பர்வானூ

பர்வானூ
பர்வானூ
	நகரம்
	மேலிருந்து கீழாக:; பர்வானூவின் வான்வழித் தோற்றம், பர்வானூவில் உள்ள டிம்பர் டிரையல்
	அடைபெயர்(கள்): ஷானு நகரம்
	பர்வானூ இந்தியாவில், இமாச்சலப் பிரதேசத்தில் இதன் அமைவிடம் பர்வானூ பர்வானூ (இந்தியா)
	ஆள்கூறுகள்: 30°50′17″N 76°57′31″E / 30.83806°N 76.9585°E
நாடு	இந்தியா
மாநிலம்	இமாச்சலப் பிரதேசம்
மாவட்டம்	சோலன்
அரசு
• வகை	மாநில அரசு
மக்கள்தொகை (2001)
• மொத்தம்	8,609

பர்வானூ (Parwanoo) என்பது இந்தியாவின் இமாச்சலப் பிரதேச மாநிலத்தில் உள்ள சோலன் மாவட்டத்தில் அமைந்துள்ள ஒர் நகராட்சி மன்றப் பகுதியாகும். இது ஒர் தொழில் நகரமாகும். இங்கு இமாச்சலப் பிரதேசத்தின் மிகப்பெரிய மொத்த விற்பனைச் சந்தை உள்ளது. 'ஸ்வச் வாயு சர்வேக்ஷன்' (தூய காற்றுக்கான கணக்கெடுப்பு) விருது 2023-ல், 3-வது பிரிவில் (3 லட்சத்திற்கும் குறைவான மக்கள் தொகை கொண்டவை) இது முதலிடத்தைப் பிடித்தது. அதே விருதுப் பிரிவில் 2025-ஆம் ஆண்டிற்கான தரவரிசையில் இது இரண்டாம் இடத்தைப் பிடித்தது. இது ஹரியானாவின் பஞ்ச்குலா மாவட்ட எல்லையில் அமைந்துள்ளது; சண்டிகர்-சிம்லா நெடுஞ்சாலையில் பிஞ்சோர் , கல்கா ஆகிய நகரங்களுக்கு அடுத்ததாக இது அமைந்துள்ளது. உண்மையில், கல்கா நகரத்திலிருந்து இது ஒரு ஆற்றுப் படுகையால் பிரிக்கப்பட்டுள்ளது. பிஞ்சோரிலிருந்து பர்வானூ வரை ஏறக்குறைய தொடர்ச்சியான நகர்ப்புறப் பகுதியாக இது அமைந்துள்ளது. பிஞ்சோரிலிருந்து இமாச்சலத்தின் மற்றொரு அருகிலுள்ள தொழில் நகரமான 'பட்டி'-க்குச் செல்லும் சாலையும் உள்ளது.

கண்ணோட்டம்

இந்நகரம் சுமார் 4 கி.மீ சுற்றளவில் சிவாலிக் மலைத்தொடரில் பரவியுள்ள 6 வெவ்வேறு பிரிவுகளாகப் பிரிக்கப்பட்டுள்ளது. இதில் 1எ, 4 , 6 ஆகிய பிரிவுகள் முழுமையாக குடியிருப்புப் பகுதிகளாக உள்ளன; அதே சமயம் 1, 2, 3 மற்றும் 5 ஆகிய பிரிவுகள் தொழில் சார்ந்த பகுதிகளாகவும், அவற்றில் சில குடியிருப்புப் பகுதிகள் மட்டுமே உள்ளன. பர்வானூ அடிப்படையில் ஒர் தொழில் நகரமாகும்; இங்குள்ள மக்களில் சுமார் 80% பேர் ஏதோ ஒரு வகையில் தொழில்துறையில் ஈடுபட்டுள்ளனர்.இது மிகப்பெரிய பழப் பதப்படுத்தும் நிலையம் இங்குள்ளது; மேலும் அக்ரோ இண்டஸ்ட்ரீஸின் கால்நடைத் தீவனத் தயாரிப்பு நிலையம் , பூச்சிக்கொல்லி தயாரிப்பு நிலையம் ஆகியவையும் இங்கு அமைந்துள்ளன. இங்கு ஒரு பெரிய ஈஎஸ்ஐ மருத்துவமனையும் உள்ளது. இங்குள்ள முக்கியமான உல்லாச விடுதி 'டிம்பர் டிரெயில் ரிசார்ட்ஸ்' ஆகும்.

பொருளாதாரம்

வேலைவாய்ப்புகள் பெரும்பாலும் அரசு, தொழில் நிறுவனங்கள் , சுற்றுலாத் துறையைச் சார்ந்தே உள்ளன. கல்வி , தோட்டக்கலை விளைபொருள் பதப்படுத்துதல் ஆகியவை மீதமுள்ள முக்கிய பொருளாதார நடவடிக்கைகளாக உள்ளன. இது போக்குவரத்து மற்றும் வர்த்தகத்திற்கான உள்ளூர் மையமாகவும் திகழ்கிறது.

போக்குவரத்து

கல்கா-சிம்லா பாரம்பரிய ரயில் பாதை இந்நகரத்தின் வழியாகச் செல்கிறது. இதன் ரயில் நிலையம் 'தக்சால்' என்று அழைக்கப்படுகிறது. இந்நகரம் சண்டிகரிலிருந்து 35 கி.மீ தொலைவிலும், பஞ்ச்குலாவிலிருந்து 20 கி.மீ தொலைவிலும் அமைந்துள்ளது. தரம்ப்பூரைத் தவிர்த்து, பர்வானூவிலிருந்து கசௌலிக்கு நேரடியாகச் செல்லும் 18 கி.மீ நீளமுள்ள பாதையும் உள்ளது.இமாச்சலப் பிரதேச சாலைப் போக்குவரத்துக் கழகம் பர்வானூவில் ஒர் பேருந்து பணிமனையைக் கொண்டுள்ளது. பர்வானூவிலிருந்து இயக்கப்படும் சில முக்கிய வழித்தடங்கள்: பர்வானூ-மணாலி, பர்வானூ-டெல்லி, பர்வானூ-நஹான், சிம்லா-பதான்கோட் ஆகியவை ஆகும்.

