பிம்லா புதி

பிம்லா புதி
பிறப்பு	(1933-09-19)19 செப்டம்பர் 1933
இறப்பு	24 பெப்ரவரி 2024(2024-02-24) (அகவை 90)
குடியுரிமை	இந்தியர்
தேசியம்	இந்தியர்
துறை	இயற்பியல், அயனிமம்
பணியிடங்கள்	இந்திய தேசிய அறிவியல் கழகம்
கல்வி கற்ற இடங்கள்	தில்லி பல்கலைக்கழகம் சிகாகோ பல்கலைக்கழகம்
ஆய்வேடு	அயனிமம் அலைவுகள் மற்றும் இரண்டு-நீரோடை உறுதியற்ற தன்மை மீதான சார்பியல் விளைவுகள் (1962)
ஆய்வு நெறியாளர்	சுப்ரமணியன் சந்திரசேகர்
அறியப்படுவது	இயற்பியலாளர்

பிம்லா புதி (Bimla Buti) அயனிமம் (இயற்பியல்) துறையில் நிபுணத்துவம் பெற்ற ஒரு இந்திய இயற்பியலாளர் ஆவார். அவர் இந்திய தேசிய அறிவியல் கழகத்தின் (ஐஎன்எஸ்எ) முதல் இந்திய பெண் இயற்பியலாளர் ஆவார்.

பிறப்பு

பிம்லா புதி 1933 ஆம் ஆண்டு செப்டம்பர் 19 ஆம் நாள் பிறந்தார்.

கல்வி

பிம்லா புதி தில்லி பல்கலைக்கழகத்தில் இளம் அறிவியல், முதுநிலை அறிவியல் பட்டங்களைப் பெற்றார். பின்னர் முனைவர் பட்டப் படிப்பிற்காக அமெரிக்காவில் சிக்காகோ பல்கலைக்கழகத்தில் சேர்ந்தார். இங்கே இவர் சுப்பிரமணியன் சந்திரசேகரின் மேற்பார்வையின் கீழ் ஆய்வு மேற்கொண்டார். 1962-இல் அயனிமம் இயற்பியலில் முனைவர் பட்டம் பெற்றார்.

தொழில்

முனைவர் பட்டம் பெற்ற பிறகு, புதி இந்தியா திரும்பினார். பின்பு தில்லி பல்கலைக்கழகத்தில் பேராசிரியர் பணியில் சேர்ந்தார். இரண்டு ஆண்டுகளுக்குப் பிறகு, இவர் அமெரிக்காவில் கோடார்டு விண்வெளி பறப்பு மையத்தில் பணிபுரிய சென்றார். 1968-ஆம் ஆண்டில் புதி, மீண்டும் இந்தியா திரும்பி, தில்லியில் உள்ள இந்தியத் தொழில்நுட்பக் கழகத்தில் பணியில் சேர்ந்தார். அப்போதைய இயற்பியல் ஆராய்ச்சி ஆய்வகத்தின் (பிஆர்எல்) இயக்குநரான, விக்கிரம் சாராபாய் புதியை பிஆர்எல்-இல் சேர அழைத்தார். இங்கு புதி 1970 முதல் 1993 வரை இணைப் பேராசிரியர், பேராசிரியர், மூத்த பேராசிரியர், புலத்தலைவராகப் பணியாற்றினார்.

விருதுகளும் கௌரவங்களும்

புதி, தனது தொழில் வாழ்க்கையில் பல விருதுகளைப் பெற்றார். பல்வேறு பல்கலைக்கழகங்களிலிருந்தும் அறிவியல், இயற்பியல் தொடர்பான விருதுகள் பெற்றுள்ளார். குறிப்பாக இவர்:

• இந்திய தேசிய அறிவியல் அகாதமியின் உறுப்பினர் விருது மற்றும்
• 1994. இந்திய தேசிய அறிவியல் கழகத்தின் வைணு பாப்பு நினைவு விருது

இறப்பு

புதி 2024ஆம் ஆண்டு பிப்ரவரி 24, அன்று தனது 90-ஆவது வயதில் இறந்தார்.