பர்யால் கோகர்
பர்யால் கோகர் | |
|---|---|
| பிறப்பு | பர்யால் அலி கோகர் 18 திசம்பர் 1959 இலாகூர், பாக்கித்தான் |
| கல்வி | மெக்கில் பல்கலைக்கழகம் |
| பணி |
|
| செயற்பாட்டுக் காலம் | 1979 – தற்போது வரை |
| பெற்றோர் | சையது கோகர் (தந்தை) கதீஜா அலி (தாய்) |
| வாழ்க்கைத் துணை | ஜமால் ஷா (விவாகரத்து) |
| பிள்ளைகள் | 1 |
பர்யால் கோகர் (Faryal Gohar) (பிறப்பு: டிசம்பர் 18,1959) ஓர் பாக்கித்தானிய நடிகையும், தொலைக்காட்சி எழுத்தாளரும் மற்றும் மனித உரிமை ஆர்வலரும் ஆவார்.[1][2] உரான், சாந்தினி ராதைன், சந்த் கிரெகான், விசால் மற்றும் மோகினி மான்சன் கி சிண்ட்ரெல்லாயின் போன்ற ஆகிய நாடகங்களில் நடித்ததற்காக இவர் அறியப்படுகிறார்.[3]
இளமை வாழ்க்கை
[தொகு]பரியால், 1959 டிசம்பர் 18 அன்று பாக்கித்தானின் இலாகூரில் பிறந்தார்.[4] இலாகூர் அமெரிக்கன் பள்ளியில் கல்வியைப் பயின்றார். மென்பந்தாட்டத்தில் ஆர்வம் கொண்ட இவர் தனது பள்ளியில் அணித்தலைவானார்.[5] பின்னர் கின்னெர்ய்ட் கல்லூரியில் பயின்றார்.[6] பின்னர் அரசியல் பொருளாதாரம் படிக்க கனடாவின் மெக்கில் பல்கலைக்கழகத்தில் சேர்ந்தார்.[6] அங்கு பட்டம் பெற்ற பிறகு, இவர் அமெரிக்கா சென்று லாஸ் ஏஞ்சலஸில் உள்ள தெற்கு கலிபோர்னியா பல்கலைக்கழகத்தில் திரைப்பட ஆவணப்படங்கள் பற்றி படித்தார்.[6]
தொழில் வாழ்க்கை
[தொகு]பரியால், 1979 ஆம் ஆண்டில் பாக்கித்தான் தொலைகாட்சியில் ஒரு நடிகையாக அறிமுகமானார்.[7][6] இவர் தனது வருங்கால கணவர் ஜமால் ஷாவுடன் டிராஃபிக் என்ற நாடகத்தில் தோன்றினார்.[6] பின்னர் உரன், சந்த் கிரெகான் மற்றும் சாந்தினி ராதைன் ஆகிய நாடகங்களில் தோன்றினார்.[6]
1984 ஆம் ஆண்டில், பரியால் பலுசிஸ்தான் பல்கலைக்கழகத்தில் நுண்கலை துறையை நிறுவினார்.[6][8] குல் பெங்கே ஹெய்ன் என்ற தொலைக்காட்சித் திரைப்படத்திலும் தோன்றினார். பரியால் தனது சகோதரி மதீஹா கௌஹரால் நிறுவப்பட்ட அஜோகா நாடக நிறுவனத்தில் சேர்ந்து 1980கள் மற்றும் 1990களில் பல நாடகங்களை நிகழ்த்தினார்..[6][9][10]
1997 ஆம் ஆண்டில்இவர் ஜார் குல் திரைப்படத்தில் யாஸ்மினாகவும், 2014 ஆம் ஆண்டில் தமன்னா திரைப்படத்தில் மேடம் பாத்திமா என்ற கதாபாத்திரத்திலும் தோன்றினார்.[11] பின்னர் மோகினி மான்சன் கி சிண்ட்ரெல்லாயின் என்ற நாடகத்தில் தாரோ மாசியாக நடிகை ஷப்னம் மற்றும் கவி கானுடன் தோன்றினார்.[12]
நல்லெண்ண தூதர்
[தொகு]1999 ஆம் ஆண்டில் ஐக்கிய நாடுகளின் மக்கள் நிதியத்திற்கான நல்லெண்ண தூதராக பரியால் நியமிக்கப்பட்டார்.[6]
2018 ஆம் ஆண்டில் புற்றுநோய் பராமரிப்பு மருத்துவமனை மற்றும் ஆராய்ச்சி மையத்தால் நல்லெண்ண புற்றுநோய் பராமரிப்புப் தூதராக நியமிக்கப்பட்டார்.[13]
பரியால் 2019 ஆம் ஆண்டில் பாக்கித்தான் கூட்டமைப்பின் சார்பில் மென்பந்தாட்ட நல்லெண்ண தூதராக நியமிக்கப்பட்டார்.[14]
சொந்த வாழ்க்கை
[தொகு]பரியால் நடிகர் ஜமால் ஷா என்பவரை மணந்தார். இவர்கள் நீண்ட காலமாக திரை மற்றும் கலைத் துறையில் ஒன்றாக பணிபுரிந்தனர். ஆனால் 9 ஆண்டுகளுக்குப் பிறகு இவர்கள் விவாகரத்து செய்தனர்.[6] பின்னர், பரியால் அமெரிக்காவின் கலிபோர்னியாவில் பாக்கித்தானைச் சேர்ந்த ஒரு மருத்துவரை மணந்தார். ஆனால் இந்த உறவும் விவாகரத்தில் முடிந்தது.[6][15] பரியாலின் மூத்த சகோதரி நடிகை மதீஹா கௌஹர் 2018 இல் இறந்தார்.[16] பர்யால் ஆசிரியர் சாகித் நதீமின் மைத்துனியும் ஆவார்.[6]
படைப்புகள்
