பார்பரா மோரி
பார்பரா மோரி | |
|---|---|
 2013 இல் மோரி | |
| பிறப்பு | பார்பரா மோரி ஓச்சோவா 2 பெப்ரவரி 1978 மொண்டேவீடியோ, உருகுவே |
| குடியுரிமை | |
| பணி |
|
| செயற்பாட்டுக் காலம் | 1997–தற்போது வரை |
| துணைவர் | செர்ஜியோ மேயர் 1996–1998) |
| வாழ்க்கைத் துணை | கென்னத் ரே சிக்மன் (தி. 2016; திருமணமுறிவு 2017) |
| பிள்ளைகள் | 1 |
| உறவினர்கள் | [கென்யா மோரி (சகோதரி) |
பார்பரா மோரி ஓச்சோவா (Bárbara Mori Ochoa (பிறப்பு 2 பிப்ரவரி 1978) உருகுவேயில் பிறந்த மெக்சிகன் நடிகை, வடிவழகி, தயாரிப்பாளர், எழுத்தாளர் ஆவார்.[1] அனைத்துக் காலத்திற்குமான சிறந்த தொலைக்காட்சித் தொடர்களில் ஒன்றான 2004 ஆம் ஆண்டு வெளியான ரூபி தொடரில் நடித்ததற்காக இவர் பரவலாக அறியப்படுகிறார். 2005 முதல், மை பிரதர்ஸ் வைஃப் (2005) வயலான்செலோ (2008) கில்லர்மோ டெல் டோரோ தயாரித்த இன்சிக்னிபிகண்ட் திங்ஸ், கைட்ஸ் (2010) கான்டின்ஃப்ளாஸ் (2014), ட்ரென்டோனா, சோல்டெரா ஒய் ஃபாண்டாஸ்டிகா (2016) போன்ற பல ஹாலிவுட் மற்றும் பாலிவுட் படங்களில் முன்னணிக் கதாபாத்திரமாக தோன்றினார்
மோரி 1992- ஆம் ஆண்டில் தனது 14- ஆம் வயதில் ஒரு வடிவழகியாகத் தனது தொழில் வாழ்க்கையைத் தொடங்கினார், பின்னர் 1997 ஆம் ஆண்டில் சுமாஷ் டிவி-ஹிட் மிராடா டி முஜரில் டிவி அஸ்டெக்காவுடன் இணைந்து நடித்தபோது இவர் ஒரு நடிகையானார், பின்னர், அசுல் டெக்கீலா (1998) என்ற தொலைக்காட்சித் தொடரில் நடித்தார். எல்லா காலத்திலும் மிக அழகான மெக்சிகன் நடிகைகளில் ஒருவராக இவர் பல பட்டியல்களில் இடம்பெற்றுளார்.
வாழ்க்கை மற்றும் தொழில்
[தொகு]மோரி உருகுவேயில் பிறந்தார். இவரது தந்தைவழி தாத்தா சப்பானியராவார் .[2] இவரது தாயார் லெபனான் வம்சாவளியைச் சேர்ந்தவர். .[3] இவருக்கு நடிகை கென்யா மோரி மற்றும் கின்டாரோ மோரி என்ற இரண்டு உடன்பிறப்புகள் உள்ளனர். மோரி தனது ஆரம்ப குழந்தைப் பருவத்தின் போது மெக்சிகோவிலும் உருகுவேவிலும் வாழ்ந்தார், இறுதியாக தனது பன்னிரண்டாவது வயதில் மெக்சிகோ நகரில் குடியேறினார்.[4]
துவக்க காலங்களில் (1992-1997)
[தொகு]ஒரு நாள், தனது பதினான்காவது வயதில் பணிப்பெண்ணாக பணிபுரிந்தபோது, ஆடை வடிவமைப்பாளர் மார்கோஸ் டோலிடோ இவரை ஒரு வடிவகியாகப் பணியாற்ற அழைத்தார். தனது பதினேழாவது வயதில் தனது உறவினர்களுடன் வாழச் சென்றார்.[5] பத்தொன்பதாம் வயதில், நடிகர் செர்ஜியோ மேயரைச் சந்தித்தார். இவர்களுக்கு 1998 இல் செர்ஜியோ எனும் ஆண் குழந்தை பிறந்தது.[6] இருப்பினும், இவர்கள் திருமணம் செய்து கொள்ளவில்லை.
வணிக ரீதியான வெற்றி (1998-2003)
[தொகு]1998 ஆம் ஆண்டில், மோரி முன்னணிக் கதாப்பாத்திரத்தினை அசுல் டெக்கீலா என்ற தொடரில் மாரிசியோ ஓச்மானுடன் இணைந்து நடித்தார். ஓர் ஆண்டு கழித்து, பெருவியன் நடிகர் கிறிஸ்டியன் மேயருடன் மியாமியில் மீ மூரோ போர் டி என்ற தொடரைப் படமாக்கினார். பின்னர், டெலிமண்டோ டெலீனோவெலா அமோர் டெஸ்கராடோ உட்பட பல்வேறு தொலைக்காட்சித் தொடர்களில் நடித்தார்.
