பன்னாட்டு பூஞ்சையியல் சங்கம்
| சுருக்கம் | IMA |
|---|---|
| உருவாக்கம் | 1971 |
| வகை | இலாப நோக்கற்ற நிறுவனம் |
| சட்ட நிலை | தொழில்முறை நிறுவனம் |
| நோக்கம் | பூஞ்சையியல் |
| தலைமையகம் | எக்செட்டர், ஐக்கிய இராச்சியம் |
சேவை பகுதி | உலகம் முழுவதும் |
உறுப்பினர்கள் | உலகப் பூஞ்சையியல் ஆய்வாளர்கள். |
| வலைத்தளம் | www |
பன்னாட்டு பூஞ்சையியல் சங்கம் (International Mycological Association) என்பது பூஞ்சைகள் பற்றிய ஆய்வுகளை ஊக்குவிக்கும் உலகளாவிய அறிவியல் அமைப்பாகும். உலகம் முழுவதும் உள்ள பூஞ்சை ஆய்வாளர்களிடையே ஒத்துழைப்பை மேம்படுத்துவதற்காக இச்சங்கம் நிறுவப்பட்டது. 1971-ஆம் ஆண்டில் ஐக்கிய இராச்சியத்தின் எக்செட்டர் நகரில் நடைபெற்ற முதலாவது பன்னாட்டு பூஞ்சையியல் மாநாட்டின் போது பன்னாட்டு பூஞ்சையியல் சங்கம் நிறுவப்பட்டது.[1][2]
பன்னாட்டு பூஞ்சையியல் சங்க நிறுவனம் பன்னாட்டு பூஞ்சையியல் சங்க பூஞ்சைகள் என்ற திறந்த அணுகல் கொண்ட அறிவியல் இதழை வெளியிடுகிறது.
உலகம் முழுவதிலும் உள்ள 30,000-எண்ணிக்கைக்கும் மேற்பட்ட பூஞ்சையியல் நிபுணர்களின் நலன்களைப் இச்சங்கம் பிரதிநிதித்துவப்படுத்துகிறது.[3]
முக்கிய நோக்கங்கள்
[தொகு]- பூஞ்சைகள் குறித்த அறிவியல் ஆராய்ச்சியை ஊக்குவித்தல்.
- உலக நாடுகளின் பூஞ்சையியல் சங்கங்களுக்கு இடையே ஒத்துழைப்பை ஏற்படுத்துதல்.
- பூஞ்சைகளின் வகைப்பாடு, பெயரிடல் மற்றும் உயிரியல் தொடர்பான ஆய்வுகளை ஆதரித்தல்.
- இளம் ஆராய்ச்சியாளர்களுக்கு வாய்ப்புகள் மற்றும் ஆதரவு வழங்குதல்.
செயல்பாடுகள்
[தொகு]- பன்னாட்டு பூஞ்சையியல் காங்கிரசு எனப்படும் உலக பூஞ்சையியல் மாநாட்டை காலம்தோறும் நடத்துகிறது.
- சிறந்த பூஞ்சை ஆய்வாளர்களுக்கு விருதுகள் மற்றும் கௌரவங்களை வழங்குகிறது.
- பூஞ்சை உயிரியல், சூழலியல், மருத்துவ பூஞ்சையியல் மற்றும் வேளாண் பூஞ்சையியல் போன்ற துறைகளில் அறிவியல் பரிமாற்றத்தை ஊக்குவிக்கிறது.
விருதுகள்
[தொகு]பூஞ்சையியலுக்கான பங்களிப்புகளுக்காக இந்த சங்கம் பல விருதுகளை வழங்குகிறது:[4]
- நீண்ட காலமாகப் பணியாற்றி வரும் பூஞ்சையியலாளர்களின் தொழில்முறை சாதனைகளின் அடிப்படையில் வழங்கப்படும் டி பேரி பதக்கம்
- பூஞ்சையியல் உலகிற்கு ஆற்றிய சேவைகளுக்காக வழங்கப்படும் ஐன்சுவொர்த்து பதக்கம்
- உலகெங்கிலும் உள்ள பல்வேறு பிராந்தியங்களில் பணிபுரியும் இளம் பூஞ்சையியலாளர்களின் சாதனைகளை அங்கீகரிக்கும் வகையில் வழங்கப்படும் தொடர் பதக்கங்கள் மூலம் இளம் பூஞ்சையியலாளர்களுக்கான விருதுகள்: எத்தேல் மேரி டோய்ட்ச்சு பதக்கம் (ஆப்பிரிக்கா); கெய்சுகே துபாக்கி பதக்கம் (ஆசியா); கார்லோசு லூயிசு சுபெகாசினி பதக்கம் (இலத்தீன் அமெரிக்கா); எலியாசு மேக்னசு பிரைசு பதக்கம் (ஐரோப்பா); ஆர்தர் என்றி ரெச்சினால்ட்டு புல்லர் பதக்கம் (வட அமெரிக்கா); டேனியல் மெக்கல்பைன் பதக்கம் (ஆஸ்திரேலியா)
மேற்கோள்கள்
[தொகு]- ↑ Simmons EG. (2011). "The International Mycological Association: its history in brief with summaries of its International Mycological Congresses and diverse international relationships". IMA Fungus 1 (1): 18–100. doi:10.5598/imafungus.2010.01.01.01. பப்மெட்:22679567.
- ↑ Hubertus Antonius van der Aa (1993). "International Mycological Association". Coolia 36 (1): 23–25. https://archive.org/details/coolia_1993_36_1/page/23.
- ↑ "The International Mycological Association". International Mycological Association. Archived from the original on 12 February 2015. Retrieved 22 November 2014.
- ↑ "Awards". International Mycological Association. Retrieved 8 October 2022.