[தொகு]இன்றைய காலகட்டத்தில் ஆசை மற்றும் இழப்பு பற்றிய ஆய்வு பற்றிய தி சென்ட் ஆஃப் வெட் எர்த் இன் ஆகஸ்ட் என்ற தலைப்பில் பரியால் ஒரு விமர்சன நூலை எழுதினார்.[6][17][18] பின்னர், சமூக-அரசியல் சூழ்நிலை குறித்த கவலைகளைக் குறிப்பிடும் நோ ஸ்பேஸ் பார் பர்தர் பரியல்ஸ் என்ற தலைப்பில் மற்றொரு புத்தகத்தை எழுதினார். இது பல ஐரோப்பிய மொழிகளில் மொழிபெயர்க்கப்பட்டது.[6] 2024 ஆம் ஆண்டில் ஆன் அபுன்டன்ஸ் ஆப் வைல்ட் ரோஸஸ் என்ற தலைப்பில் ஒரு நூலை எழுதினார்.[19]
மேற்கோள்கள்
[தொகு]- ↑ "Readings by Faryal Gohar: Author and rights activist shares her thoughts on social issues". The News International. 18 January 2021.
- ↑ "Achieving women empowerment, gender equality govt cherished goal: Ch Sarwar". The Nation. 28 September 2021.
- ↑ "This Is the Worst Catastrophe to Hit Any State Since Biblical Times–Just Back from Pakistan, Faryal Ali Gohar Describes the Suffering from the Flood". Democracy Now!. 2 February 2021.
- ↑ "Femme Faryal: A Woman of Accomplishment". Pakistaniat. 21 May 2021.
- ↑ "Faryal Gohar named Pakistan softball ambassador". Dawn News. 12 November 2021.
- ↑ 6.00 6.01 6.02 6.03 6.04 6.05 6.06 6.07 6.08 6.09 6.10 6.11 6.12 6.13 "Femme Faryal: A Woman of Accomplishment". Pakistaniat. 21 May 2021."Femme Faryal: A Woman of Accomplishment". Pakistaniat. 21 May 2021.
- ↑ "PTV veteran brings lives of past, present celebrities to limelight". The Nation. 8 June 2021.
- ↑ "Ajoka's acting Master Class from today". The Nation. 12 November 2021.
- ↑ "Ajoka begins workshop for aspiring actors". Images.Dawn. 19 July 2018.
- ↑ "Young actors given tips at Ajoka theatre workshop". The News International. 28 July 2021.
- ↑ "Movie Review: Tamanna is not meant for the big-screen". Dawn News. 18 June 2014.
- ↑ "Leaving Pakistan and Lollywood was painful, says Shabnam". Images.Dawn. 11 March 2017.
- ↑ "Mrs. Faryal A. Gohar joined Cancer Care Hospital & Research Center as Ambassador". Cancer Care Hospital & Research Center (A Charitable Trust). 1 September 2021.
- ↑ "Faryal Gohar named Pakistan softball ambassador". Dawn News. 12 November 2021."Faryal Gohar named Pakistan softball ambassador". Dawn News. 12 November 2021.
- ↑ "It took Bushra Ansari five years to open up about her divorce". The Express Tribune. 10 August 2021.
- ↑ "Veteran actress Madeeha Gohar passes away in Lahore". Dunya News. 20 March 2021.
- ↑ "English literary conference concludes". The Nation. 27 August 2021.
- ↑ "'Address Book: A Publishing Memoir in the time of COVID' review: Championing women in print". 21 August 2021. https://www.thehindu.com/books/books-reviews/address-book-a-publishing-memoir-in-the-time-of-covid-review-championing-women-in-print/article35999976.ece?__cf_chl_captcha_tk__=zKqgMcLqzTf2s6wDVl7JDCEZ_7HGnekkzHKpIAhNhKQ-1636965398-0-gaNycGzNCP0.
- ↑ "Canongate scoops latest novel by Pakistani writer Ali-Gauhar". The Bookseller. January 22, 2024.