பன்னாட்டு மருத்துவ இயற்பியல் நாள்
| சர்வதேச மருத்துவ இயற்பியல் தினம் | |
|---|---|
 மேரி கியூரி, இவரது பிறந்த நாளை நினைவுகூர்ந்தே இந்நாள் கொண்டாடப்படுகிறது | |
| வகை | சர்வதேசம் |
| நாள் | 7 நவம்பர் |
| நிகழ்வு | ஆண்டு தோறும் |
| முதல் முறை | 2013 |
| தொடர்புடையன | உலகக் கதிர்வீச்சியல் நாள், மேரி கியூரி |
பன்னாட்டு மருத்துவ இயற்பியல் நாள் (International Day of Medical Physics – IDMP) ஒவ்வொரு ஆண்டும் நவம்பர் 7 அன்று கொண்டாடப்படுகிறது. இந்த நாளின் நோக்கம், சுகாதாரத் துறையில் மருத்துவ இயற்பியலாளர்களின் பங்களிப்பை முன்னிறுத்துவது மற்றும் நோயாளி பரிசோதனை, சிகிச்சை மற்றும் பாதுகாப்பில் மருத்துவ இயற்பியலின் முக்கியத்துவத்தைப் பற்றிய விழிப்புணர்வை ஏற்படுத்துவதாகும்.
இந்த நாள் உலகப் புகழ் பெற்ற அறிவியலாளர் மேரி கியூரி (1867–1934) அவர்களின் பிறந்த நாளை நினைவுகூர்ந்தே கொண்டாடப்படுகிறது. இவர் கதிரியக்கம் குறித்த தன்னுடைய முன்னோடியான ஆய்வுகள் மூலம் நவீன மருத்துவ இயற்பியல் மற்றும் கதிரியக்க அறிவியலின் அடித்தளத்தை அமைத்தார்.[1] மருத்துவ இயற்பியலுக்கான பன்னாட்டு அமைப்பு (IOMP) கேட்டுக்கொண்டதற்கிணங்க இந்நாளில் அனைத்து நாடுகளிலுமுள்ள மருத்துவ இயற்பியலாளர்கள் கூடி இந்நாளை 2013 ஆம் ஆண்டு முதல் கொண்டாடுகிறார்கள்.
மருத்துவத் துறைக்கு இயற்பியலின் பங்கு அண்மை காலங்களில் மிகவும் அதிகரித்துள்ளது. கணினியுடன் செயல்படும் தளக்கதிர் படயியல் (Computed tomography), காந்த ஒத்ததிர்வு படம் (Magnetic resonance imaging ), பாசிட்ரான் உமிழ்பு தளக்கதிர் படம் (Positron emmision tomography) முதலியன உடலின் உட்பகுதியினை காணவும் அவை செயல்படும் முறையினையும் தெளிவாகக் காட்டவல்லன. இயற்பியலும் பொறியியல் தொழில்நுட்பமும் இணைந்து கதிர்மருத்துவத்திற்கான பல நுட்பமான கருவிகளைக் கொடுத்துள்ளன.
மேற்கோள்கள்
[தொகு]- ↑ "International Day of Medical Physicist (IDMP)". International Organization for Medical Physics (IOMP). Retrieved 7 நவம்பர் 2025.