விக்கிப்பீடியா என்பது எவரும் தொகுக்கக்கூடிய, இலவசமாகப் பயன்படுத்தக்கூடிய ஒரு பன்மொழிக் கலைக் களஞ்சியத் திட்டமாகும். இங்கு நீங்களும் உங்களுக்கு விருப்பமான தலைப்புகளில் புதிதாக கட்டுரைகள் எழுதலாம்; ஏற்கனவே உள்ள பக்கங்களை திருத்தி எழுதலாம். விவரங்கள் அறிய புதுப் பயனர்களுக்கான விக்கிப்பீடியா அறிமுகப் பக்கத்தை பார்க்கவும்.
ஈரான் அல்லது பாரசீகம் மேற்கு ஆசியாவில் உள்ள ஒரு நாடு ஆகும். இதன் வடமேற்கே துருக்கியும், மேற்கே ஈராக்கும், வடக்கே அசர்பைஜான், ஆர்மீனியா, காசுப்பியன் கடல், துருக்மெனிஸ்தான் ஆகியவையும், கிழக்கே ஆப்கானித்தானும், தென்கிழக்கே பாக்கித்தானும், தெற்கே ஓமான் குடா, பாரசீக வளைகுடாவும் எல்லைகளாக உள்ளன. இதன் கிட்டத்தட்ட ஒன்பது கோடி மக்களில் பெரும்பாலானோர் பாரசீக இனத்தவராவர். மொத்த பரப்பளவு, மக்கள் தொகை அடிப்படையில் உலக அளவில் 17ஆவது இடத்தைப் பெறுகிறது. உலகில் மிகுந்த மலைப் பாங்கான நாடுகளில் இதுவும் ஒன்று. ஓர் இசுலாமியக் குடியரசான ஈரானில், பெரும்பான்மையாக முசுலிம் மக்கள் வாழ்கின்றனர். ஒரு நாகரிகத் தொட்டிலாக ஈரானில் தொடக்க காலக் கற்காலத்தின் பிந்தைய பகுதியிலிருந்தே மக்கள் வாழ்ந்து வருகின்றனர். மேலும்...
பூமருது என்பது தெற்காசிய வெப்பமண்டலத்தைச் சேர்ந்த ஒரு மரமாகும். இதன் மலர்கள் கோடைக் காலத்தில் பூத்துக் குலுங்கும். இது ஒளிரும் இளஞ்சிவப்பு முதல் வெளிர் ஊதா நிற பூக்களைக் கொண்ட ஒரு இலையுதிர் மரமாகும். இதன் இலைகள் குளிர் காலத்தில் உதிரும் முன்னே சிவப்பாக மாறிவிடும். இதன் மரம் வலிமையில் தேக்கு மரத்திற்கு அடுத்ததாக உள்ளது. பூமருது வயலும் வயல் சார்ந்த நிலமான மருதத் திணைக்குரிய மரம் என்று சில ஆய்வாளர்கள் கருதுகின்றனர். சங்கப் பாடல்களில் வருணிக்கப்படும் மருதப் பூ பற்றிய குறிப்புகள் செம்மருதுப் பூவுக்கே பொருந்துவதாகக் கூறுகின்றனர். இதனை முடக்காஞ்சிச் செம்மருதின் (வரி 189) என்ற பொருநராற்றுப்படையும், செவ்வி மருதின் செம்மலோடு தாஅய் (50-2) என்ற குறுந்தொகை வரியும் உறுதிப்படுத்துகின்றன. இந்தத் தாவரம் கொண்ட அஞ்சல் தலையை இந்தியா வெளியிட்டுள்ளது. மேலும்...
துட்டு என்பது தற்போது வழக்கில் இல்லாத குறைந்த மதிப்பு கொண்ட பழைய டச்சு செப்பு நாணயம் ஆகும். இது தமிழில் குறைந்த மதிப்புள்ள பணத்தைக் குறிக்கும் ஒரு பேச்சு வழக்காக உள்ளது.
மும்பையில் இருந்து சென்ற வானூர்தி பாராமதி வானூர்தி நிலையத்தில் தரையிறங்க முயன்றபோது விபத்துக்குள்ளானதில், அதில் சென்ற மகாராட்டிர மாநிலத் துணை முதல்வர் அஜித் பவார் (படம்) உட்பட அனைவரும் உயிரிழந்தனர்.
1996 – ஐரியக் குடியரசு இராணுவம் தனது 18 மாத போர்நிறுத்த உடன்பாட்டை முறித்துக்கொண்ட சில மணி நேரத்தில் லண்டனில் இடம்பெற்ற குண்டுவெடிப்பில் இருவர் கொல்லப்பட்டனர்.
ஏர் (Plough) என்பது நிலத்தைக் கிளறிப் பயிர்ச் செய்கைக்கு உகந்ததாக்குவதற்கு உதவும் ஒரு கருவியாகும். ஏர்கள் விவசாயத்திற்கு மட்டுமன்றி கடலடி கம்பிவடங்கள் பதிப்பதற்கும் எரி எண்ணெய் கண்டுபிடிப்பதற்கும் உதவுகின்றன.
முற்காலத்தில் மனிதனால் இழுத்துச் செல்லப்பட்ட இவை பின்னர் காளைகளாலும் சில நாடுகளில் குதிரைகளாலும் இழுத்துச் செல்லப்பட்டன. தொழிற்புரட்சி ஏற்பட்டு இயந்திரங்கள் அறிமுகப்படுத்தப் பட்ட பிறகு உழுவுந்துகள் பயன்படுத்தப்படுகின்றன.
.svg)
_edited.jpg)
