் தரப்புத்தக எண்:9780313318856. https://books.google.com/books?id=qlpKOzsOc-IC&q=bulbul+sharma+india&pg=PA257.
- ↑ 6.0 6.1 "Bulbul Sharma: An artist who paints as vividly with words". http://indiatoday.intoday.in/story/bulbul-sharma-an-artist-who-paints-as-vividly-with-words/1/275093.html.
| பன்னாட்டு | |
|---|---|
| தேசிய | |
| மற்றவை | |
