பன்னாட்டு நீராய்வியல் அமைப்பு

பன்னாட்டு நீராய்வியல் அமைப்பு
	International Hydrographic Organization ; Organisation hydrographique internationale
சுருக்கம்	IHO
உருவாக்கம்	21 சூன் 1921;; 103 ஆண்டுகள் முன்னர்
தலைமையகம்	மொனாக்கோ;
உறுப்பினர்கள்	101 உறுப்பு நாடுகள்; இடைநீக்கம் செய்யப்பட்டவை: (செர்பியா; சிரியா)
ஆட்சி மொழிகள்	ஆங்கிலம், பிரான்சிய மொழி
பொதுச் செயலாளர்	டாக்டர் மத்தியாஸ் ஜோனாஸ்
வலைத்தளம்	iho.int

பன்னாட்டு நீராய்வியல் அமைப்பு (ஆங்கிலம்: International Hydrographic Organization; பிரான்சியம்: Organisation hydrographique internationale) என்பது பன்னாட்டு அரசுகளுக்கு இடையில் நீராய்வியல் துறையைப் பிரதிநிதித்துவப்படுத்தும் அமைப்பாகும்.^[1] பிப்ரவரி 2025 நிலவரப்படி, பன்னாட்டு நீராய்வியல் அமைப்பில் 101 நாடுகள் உறுப்பியம் பெற்றுள்ளன.

உலகில் உள்ள கடல்கள், பெருங்கடல்கள் மற்றும் நீர்நிலைகள் போன்றவை முறையாக ஆய்வு செய்யப்பட்டு வரைபடமாக்கப்படுவதை உறுதி செய்வதே பன்னாட்டு நீராய்வியல் அமைப்பின் முக்கிய நோக்கமாகும்.^[2]

நீராய்வியல் கணக்கெடுப்புகளுக்கான பன்னாட்டுத் தரங்களை அமைப்பது; உலக நாடுகளின் நீராய்வியல் அலுவலகங்களின் முயற்சிகளை ஒருங்கிணைப்பது போன்ற கூறுகள்; இந்த நீராய்வியல் அமைப்பின் முதன்மைச் செயல்பாடுகள் ஆகும். அத்துடன் அவற்றைத் திறன்மிகு மேம்பாட்டுத் திட்டத்தின் வழியாகச் செயல்படுத்துவதும் அதன் திட்டங்களில் ஒன்றாகும்.^[3]

பொது

பன்னாட்டு நீராய்வியல் அமைப்பு, ஐக்கிய நாடுகள் அவையில் பார்வையாளர் தகுதியைப் பெற்றுள்ளது. அங்கு இது நீரியல் வரைவு கருத்தாய்வு; மற்றும் கடல்சார் வழிகாணல் வரைபடம் தயாரித்தல் போன்ற செயல்பாடுகளுக்கு அங்கீகரிக்கப்பட்ட அமைப்பாகவும் செயல்படுகிறது.^[4]