காலநிலை

பர்வானூ மிதமான காலநிலையைக் கொண்டுள்ளது. குளிர்கால வெப்பநிலை சுமார் 10 டிகிரி செல்சியஸாகவும், கோடைக்கால வெப்பநிலை அரிதாகவே 38 டிகிரி செல்சியஸை தாண்டியும் காணப்படுகிறது. காற்றின் பொதுவான திசை தென்மேற்கிலிருந்து வடகிழக்கு நோக்கி அமைகிறது. ஆண்டு மொத்த மழைப்பொழிவு 1020 மில்லிமீட்டராக உள்ளது; ஈரப்பதம் செப்டம்பர் மாதத்தில் 90 சதவீதமாகவும், ஏப்ரல் மாதத்தில் 28 சதவீதமாகவும் பதிவாகிறது.

இந்தியாவில் 'தேசிய தூய காற்று நகரங்கள்' (3 லட்சத்திற்கும் குறைவான மக்கள் தொகை கொண்ட நகரங்கள் - வகை 3) தரவரிசையில் பர்வானூ 9-வது இடத்தைப் பிடித்துள்ளது.^[1]

தொழில்கள்

சண்டிகர் , பஞ்ச்குலா நகரங்களுக்கு அருகில் அமைந்துள்ள சாதகமான சூழலைப் பயன்படுத்திக்கொள்ளும் வகையில், அரசு இங்கு தொழில் மண்டலங்களை உருவாக்கியதுடன், பல சிறுதொழில் நிறுவனங்களை ஈர்க்கும் வகையிலான சலுகைகளையும் வழங்கியது. வரி விலக்குகள் மற்றும் ஏற்கனவே உள்ள திட்டங்களை விரிவுபடுத்துவதற்கான நிதிச் சலுகைகள் ஆகியவை இதில் அடங்கும். இமாச்சலப் பிரதேசத்தில் ஆப்பிள் விளைச்சலுக்கான ஒர், முக்கிய சந்தை மையமாகவும் பர்வானூ திகழ்கிறது. இமாச்சலப் பிரதேசத்தின் அனைத்து ஆப்பிள் வர்த்தகமும் (கொள்முதல் , விற்பனை) பர்வானூ ஆப்பிள் சந்தை (மண்டி) மூலமாகவே நடைபெறுகிறது.

பர்வானூவில் அமைந்துள்ள சில பெரிய வணிக நிறுவனங்கள் பின்வருமாறு:

மோர்ஃபான் லேபரட்டரீஸ்
மைக்ரோடெக் இந்தியா
மஹ்லே குழுமம்
ஃபுஜியாமா பவர் சிஸ்டம்ஸ்
ஜேபி ஹெல்த்கேர்

சிறப்பம்சங்கள்

நகரின் வடக்கு எல்லையில் (சிம்லா நெடுஞ்சாலையில்) அமைந்துள்ள 'தல்லி' பகுதி, வாலியா குடும்பத்தினரால் நடத்தப்படும் இறைச்சி ஊறுகாய் (அசைவ ஊறுகாய்) கடைகளுக்குப் பெயர் பெற்றது. சிம்லா-சண்டிகர் நெடுஞ்சாலையில் நகருக்கு வடக்கே சில மைல் தொலைவில், 'டிம்பர் டிரெயில்' எனப்படும் கேபிள் கார் வசதி கொண்ட உல்லாச விடுதி அமைந்துள்ளது. நகர மையத்திலிருந்து சுமார் 6 கி.மீ தொலைவில் 17-ம் நூற்றாண்டைச் சேர்ந்த புகழ்பெற்ற 'பிஞ்சோர் பூங்கா' உள்ளது; இது 100 ஏக்கர் பரப்பளவில் அமைந்துள்ள ஒர் பாரம்பரியப் பூங்காவாகும், இங்கு புல்வெளிகள், சிறிய விலங்கியல் பூங்கா, நாற்றங்கால் போன்ற ஈர்ப்புகள் உள்ளன.^[2]பர்வானூவில் பேரரசர் அசோகரின் பிராமி மொழி கல்வெட்டுகள் கண்டறியப்பட்டுள்ளன.^[3] உள்ளூர் மக்கள் இப்பாறைகளை 'காளி பாத்ரி' என்று அழைக்கின்றனர். இந்நகரம் சண்டிகரிலிருந்து 35 கி.மீ தொலைவிலும், பஞ்ச்குலாவிலிருந்து 20 கி.மீ தொலைவிலும் அமைந்துள்ளது.

மக்கள்தொகையியல்

2001 இந்திய மக்கள் தொகை கணக்கெடுப்பின்படி,^[4] பர்வானூவின் மக்கள் தொகை 8609. மக்கள் தொகையில் ஆண்கள் 61% மற்றும் பெண்கள் 39%. பர்வானூவின் சராசரி கல்வியறிவு விகிதம் 73% ஆகும், இது தேசிய சராசரியான 59.5% ஐ விட அதிகம்: ஆண்களின் கல்வியறிவு 74%, பெண்களின் கல்வியறிவு 71%. பர்வானூவில், 12% மக்கள் 6 வயதுக்குட்பட்டவர்கள்.