பிரதிக்சயா
| பிரதிக்சயா Pratikshya | |
|---|---|
 | |
| இயக்கம் | அனுபம் பட்நாயக்கு |
| தயாரிப்பு | அனுபம் பட்நாயக்கு |
| கதை |
|
| இசை |
|
| நடிப்பு |
|
| ஒளிப்பதிவு | தீபக் குமார் |
| படத்தொகுப்பு | தேவன் மிசுரா |
| வெளியீடு | 2 டிசம்பர் 2022 |
| நாடு | இந்தியா |
| மொழி | ஒடியா |
| ஆக்கச்செலவு | ₹33 இலட்சங்கள் |
| மொத்த வருவாய் | ₹2 கோடி |
பிரதிக்சயா (Pratikshya) என்பது 2022 ஆம் ஆண்டு வெளியான இந்திய ஒடியா மொழி நாடகத் திரைப்படமாகும். அனுபம் பட்நாயக் தயாரித்து இயக்கினார். உரோசன் பிசோய் எழுதிய இந்த படம் கௌரகரி தாசு எழுதிய பாபா என்ற சிறுகதையிலிருந்து ஈர்க்கப்பட்டுள்ளது.[1] அங்கேசு ஆனந்த், ஆசிசு பிரதான் மற்றும் பிவாசு ராத்து ஆகியோர் இசையமைத்துள்ளனர். ஒளிப்பதிவை தீபக் குமார் கையாண்டார்.[2][3][4] அனுபம் கெர் அதன் இந்தியில் மறு உருவாக்கம் செய்து நடிப்பதாக அறிவித்தார்.[5]
ஒரு நடுத்தர வர்க்க வேலையில்லாத இளைஞரான சஞ்சயின் பயணத்தை இந்த படம் பின்பற்றுகிறது. அவரது ஒரே குறிக்கோள் ஓர் அரசு வேலையைப் பெறுவதாகும். அவரது தந்தை திடீரென்று நோய்வாய்ப்படும்போது வாழ்க்கை அவர் மீது ஒரு வளைவு சுழற்சியை வீசுகிறது. வேலை மற்றும் பணம் இல்லாததால், அவர் தனது உள் ஆசைகளுடன் மிகுந்த சிரமப்படுகிறார்.
கதை
[தொகு]புவனேசுவர் நகரத்தை பின்னணியாகக் கொண்டு, ஒரு சாதாரண நடுத்தரக் குடும்பத்தைச் சுற்றி நகரும் கதைதான் பிரதிக்சயா. இது கனவுகள், துயரம், மற்றும் எதிர்பார்ப்புகள் பற்றிய ஒரு உணர்ச்சிபூர்வமான கதை. வேலை இல்லாத பட்டதாரிகளின் நிலையைப் போலவே, சஞ்சய் அரசு வேலை பெற வேண்டும் என்ற உறுதியில் இருக்கிறான். அவனுடைய தந்தை பிபின், தன் ஓய்வு காலம் நெருங்கிவிட்டதால், ஏதாவது ஒரு வேலை செய்யுமாறு சஞ்சயை பலமுறை சமாதானப்படுத்த முயற்சிக்கிறார். சஞ்சயின் அக்கா சுப்ரியாவின் திருமணத்திற்காக எடுத்த கடன்களின் சுமையாலும் குடும்பம் ஏற்கனவே அவதிப்படுகிறது. இந்த நிலைமையில், பிபினுக்கு குணமடைய முடியாத கடுமையான நோய் இருப்பது தெரியவருகிறது. அதன் பிறகு, தந்தையை காப்பாற்றுவதா அல்லது அரசு வேலையைப் பெறுவதா என்ற கடினமான இரு வழித்தேர்வின் நடுவில் சஞ்சய் சிக்கிக் கொள்கிறான்.
