பார்த்திபன் கருப்பையா

மாண்புமிகு துவான் பார்த்திபன் கருப்பையா Parthiban Karuppiah KMN; AMN MLA
சிலாங்கூர் மாநில சட்டமன்ற உறுப்பினர் ஈஜோக் சட்டமன்றத் தொகுதி
பதவியில் 28 ஏப்ரல் 2007 – 8 மார்ச் 2008
முன்னையவர்	கே. சிவலிங்கம் (பாரிசான்–மஇகா)
பெரும்பான்மை	1,850 (2007)
தனிப்பட்ட விவரங்கள்
பிறப்பு	Parthiban s/o Karuppiah கோலா சிலாங்கூர், சிலாங்கூர், மலேசியா
குடியுரிமை	மலேசியர்
தேசியம்	மலேசியா
அரசியல் கட்சி	மஇகா (MIC) (–2023) பெர்சத்து (BERSATU) (2023–இது வரையில்)
பிற அரசியல் தொடர்புகள்	பாரிசான் (BN) பெரிக்காத்தான் (PN)
முன்னாள் மாணவர்	மலாயா பல்கலைக்கழகம்
பணி	அரசியல்வாதி, ஆசிரியர்

பார்த்திபன் கருப்பையா அல்லது கே. பார்திபன் (ஆங்கிலம்; மலாய்: Parthiban Karuppiah அல்லது Parthiban s/o Karuppiah) என்பவர் மலேசிய அரசியல்வாதி; 28 ஏப்ரல் 2007 முதல் 8 மார்ச் 2008 வரை சிலாங்கூர் மாநில சட்டமன்றத்தில், ஈஜோக் சட்டமன்ற உறுப்பினராக (MLA) பணியாற்றினார். 2003-ஆம் ஆண்டில், முன்னாள் தஞ்சோங் காராங் மக்களவைத் தொகுதி உறுப்பினர் டத்தோ நோ ஓமரின் சிறப்பு அதிகாரியாக நியமிக்கப்பட்டார்.

இவர் பாரிசான் நேசனல் (BN) கூட்டணியின் ஓர் உறுப்புக் கட்சியான மஇகா கட்சியின் (MIC) உறுப்பினராக இருந்தார். பின்னர் பெரிக்காத்தான் (PN) கூட்டணியின் பெர்சத்து கட்சியில் இணைந்தார். தற்போது வரையில் பெரிக்காத்தான் கூட்டணியில் உள்ளார்.

ஈஜோக் சட்டமன்றத் தொகுதியின் 2023 வாக்காளர் எண்ணிக்கை:

• மலாயர் 61.6
• இந்தியர் 24.2
• சீனர் 13.2
• பிற இனத்தவர் 1.01%

வாழ்க்கை

சிலாங்கூர், கோலா சிலாங்கூர் மாவட்டத்தில் உள்ள ராஜா மூசா தோட்டத்தில் பிறந்தவர். கோலாலம்பூரில் உள்ள செரி கோத்தா ஆசிரியர் பயிற்சிக் கல்லூரியில் பயின்றார். இதே கல்லூரியில்தான் 1981-ஆம் ஆண்டில் மலேசிய ஊடகவியலாளர் மலாக்கா முத்துக்கிருஷ்ணன் பயிற்சி பெற்றார்.

பின்னர் பார்த்திபன் கருப்பையா, மலாயா பல்கலைக்கழகத்தில் இளங்கலை அறிவியல் பட்டமும், பின்னர் கல்வி மேலாண்மை பிரிவில் முதுகலை கல்வி பட்டமும் பெற்றார்.

அரசியலில் நுழைவதற்கு முன்பு 1994 முதல் 2006 வரை தஞ்சோங் காராங்கிலும் கோலா சிலாங்கூரிலும் உள்ள பல்வேறு உயர்நிலைப் பள்ளிகளில் ஆசிரியராக பார்த்திபன் பணியாற்றினார்.

அரசியல் வாழ்க்கை

ஏப்ரல் 16, 2007 அன்று, அரசியலில் அவர் புதியவராக இருந்தபோதிலும், 2007 இஜோக் இடைத்தேர்தலில் பாரிசான் நேசனல் வேட்பாளராகத் தேர்ந்தெடுக்கப்பட்டார். நேரடிப் போட்டியாக நடைபெற்ற அந்த இடைத்தேர்தலில் பிகேஆர் கட்சியின் காலித் இப்ராகிமை (Khalid Ibrahim) 1,850 வாக்குகள் பெரும்பான்மையில் தோற்கடித்தார்.

2008 மலேசியப் பொதுத் தேர்தலில், பார்த்திபன் கருப்பையா சிலாங்கூர் மாநில சட்டமன்றத்தின் N10 புக்கிட் மெலாவத்தி சட்டமன்றத் தொகுதியில் போட்டியிட்டார். இறுதியில் பிகேஆர் கட்சியைச் சேர்ந்த முத்தையா மரியப்பிள்ளையிடம் 297 வாக்குகள், றிய பெரும்பான்மையில் தோல்வியடைந்தார்.

2023 ஆகத்து மாநிலத் தேர்தலில் பெரிக்காத்தான் கூட்டணிக்கு ஆதரவு தெரிவித்ததைத் தொடர்ந்து பார்த்திபன் மஇகா கட்சியிலிருந்து நீக்கப்பட்டார்.

தேர்தல் முடிவுகள்

சிலாங்கூர் மாநில சட்டமன்றம்

ஆண்டு	தொகுதி	வேட்பாளர்		வாக்குகள்	%	எதிரணி		வாக்குகள்	%	மொத்த வாக்குகள்	பெரும் பான்மை	%
2007	N11 ஈஜோக்		பார்த்திபன் கருப்பையா (மஇகா)	5,884	59.33%		அப்துல் காலித் இப்ராகிம் (பிகேஆர்)	4,034	40.67%	10,052	1,850	81.90%
2008	N10 புக்கிட் மெலாவத்தி		பார்த்திபன் கருப்பையா (மஇகா)	4,444	48.38%		முத்தையா மரியப்பிள்ளை (பிகேஆர்)	4,741	51.62%	9,707	297	75.27%
2013	N11 ஈஜோக்		பார்த்திபன் கருப்பையா (மஇகா)	7,783	47.73%		இட்ரிசு அகமது (பிகேஆர்)	8,522	52.27%	16,638	739	89.26%
2018			பார்த்திபன் கருப்பையா (மஇகா)	6,800	34.46%		இட்ரிசு அகமது (பிகேஆர்)	8,914	45.18%	20,167	2,114	87.40%
							ஜெப்ரி மேஜான் (பாஸ்)	3,942	19.98%
							குமரன் தமிழ்தாசன் (மக்கள் கட்சி)	76	0.39%

விருதுகள்

• மலேசியா
  • - மலேசிய விருதுகள் (KMN) (2014)
  • - மலேசிய விருதுகள் (AMN) (2011)

மேலும் காண்க

• ஈஜோக்
• ஈஜோக் சட்டமன்றத் தொகுதி
• மலேசிய இந்திய அரசியல்வாதிகளின் பட்டியல்
• மலேசிய இந்திய சட்டமன்ற உறுப்பினர்கள்