புதுமனைப் புகுவிழா
புதுமனைப் புகுவிழா (Housewarming Party) என்பது புதியதாக வீடு கட்டி முடித்ததும் நல்ல நாள் பார்த்து, அவ்வீட்டில் முதன்முதலாக குடியேறும் போது செய்யும் விழா ஆகும். இது பெரும்பாலும் அவரவர் சார்ந்துள்ள மதத்தின் படி செய்யப்படும் மதச்சடங்கு ஆகும். உறவினரையும், அண்டை அயலாரையும் அழைத்து, பொதுவாக இவ்விழா செய்யப்படுகிறது. தமிழகத்தில் சில இடங்களில் புதுமனைப் புகுவிழாவின் போது வீட்டினுள் கணபதி ஹோமம் நடத்துவார்கள். இத்தகைய புதுமனைப் புகுவிழாவின் வீட்டின் அன்று அடுப்பில் பாலைக் காய்ச்சி விருந்தினருக்குக் கொடுத்து உபசரித்து மகிழ்வர். அதன்பின் உணவு விருந்தும் செய்வர். வீட்டின் முன்புற வாயில் வாழை மரம் முதலான மங்கலப் பொருட்களால் அலங்கரிக்கப்பட்டிருக்கும். மேலும் அன்று பசுவை வீட்டிற்குள் அழைத்து வந்தால், முப்பத்து முக்கோடி தேவர்களில் இருந்து, சிவன், பிரம்மா, விஷ்ணுவில் இருந்து அத்தனை பேரும் வாசம் செய்வதாக ஐதீகம். பசுவை அழைத்து வரும் போது அந்த வீட்டில் கோமியமிட்டாலோ, சாணமிட்டாலோ அவர்களுக்கு இன்னமும் அதிர்ஷ்டம் என்றும் நம்பப்படுகிறது.[1]
திருமணம் ஆனதும் மணப்பெண்ணைக் கணவன் வீட்டிற்கு முதன்முறையாக அழைத்துச் செல்லும்போது செய்யப்படும் சடங்கு. இந்த இரு நிகழ்ச்சிகளையுமே கிருகப்பிரவேசம் என்றும் சொல்லுவர். புதிய மனையில்(வீட்டில்) புகும் (வாசம் செய்ய நுழையும்) விழா.
ஆங்கிலச் சொல்லிற்கான வரலாற்று விளக்கம்
[தொகு]புகுமனைப் புகுவிழா ஆங்கிலத்தில் அவுஸ்வார்மிங் "house warming" என அழைக்கப்படுகின்றது. இது நேரடி மொழிபெயர்ப்பாக வீட்டைச் சூடாக்குதல் எனப் பொருள்படும். இது வரலாற்றின்படி, மையவெப்பமாக்கல் இல்லாத காலங்களில் குளிர்நிறை மேற்கத்திய நாடுகளில் வீடு கட்டி முடித்த பிறகு முதன்முறையாக வெப்பமாக்கலைக் குறித்ததாகும். ஒவ்வொரு விருந்தினரும் விறகொன்றை பரிசாக அளிக்க, அனைத்து கணப்புகளிலும் தீ மூட்டப்படும். வீட்டை சூடாக்குவதைத் தவிர இந்நிகழ்வு தீசக்திகளை விரட்டி நலமான வாழ்விற்கு அடிகோலும் என்றும் நம்பினர். யாரும் வசிக்காத வீடுகளில் தீசக்திகள் குடியேறும் என்றும் அதனால் சிறுவருடன் குடியேறும்போது அவற்றை விரட்டுவது பாதுகாப்பானதாக கருதப்பட்டது. [2]
பன்னாட்டுப் பண்பாடு
[தொகு]
.jpg)
- உலகின் பல நாடுகளில் ரொட்டியும் உப்பும் பரிமாறிக் கொள்வது பாரம்பரிய வரவேற்பு முறையாகும். இவ்வாறு ரொட்டியும் உப்பும் புகுமனைப் புகுவிழாவில் வழங்குவது உருசியா, ஜெர்மனி நாடுகளிலும் யூத சமயச் சடங்குகளிலும் பரவலாக உள்ளது.
- கிரீசு நாட்டில் மாதுளை வழங்குவது பாரம்பரியமானது. வீட்டின் பூசைமாடத்தில் வைத்து நல்லூழ், வளமை, மீநிறை பெற வாழ்த்துவர்.[3][4]
- 17வது, 18வது நூற்றாண்டுகளில், ஐரோப்பாவிலும் அமெரிக்காவிலும் அன்னாசிப்பழம் வழங்குவது வழக்கமாக இருந்தது.[5]
- வடமேற்கு உசுபெக்கிசுத்தான் பகுதிவாழ் மக்கள், அழைப்பினர்களுக்கு துணிமணிகளை பரிசாக வழங்கி வந்தனர்.[6]
மேற்கோள்கள்
[தொகு]- ↑ "புதுமனைப் புகுவிழா". Retrieved 2025-05-27.
- ↑ Weekley, Ernest (January 1967). An Etymological Dictionary of Modern English: In Two Volumes – Ernest Weekley – Google Books. Courier Corporation. ISBN 9780486218731. Retrieved 2013-02-18.
- ↑ "The Pomegranate in Ancient Myth and Present Tradition". The National Herald. Archived from the original on 2021-06-24. Retrieved 2021-06-17.
- ↑ "Pomegranate in Ancient & Modern Greece". theDelphiGuide.com. July 21, 2018.
- ↑ Weissman, Cale (December 31, 2015). "The Hidden History of the Housewarming Pineapple". Atlas Obscura.
- ↑ Toreniyazov, J. E. (2020). Traditional Beliefs And Representations Of The Karakalpaks Associated With The Yurt. The American Journal of Interdisciplinary Innovations and Research, 2(08), 132-136. https://www.usajournalshub.com/index.php/tajiir/article/download/810/763