நடிகர்கள்
[தொகு]- திபன்விட் தசுமோகபத்ரா-சஞ்சய்
- சஞ்சயின் தந்தையாக சௌத்ரி செயபிரகாசு தாசு
- பர்சா பட்நாயக்கு - கல்யாணியாக
- சஞ்சயின் அம்மாவாக சிறீலா திரிபாதி
- சிதாந்த் மொகபத்ரா (விருந்தினர் தோற்றம்) மருத்துவராக
- பிச்சித்தாக உரோசன் பிசோய்
- உரூபாம்பிகா நாயக்
- சுசில் மிசுரா
- அபகாசு மிசுரா
வெளியீடு
[தொகு]'பிரதிக்சயா' திரைப்படம் 53-ஆவது இந்திய சர்வதேசத் திரைப்பட விழாவில் இந்தியன் பனோரமா' பிரிவில் திரையிடப்பட்டது.[6] மேலும், வாசிங்டன் டி.சி தெற்காசியத் திரைப்பட விழாவில் 2022-ஆம் ஆண்டிற்கான 'சிறந்த கதை அம்சம் கொண்ட திரைப்படத்திற்கான விருதை' வென்றது.[7]
விமர்சனம்
[தொகு]ஒடியா திரைப்படமான பிரதிக்சயா ஒரு சிறந்த படம். குறிப்பிடத்தக்க எழுத்தாளர் கௌரா அரிதாசு எழுதிய ஒரு சிறுகதையை அடிப்படையாகக் கொண்டு உருவாக்கப்பட்ட இந்த படம், ஒடியா நடுத்தரக் குடும்பத்தின் துயரம், மகிழ்ச்சி, தோல்வி மற்றும் வெற்றி ஆகியவற்றை மையமாகக் கொண்டுள்ளது என்று கலிங்கா தொலைக்காட்சியில் ஒரு விமர்சகர் எழுதினார்.[8] மேலும், ஒரிசா போசுட்டின் ஒரு விமர்சகர், “படத்தின் முதல் பாதி சற்றே நீளமாகவும், இரண்டாம் பாதி சற்றே சுருக்கமாகவும் தோன்றினாலும், பாபா என்ற சிறுகதையை அடிப்படையாகக் கொண்ட இத்திரைப்படம் அதன் நுணுக்கங்களும் உணர்வுகளும் காரணமாக ஒரு சிறந்த திரைப்படமாகவும் கலைப்படைப்பாகவும் தன்னம்பிக்கையுடன் நிற்கிறது” என்று குறிப்பிட்டுள்ளார்.[9]
விருது
[தொகு]ஒடியா மொழியில் சிறந்த முழுநீளத் திரைப்படத்திற்கான தேசிய திரைப்பட விருது பெற்றது.[10]
மேற்கோள்கள்
[தொகு]- ↑ Actor Choudhury Jayaprakash Das Tells About His Character In Pratikshya Movie || RENEXT OllyNews, retrieved 2022-12-05
- ↑ "Odia Filmmaker Anupam Patnaik Announces His Upcoming Movie". Sambad English. 20 September 2022.
- ↑ "Odia Feature Film 'Pratikshya' To Be Screened At International Film Festival Of India". Pragativadi. 22 October 2022.
- ↑ "'Made With Love & Passion': Odia Director Anupam Patnaik's 'Pratikshya' To Hit Theatres This December". Odishabytes. 6 October 2022.
- ↑ "Anupam Kher announces Hindi remake of Odia film 'Pratikshya' - Times of India". The Times of India. Retrieved 2022-11-24.
- ↑ "Indian Panorama". November 2022. Archived from the original on 28 November 2022. Retrieved 28 November 2022.
- ↑ "'Pratikshya' wins big at Washington fest". Retrieved 28 November 2022.
- ↑ Himanshu (6 December 2022). "Odia film 'Pratikshya': Movie review". Kalinga TV.
- ↑ Rout, Atri Prasad (17 December 2022). "Pratikshya, a reminder of love". Orissa Post.
- ↑ "69th National Film Awards: Pratikshya adjudged Best Odia feature film | Sambad English" (in அமெரிக்க ஆங்கிலம்). 2023-08-24. Retrieved 2023-08-24.