புதிய முகம்

புதிய முகம்
ஒலிநாடா அட்டைப்படம்
இயக்கம்	சுரேஷ் மேனன்
தயாரிப்பு	சுரேஷ் மேனன்
கதை	சுரேஷ் மேனன் கே. எஸ். அதியமான்
இசை	ஏ. ஆர். ரகுமான்
நடிப்பு	ரேவதி சுரேஷ் மேனன் வினீத் நாசர் ரவிச்சந்திரன் ராதாரவி
ஒளிப்பதிவு	முத்து கணேஷ்
படத்தொகுப்பு	ஆர். டி சேகர்
கலையகம்	ரெலி போட்டொ ஃபிலிம்ஸ்
விநியோகம்	ரெலி போட்டொ ஃபிலிம்ஸ்
வெளியீடு	28 வைகாசி 1993
நாடு	இந்தியா
மொழி	தமிழ்

புதிய முகம் 1993 ஆம் ஆண்டு வெளிவந்த தமிழ்த் திரைப்படம் ஆகும். இப்படம் சுரேஷ் சந்திரமேனனால் இயக்கப்பெற்றது. நடிகர் வினீத், சுரேஷ் சந்திரமேனன், நடிகை ரேவதி ஆகியோர் நடிப்பில் உருவாக்கப்பெற்ற படத்திற்கு , ஏ. ஆர். ரகுமான் இசை அமைத்துள்ளர்.

நடிகர்கள்

• ரேவதி
• சுரேஷ் மேனன்
• வினீத்
• நாசர்
• ரவிச்சந்திரன்
• ராதாரவி

கதை

ராஜாவும் அவருடைய நிச்சயிக்கப்பட்ட பெண்ணும் இலங்கையில் இருந்தபோது, ஒரு கொலை நடப்பதைப் பார்க்கிறார்கள். அந்தச் சம்பவத்தில் ராஜாவின் காதலி கொல்லப்படுகிறாள். அதற்குப் பழிவாங்க ராஜா அந்தக் கொலைகாரர்களைக் கொன்றுவிட்டு ஒரு கூலிப்படையாக மாறுகிறான். போலீசிடம் இருந்து தப்பிக்க, அவன் தன் முகத்தை பிளாஸ்டிக் சர்ஜரி மூலம் மாற்றிக்கொண்டு, புதிய அடையாளத்துடன் சென்னைக்கு வருகிறான்.

சென்னையில் புதிய வாழ்க்கை: சென்னை விமான நிலையத்தில், ராஜா ஒரு தீவிரவாதச் சதியைத் தடுத்து பல குழந்தைகளின் உயிரைக் காப்பாற்றுகிறான். பிறகு, அவன் அஞ்சலி என்ற பெண்ணைச் சந்தித்துத் திருமணம் செய்து கொள்கிறான். அவனுடைய வீரத்தைப் பாராட்டி, அவனுக்கு இந்திய ராணுவத்தில் வேலை கிடைக்கிறது. பல ஆண்டுகளில் அவன் பெரிய அதிகாரி ஆகிறான்.

பழைய பகை திரும்புதல்: சில வருடங்களுக்குப் பிறகு, ராஜாவின் மகன் ஹரி வளர்ந்து பெரியவன் ஆகிறான். அவன் பார்க்க அப்படியே சர்ஜரிக்கு முன்னால் இருந்த ராஜாவைப் போலவே இருக்கிறான். அமெரிக்காவிலிருந்து திரும்பும் ஹரியைப் பார்க்கும் பழைய தீவிரவாதிகள், அவன் ராஜாவின் மகன் என்று அடையாளம் காண்கிறார்கள். அவர்கள் ராஜாவைப் பின் தொடர்ந்து சென்று, அவன் இப்போது ராணுவ அதிகாரியாக இருப்பதைத் தெரிந்து கொள்கிறார்கள். ராணுவ ரகசியங்களைத் தருமாறு ராஜாவை மிரட்டுகிறார்கள்.

உண்மை வெளிப்படுதல்: இதற்கிடையில், ஹரி தன் காதலியுடன் இலங்கைக்குச் சுற்றுலா செல்கிறான். அங்கே தன் தந்தையின் பழைய குற்றங்களைப் பற்றித் தெரிந்து கொண்டு அவர் மேல் வெறுப்பு கொள்கிறான். ஊர் திரும்பியதும் தன் தந்தை மீது புகார் கொடுக்க முயல்கிறான், ஆனால் குடும்ப நண்பரான ஏ.சி.பி சேகர் அதைத் தடுக்கிறார்.

முடிவு: தன் மகனுக்கு உண்மை தெரிந்துவிட்டதை உணர்ந்த ராஜா, ஒரு கடிதம் எழுதி சேகரிடம் கொடுத்துவிட்டு, தீவிரவாதிகளைச் சந்திக்கச் செல்கிறான். ராணுவ ரகசியங்களுக்குப் பதிலாக, ஒரு வெடிகுண்டை எடுத்துச் சென்று தீவிரவாதிகளோடு சேர்ந்து தானும் வெடித்துச் சாகிறான். உலகிற்கு அவன் ஒரு தியாகியாகவேத் தெரிகிறான். அவனுடைய மனைவிக்கு இந்த ரகசியங்கள் தெரியக்கூடாது என்று சேகரும் ஹரியும் உண்மையை மறைத்துவிடுகிறார்கள்.

பாடல்கள்

சிறப்பான வரவேற்பைப் பெற்ற பாடல்களைக் கொண்ட இத்திரைப்படத்திற்கு வைரமுத்து பாடல் வரிகளை எழுத, ஏ. ஆர். ரகுமான் இசையமைத்திருந்தார். "கண்ணுக்கு மை அழகு" பாடல் கர்நாடக ராகமான அரிக்காம்போதியில் அமைக்கப்பட்டுள்ளது.

பாடல்கள்
#	பாடல்	பாடியோர்	நீளம்
1.	"நேற்று இல்லாத மாற்றம்"	சுஜாதா மோகன்	5:08
2.	"கண்ணுக்கு மை அழகு" (பெண்குரல்)	பி. சுசீலா	4:24
3.	"கண்ணுக்கு மை அழகு" (ஆண்குரல்)	உண்ணிமேனன்	4:24
4.	"ஜூலை மாதம் வந்தால்"	எஸ். பி. பாலசுப்பிரமணியம், அனுபமா	4:30
5.	"இதுதான் வாழ்க்கை என்பதா"	உண்ணிமேனன், சுஜாதா	3:52
6.	"சம்போ சம்போ"	மால்குடி சுபா, மின்மினி	4:03
7.	"தலைப்புப் பாடல்" (இசைக்கருவி)	–	1:49
மொத்த நீளம்:			28:10