பிரதம மந்திரி ஷ்ரம் விருதுகள்
பிரதம மந்திரி ஷ்ரம் (தொழிலாளர்) விருதுகள் 1975 ஆம் ஆண்டு இந்திய அரசால் நிறுவப்பட்டது . இந்திய தொழில் தகராறு சட்டம், 1947 இல் வரையறுக்கப்பட்டுள்ளபடி, பொது மற்றும் தனியார் துறை நிறுவனங்களில் பணிபுரியும் பணியாளர்களின் சிறந்த பங்களிப்பை அங்கீகரிப்பதே பிரதம மந்திரி ஷ்ரம் விருதுகளின் நோக்கமாகும். இந்த தேசிய விருது, உற்பத்தித்திறன், புத்தாக்கம் மற்றும் உள்நாட்டுமயமாக்கல் ஆகியவற்றை மேம்படுத்தி, அந்நியச் செலாவணியைச் சேமிப்பதில் சிறப்பாக பங்களிக்கும் தொழிலாளர்களுக்கு வழங்கப்படுகிறது. உற்பத்தித்திறன் துறையில் குறிப்பிட்ட பங்களிப்பு, நிரூபிக்கப்பட்ட புதுமையான திறன்கள், மன உறுதி மற்றும் விதிவிலக்கான தைரியம் மற்றும் தங்கள் கடமைகளை மனசாட்சியுடன் நிறைவேற்றுவதில் தங்கள் உயிரை தியாகம் செய்த தொழிலாளர்களுக்கும் நீண்ட கால விதிவிலக்கான அர்ப்பணிப்பு பணி செய்த தொழிலாளர்களுக்கும் இந்த விருது வழங்கப்படுகிறது.
இவ்விருதுகள் நான்கு வகையாக பிரிக்கப்பட்டு வழங்கப்படுகிறது.:
- ஷ்ரம் ரத்னா: ரூ. இரண்டு லட்சம் மற்றும் அவர்களின் துறையில் (ஒரு சனத்) பங்களிப்புக்கான அங்கீகாரம்.
- ஷ்ரம் பூஷன்: ரூ. 100000 மற்றும் ஒரு சனத்.
- ஷ்ரம் வீர் / ஷ்ரம் வீராங்கனை: ரூ. 60000 மற்றும் ஒரு சனத்.
- ஷ்ரம் தேவி / ஷ்ரம் ஸ்ரீ: ரூ. 40000 மற்றும் ஒரு சனத்.
பரிந்துரை[தொகு]
- 2013 ஆம் ஆண்டில், எட்டு பேர் ஷ்ரம் பூஷன் விருதுக்கும், 20 பேர் ஷ்ரம் வீருக்கும், 41 பேர் ஷ்ரம் தேவி விருதுக்கும் பரிந்துரைக்கப்பட்டனர். [1]
- 2018 ஆம் ஆண்டிற்கான, ஷ்ரம் பூஷன் விருதுகளுக்கான நான்கு (4) பரிந்துரைகளும், ஷ்ரம் வீர்/ஷ்ரம் வீராங்கனை விருதுகளுக்கான பன்னிரண்டு (12) பரிந்துரைகளும், ஷ்ரம் ஸ்ரீ/ஷ்ரம் தேவி விருதுகளுக்கான பதினேழு (17) பரிந்துரைகளும் தேர்ந்தெடுக்கப்பட்டுள்ளன. இந்த ஆண்டு வழங்கப்பட்ட ஷ்ரம் விருதுகளின் மொத்த எண்ணிக்கை முப்பத்து மூன்று (33), விருதுகளைப் பெறும் தொழிலாளர்களின் எண்ணிக்கை அறுபத்து ஒன்பது (69) ஆகும், ஏனெனில் சில விருதுகள் தொழிலாளர்கள் மற்றும்/அல்லது அதற்கு மேற்பட்ட தொழிலாளர்களின் குழுக்களால் பகிர்ந்து கொள்ளப்பட்டுள்ளன. மொத்த விருது பெற்றவர்களில், நாற்பத்தொன்பது (49) தொழிலாளர்கள் பொதுத்துறையைச் சேர்ந்தவர்கள் மற்றும் இருபது (20) தொழிலாளர்கள் தனியார் துறையைச் சேர்ந்தவர்கள். விருது பெற்றவர்களில் எட்டு (8) பெண் தொழிலாளர்கள் அடங்குவர். [2]
மேற்கோள்கள்[தொகு]
- ↑ "70 to get Prime Minister's Shram Awards". The Economic Times. Aug 14, 2013. http://articles.economictimes.indiatimes.com/2013-08-14/news/41409877_1_shram-bhushan-shram-awards-shram-vir. பார்த்த நாள்: 19 September 2013.
- ↑ "Prime Minister’s Shram Awards announced". https://pib.gov.in/PressReleasePage.aspx?PRID=1745199.