பித்தன் (இதழ்)

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search

பித்தன் தமிழில் வெளிவந்த கட்சி சார்பற்ற மாத இதழ். இளைஞர்களால் நடத்தப்பட்ட வனமலர்ச் சங்கத்தால், சங்கம் ஆரம்பித்து நான்காண்டுகளுக்குப் பின்னர் 1928 ஆம் ஆண்டு டிசம்பர் மாதம் (கார்த்திகை மாதம்) ஆரம்பிக்கப்பட்ட இதழ். [1]

பித்தன் இதழில் கா.மு.இராமசாமி ஆசிரியராகப் பணிபுரிந்தார். ம.ப.பெரியசாமி வனமலர்ச் சங்கத்திற்காக இதழை வெளியிட்டார். ஆரம்பகாலத்தில் இராயப்பேட்டை சாது அச்சுக் கூடத்தில் இதழ் அச்சிடப்பட்டது. இவ்விதழுக்காக எழுதியோர்: ச.து.சுப்பிரமணிய யோகி, பெரியசாமித்தூரன், சு.கோதண்டராமன், சா.குருசாமி, வ.அழகப்பன், ஓ.வி.அளகேசன் முதலானோர். [1]

இதன் கணக்கு ஆய்வராக சி.சுப்பிரமணியம் விளங்கினார். இவர் பிற்காலத்தில் சென்னை மாகாண நிதி அமைச்சராகவும் இந்திய நிதி அமைச்சராகவும் பணியாற்றியவர். [1]

குழந்தைத் திருமணக் கொடுமைகள், குழந்தை விதவைகள், மதுவிலக்கு, மதுவின் கொடுமைகள், கல்வியின் தேவை, அந்நியத் துணிக்கு எதிர்ப்பு, திருமணத்தில் சிக்கனம் என்று பல முற்போக்குச் சமுதாயச் சிந்தனைகளையும் அந்நியர் ஆட்சிக்கு எதிரான கருத்துக்களையும் கொண்ட இதழாக வெளிவந்தது.[1]

மேற்கோள்கள்[தொகு]

  1. 1.0 1.1 1.2 1.3 நினைவு அலைகள்; டாக்டர் நெ.து.சுந்தரவடிவேலு;பாகம் 1; சாந்தா பதிப்பகம்;பக்கம் 228-255
"https://ta.wikipedia.org/w/index.php?title=பித்தன்_(இதழ்)&oldid=1749381" இருந்து மீள்விக்கப்பட்டது