பிரதாப் சந்திர சாரங்கி
| பிரதாப் சந்திர சாரங்கி | |
|---|---|
| |
| நாடாளுமன்ற உறுப்பினர் பாலேஸ்வர் | |
| பதவியில் உள்ளார் | |
| பதவியேற்பு 23 மே 2019 | |
| முன்னவர் | ரபீந்திர குமார் ஜெனா |
| உறுப்பினர்: ஒடிசாவின் சட்டமன்றம்நீள்கிரி சட்டமன்றத் தொகுதி | |
| பதவியில் 2004–2014 | |
| முன்னவர் | பிரதிப்தா பாண்டா |
| பின்வந்தவர் | சுகந்தா குமார் நாயக் |
| தனிநபர் தகவல் | |
| பிறப்பு | 4 சனவரி 1955 கோபிநாதபூர், பாலேஸ்வர், ஒடிசா |
| தேசியம் | இந்தியர் |
| அரசியல் கட்சி | பாரதிய ஜனதா கட்சி |
| படித்த கல்வி நிறுவனங்கள் | உட்கல் பல்கலைக்கழகம் |
பிரதாப் சந்திர சாரங்கி (ஆங்கில மொழி: Pratap Chandra Sarangi) (பிறப்பு: 4 ஜன 1955), என்பவர் ஒடிசா பாலேஸ்வர் மாவட்டத்தைச் சேர்ந்த சமூகச் செயற்பாட்டாளர் மற்றும் அரசியல்வாதியாவார். பாரதிய ஜனதா கட்சியின் தேசியச் செயற்குழு உறுப்பினராக இருக்கிறார். ஒடிசா சட்டமன்றத்தில் 2004 மற்றும் 2009 ஆண்டு சட்டமன்றத் தேர்தலில் நீள்கிரி தொகுதியிலிருந்து தேர்வுசெய்யப்பட்டார்.[1] 2014 இந்தியப் பொதுத் தேர்தலில் பாலேஸ்வர் தொகுதியிலிருந்து பாஜக சார்பாகப் போட்டியிட்டுத் தோல்வியடைந்தார்.[2] மீண்டும் 2019 இந்தியப் பொதுத் தேர்தலில் அதே பாலேஸ்வர் தொகுதியிலிருந்து பாஜக சார்பாகப் போட்டியிட்டு 12956 வாக்குகள் வித்தியாசத்தில் பிஜு ஜனதா தளத்தைச் சேர்ந்த ரபீந்திர குமார் ஜெனாவை வென்றார்.[3]
இந்திய அரசின் இணையமைச்சராக[தொகு]
இவர் 31 மே 2019 அன்று நரேந்திர மோதியின் இரண்டாம் அமைச்சரவையில் சிறு, குறு, நடுத்தர தொழில்கள் மற்றும் கால்நடை பராமரிப்பு & மீன் வளத்துறை இணை அமைச்சராக நியமிக்கப்பட்டார்.[4]
இளமைக் காலமும் கல்வியும்[தொகு]
1955 ஜனவரி மாதம் நான்காம் தேதி பாலேஸ்வர் மாவட்ட கோபிநாதபூரில் பிரதாப் சாரங்கி ஒரு பிராமணர் குடும்பத்தில் பிறந்தார். 1975 இல் உட்கல் பல்கலைக்கழகத்தின் கீழுள்ள பாலேஸ்வர் பகீர் மோகன் கல்லூரியில் பட்டப்படிப்பை முடித்தார்.[5].
சிறுவயது முதலே ஆன்மீகத்தில் ஈடுபாடு கொண்டு ராமகிருஷ்ண மடத்தில் சன்னியாசம் பெறவிரும்பினார். ஆனால் இவரின் தாயாரைப் பார்த்துக்கொள்ளச் சொல்லி கல்கத்தாவிலுள்ள ராமகிருஷ்ண மடம் இவரைத் திருப்பி அனுப்பியது. அதன்பின்னர் கிராமத்தில் பல்வேறு சமூகப்பணிகளை செய்து வருகிறார்.[6]
சமூகச் செயல்பாடு[தொகு]
பாலேஸ்வர் மற்றும் மயூர்பஞ்சு மாவட்டங்களிலுள்ள பழங்குடியினர் கிராமங்களில் சமர் கரா கேந்திரா என்ற பெயரில் பல பள்ளிகளைத் திறந்துள்ளார்.[7]
மேற்கோள்கள்[தொகு]
- ↑ "Shri Pratap Chandra Sarangi Profile". Naveen Patnaik, Chief Minister of Odisha website. பார்த்த நாள் 2014-05-25.
- ↑ "'No clash between Modi wave and my image': Pratap Sarangi". The Times of India (May 23, 2019). பார்த்த நாள் 2019-05-23.
- ↑ "'Balasore Lok Sabha election results 2019 Odisha: BJP's Pratap Sarangi defeats BJD's Rabindra Jena': Pratap Sarangi". DNA India (April 12, 2014). பார்த்த நாள் 2014-05-25.
- ↑ "Who Gets What: Cabinet Portfolios Announced. Full List Here" (en).
- ↑ "Shri Pratap Chandra Sarangi Profile". My neta info. பார்த்த நாள் 2019-04-26.
- ↑ "people-are-fed-up-with-the-bjd-hot-seat-pratap-chandra-sarangi-bjp-leader". The Telegraph (October 7, 2017). பார்த்த நாள் 2019-04-29.
- ↑ "Shri Pratap Chandra Sarangi Profile". Naveen Patnaik, Chief Minister of Odisha website. பார்த்த நாள் 2014-05-25.