தனிப்பட்ட வாழ்க்கை
[தொகு]1996 ஆம் ஆண்டில், நடிகர் செர்ஜியோ மேயருடன் வாழத்தொடங்கினார், இவர்களுக்கு 1998 இல் செர்ஜியோ மேயர் மோரி என்ற மகன் பிறந்த. சிறிது காலத்திற்குப் பிறகு இந்த இணை பிரிந்தது. 2016 ஆம் ஆண்டில் இவர் நடிகை ஸ்டீபனி சிக்மேனின் சகோதரர் அடிப்பந்தாட்ட வீரர் கென்னத் ரே சிக்மேனை மணந்தார்.[7] இந்த இணை 2017 இல் திருமண முறிவு பெற்றது.[8]
மோரியின் மகனுக்கு நவம்பர் 2016 இல் ஒரு மகள் பிறந்தார் இதனால் இவர் 38 வயதில் பாட்டியானார்.[9]
விருதுகள் மற்றும் பரிந்துரைகள்
[தொகு]ஏரியல் விருதுகள்
[தொகு]| ஆண்டு | வகை | திரைப்படம் | விளைவு |
|---|---|---|---|
| 2020 | சிறந்த துணை நடிகை[10] | எல் காம்ப்லோட் மங்கோலியா | பரிந்துரை |
தொலைக்காட்சித் தொடர்கள்
[தொகு]
| ஆண்டு | வகை | தொலைகாட்சி | விளைவு |
|---|---|---|---|
| 1998 | சிறந்த பெண் வெளிப்பாடு | தெ கேஸ் ஆஃப் எ உமன் | வெற்றி |
| 2005 | சிறந்த முன்னணி நடிகை | ரூபி | வெற்றி |
பிரீமியோஸ் ஜுவென்டுட்
[தொகு]| ஆண்டு | வகை | பரிந்துரை | விளைவு |
|---|---|---|---|
| 2005 | கேர்ள்ஸ் ஆஃப் மை ட்ரீம்ஸ் | ரூபி | வெற்றி |
| 2006 | கேர்ள்ஸ் ஆஃப் மை ட்ரீம்ஸ் | பார்பரா மோரி | வெற்றி |
| 2007 | சீ ஸ்டீல்ஸ் தெ ஷோ | மை பிரதர்ஸ் ஒய்ஃப் | வெற்றி |
மேற்கோள்கள்
[தொகு]- ↑ "Bárbara Mori escribe su propia historia en medio de la pandemia". Los Angeles Times (in ஸ்பானிஷ்). 1 November 2020. Archived from the original on 6 November 2020. பார்க்கப்பட்ட நாள் 16 January 2021.
- ↑ (in எசுப்பானிய மொழி) Entrevista Bárbara Mori (Parte II)
- ↑ "Bárbara Mori la uruguaya que conquistó México". Quien.com. 26 October 2009. Archived from the original on 24 February 2020. பார்க்கப்பட்ட நாள் 24 February 2020.
- ↑ Bárbara Mori en la cima y con los pies bien puestos en la tierra
- ↑ "Biography". iespana.es. Archived from the original on 25 January 2006. பார்க்கப்பட்ட நாள் 9 February 2006.
- ↑ "Entrevista Bárbara Mori (Parte III)". Archived from the original on 8 September 2009. பார்க்கப்பட்ட நாள் 10 January 2009.
- ↑ "Se casan Barbara Mori y Kenneth Ray Sigman". February 27, 2016. Archived from the original on 12 June 2018. பார்க்கப்பட்ட நாள் February 27, 2016.
- ↑ Bárbara Mori se divorcia después de un año de matrimonio பரணிடப்பட்டது 31 திசம்பர் 2019 at the வந்தவழி இயந்திரம் Consultado el 8 de octubre de 2018
- ↑ "Bárbara Mori, abuela a los 38 años". El Comercio (in ஸ்பானிஷ்). 2020-07-21. Archived from the original on 18 February 2022. பார்க்கப்பட்ட நாள் 2021-02-10.
- ↑ "Ariel 2020: Lista completa de nominados". July 23, 2020 இம் மூலத்தில் இருந்து 29 September 2020 அன்று. பரணிடப்பட்டது.. https://web.archive.org/web/20200929043251/https://www.cinepremiere.com.mx/ariel-2020-nominados-ganadores-cine-mexicano.html.
வெளியிணைப்புகள்
[தொகு]- ஐ.எம்.டி.பி இணையத்தளத்தில் Bárbara Mori
- Biography in Spanish at esmas.com
பன்னாட்டு தேசிய மக்கள்
