பாகன் டாலாம் சட்டமன்றத் தொகுதி

பாகன் டாலாம் (N09) பினாங்கு மாநில சட்டமன்றத் தொகுதி
Bagan Dalam (N09) State Constituency in Penang
பினாங்கு தீவில் மஞ்சள் நிறத்தில் பாகன் டாலாம்
வாக்காளர்களின் எண்ணிக்கை	21,221 (2023)
முன்னாள் தொகுதி
உருவாக்கப்பட்ட காலம்	1974
கட்சி	பாக்காத்தான் அரப்பான்
சட்டமன்ற உறுப்பினர்	குமரன் கிருஷ்ணன்
முதல் தேர்தல்	1974
இறுதித் தேர்தல்	2023
பரப்பளவு	7 சதுர கி.மீ

பாகன் டாலாம் சட்டமன்றத் தொகுதி (N09) (மலாய்: Bahagian Pilihan Raya Bagan Dalam; ஆங்கிலம்: Bagan Dalam State Constituency) என்பது மலேசியா, பினாங்கு மாநிலத்தில் உள்ள சட்டமன்றத் தொகுதி ஆகும். 1974 முதல் பினாங்கு மாநில சட்டமன்றத்தில் பிரதிநிதிக்கப்படுகிறது.

பாகன் டாலாம் சட்டமன்றத் தொகுதி 1974-ஆம் ஆண்டில் உருவாக்கப்பட்டது. இந்தத் தொகுதியில், முதன்முதலாக 1974-ஆம் ஆண்டில் சட்டமன்றத் தேர்தல் நடைபெற்றது. இறுதியாக, 2023-ஆம் ஆண்டில் நடைபெற்றது. 1974-ஆம் ஆண்டில் இருந்து பாகன் டாலாம் சட்டமன்றத் தொகுதி, பினாங்கு மாநில சட்டமன்றத்தில் பிரதிநிதிக்கப் படுகிறது. தற்போது குமரன் கிருஷ்ணன் என்பவர் இந்தச் சட்டமன்றத் தொகுதியின் உறுப்பினராக உள்ளார்.

2023-ஆம் ஆண்டில் வாக்காளர்களின் இனப் பிரிவுகள்

  சீனர் (49.74%)

  இந்தியர் (26.50%)

  மலாயர் (23.03%)

  பிற இனத்தவர் (0.72%)

பாகன் டாலாம்

முதன்மைக் கட்டுரை: பாகான் டாலாம்

'பாகான் டாலாம் (Bagan Dalam) என்பது மலேசியா, பினாங்கு, வட செபராங் பிறை மாவட்டத்தில்; அமைந்துள்ள நகரம். நகரப் பகுதியின் மையப் பகுதியில் அமைந்துள்ள ஒரு கிராமமான கம்போங் பாகான் டாலாம் எனும் கிராமத்தின் நினைவாக இந்த இடத்திற்குப் பெயரிடப்பட்டது. பாகான் டாலாம் என்றால் உள் படகுத் துறை (Dermaga Dalam) என்று பொருள். பட்டர்வொர்த் துறைமுகத்திற்கு அருகில் அமைந்துள்ளது.

செபராங் பிறை மாநிலப் பகுதியில் உள்ள பிறை (பினாங்கு) எனும் பெரிய தொழில்துறை பகுதியுடன் பாகான் டாலாம் நகரம் இணைக்கப்பட்டுள்ளது. இந்த நகரை பிறை ஆறு கடந்து செல்கிறது. பாகான் டாலாம் நகரம் வடக்கு-தெற்கு விரைவுச்சாலைக்கு அருகில் உள்ளது. பட்டர்வொர்த் துறைமுகத்துடன் இணைக்கும் சாலைகளும் உள்ளன. பினாங்கு, ஜார்ஜ் டவுன் நகரில் இருந்து 25 கி.மீ.; பட்டர்வொர்த் நகரில் இருந்து 11 கி.மீ. தொலைவில்உள்ளது.

வரலாறு.

பினாங்கு மாநில சட்டமன்றத்தின் பாகன் டாலாம் உறுப்பினர்கள்
சட்டமன்றம்	ஆண்டுகள்.	உறுப்பினர்	கட்சி
பட்டர்வொர்த்; பாகன் ஆஜாமில் இருந்து உருவாக்கப்பட்ட தொகுதி
4-ஆவது	1974 – 1978	டி. சுப்பையா	பாரிசான் (மஇகா)
5-ஆவது	1978 – 1982
6-ஆவது	1982 – 1986
தொகுதி நீக்கப்பட்டு, பிறை மற்றும் மாக் மண்டினாகப் பிரிக்கப்பட்டது
பிறை மற்றும் பாகன் ஜெர்மாலில் இருந்து மீண்டும் உருவாக்கப்பட்டது
11-ஆவது	2004 – 2008	சுப்பையா பழனியப்பன்	பாரிசான் (மஇகா)
12-ஆவது	2008 – 2013	தனசேகரன் அத்தரபதி	பாக்காத்தான் ராக்யாட் (ஜசெக)
13-ஆவது	2013 – 2015
	2015 – 2018		பாக்காத்தான் அரப்பான் (ஜசெக)
14-ஆவது	2018 – 2023	சத்தீஸ் முனியாண்டி
15-ஆவது	2023–தற்போது வரையில்	குமரன் கிருஷ்ணன்

தேர்தல் முடிவுகள்

பினாங்கு மாநிலத் தேர்தல் 2023

வேட்பாளர்		கட்சி	வாக்குகள்	%	+/–
	குமரன் கிருஷ்ணன்	பாக்காத்தான்	10,506	71.49	1.01 ▼
	ஜெயராமன் குஞ்சு கண்ணு	பெரிக்காத்தான்	2,964	20.17	20.17
	சத்தீஸ் முனியாண்டி	சுயேச்சை	1,111	7.56	7.56
	எஸ். ராஜசகானன்	பினாங்கு முன்னணி	115	0.78	0.48
மொத்தம்			14,696	100.00	–
செல்லுபடியான வாக்குகள்			14,696	98.84
செல்லாத/வெற்று வாக்குகள்			172	1.16
மொத்த வாக்குகள்			14,868	100.00
பதிவான வாக்குகள்			21,221	14868	11.64 ▼
Majority			7,542	56.3	5.42
	பாக்காத்தான் அரப்பான் கைப்பற்றியது

மேலும் காண்க

• பத்து ஊபான் சட்டமன்றத் தொகுதி
• மலேசியத் தேர்தல் தொகுதிகள்