பந்து மின்னல்
பந்து மின்னல் (Ball lightning) என்பது ஒரு ஒளிரும் மின்னல் பந்து ஆகும். இது சில நேரங்களில் இடியுடன் கூடிய மழைக் காலத்திலும் தோன்றும். ஆனால் பொதுவாக இது மின்னலை விட நீண்ட நேரம் நீடிக்கும் தன்மை உடையது. அறிவியலாளர்கள் பந்து மின்னலை இன்னும் நன்றாகப் புரிந்து கொள்ளவில்லை. மேலும் சிலர் பந்து மின்னல் உண்மையானது என்று கூட நினைக்கவில்லை. ஏனெனில் அது மிகவும் விசித்திரமானது.[1]இருப்பினும் இது பல நம்பகமான நபர்களால் வானிலை இதழ்களில் பரவலாகப் பதிவாகியுள்ளது.[1] எனவே பந்து மின்னல் உண்மையானதாக இருக்க மிகவும் சாத்தியம் உள்ளது.
விளக்கம்
[தொகு]பந்து மின்னலைப் பார்த்தவர்கள் இது ஒரு திராட்சைப்பழம் அல்லது கூடைப்பந்தின் அளவு என்று கூறுகிறார்கள்; இது ஒரு மகிழுந்து போல பெரியது என்றும் கூட கூறப்படுகிறது.[1] ஒளிரும் பந்து மின்னல் சிவப்பு, ஆரஞ்சு அல்லது மஞ்சள் நிறத்தில் இருக்கும். சிலர் அது மேகங்களிலிருந்து விழுவதைக் கண்டிருக்கிறார்கள்.[1] சில நேரங்களில், பந்து மின்னல் சில வினாடிகள் மிதக்கிறது அல்லது தரையில் இருந்து சற்று மேலே சறுக்குகிறது அல்லது அது ஒரு பொருளின் மேற்பரப்பில் உருளலாம். உமிழும் கோளத்திலிருந்து சீறும் சத்தங்கள் வருகின்றது. சிலர் அதை ஒரு அடையாளம் கண்டுபிடிக்க முடியாத பறக்கும் பொருள் என்று கூட நினைத்திருக்கிறார்கள். பந்து மின்னல் சில நேரங்களில் சத்தமாக வெடிக்கும், மற்ற நேரங்களில் அது அமைதியாக மறைந்துவிடும். அது ஜன்னல்களை உடைத்து அல்லது வெறுமனே சென்று, தரையில் குதித்து, சலசலத்து, பின்னர் தொலைக்காட்சிகள் அல்லது புகைபோக்கி போன்றவற்றில் மறைந்துவிடும் என்று அறியப்படுகிறது. [1] சிலர் பந்து மின்னல் மனிதர்களைக் கொல்லக்கூடும் என்று கூறுகிறார்கள். மற்றவர்கள் மனிதர்கள் மீது அதன் விளைவு பாதிப்பில்லாதது என்று கூறுகிறார்கள்.
பார்த்தவர்கள்
[தொகு]பலர் பந்து மின்னலைப் பார்த்ததாகக் கூறப்படுகிறது. எபினேசர் கோபாம் பிரீவர் என்பவர் "உலகளாவிய மின்னல் பந்து" பற்றி எழுதியுள்ளார். அவை தரையில் விழலாம் அல்லது பீரங்கி போல வெடிக்கலாம் என்று கூறுகிறார்.[2] லாரா இங்கால்ஸ் வைல்டர் பந்து மின்னல் பற்றி தனது புத்தகத்தில் கீழ்கண்டவாறு எழுதுகிறார்[3] :தான் சிறியவளாக இருந்தபோது, ஒளி பந்துகளைக் கண்டதாகவும், அதை அவளுடைய தாய் ஒரு துடைப்பத்தால் விரட்டியதாகவும் கூறுகிறார்.[4]
உருசியாவின் இறுதிப் பேரரசர் இரண்டாம் நிக்கோலஸ், தான் பந்து மின்னலைக் கண்டதாக கீழ்கண்டவாறு கூறினார்:
வழிபாட்டின் போது ஒரு சக்திவாய்ந்த இடியுடன் கூடிய மழை பெய்தது. மின்னல் கோடுகள் ஒன்றன் பின் ஒன்றாக மின்னின. இடி முழக்கங்கள் தேவாலயத்தையும் முழு உலகத்தையும் கூட அதன் அஸ்திவாரங்களுக்கு உலுக்கும் என்று தோன்றியது. திடீரென்று இருட்டாகிவிட்டது. திறந்த கதவிலிருந்து வீசிய காற்று, எரிந்து கொண்டிருந்த மெழுகுவர்த்திகளின் சுடரை அணைத்தது. முன்பை விட சத்தமாக இடி முழக்கம் கேட்டது. திடீரென்று ஜன்னலிலிருந்து நேராக பேரரசரின் தலையை நோக்கி ஒரு நெருப்புப் பந்து பறப்பதைக் கண்டேன். பந்து (அது மின்னல்) தரையைச் சுற்றிச் சுழன்று, பின்னர் சரவிளக்கைக் கடந்து கதவு வழியாக பூங்காவிற்குள் பறந்தது. என் இதயம் உறைந்தது. நான் என் தாத்தாவைப் பார்த்தேன் - அவரது முகம் முற்றிலும் அமைதியாக இருந்தது. நெருப்புப் பந்து எங்கள் அருகே பறந்தபோது அவர் அமைதியாக கடந்து சென்றார். நான் பயப்படுவது அநாகரீகமானது மற்றும் தைரியமற்றது என்று நான் உணர்ந்தேன்.பந்து முழு தேவாலயத்தையும் கடந்து, திடீரென்று கதவு வழியாக வெளியே சென்ற பிறகு, நான் மீண்டும் என் தாத்தாவைப் பார்த்தேன். அவரது முகத்தில் ஒரு மெல்லிய புன்னகை இருந்தது. அவர் என்னைப் பார்த்து தலையை ஆட்டினார். என் பீதி மறைந்தது, அன்றிலிருந்து எனக்கு புயல்கள் பற்றிய பயம் இல்லை.
— ஜார் இரண்டாம் நிக்கோலஸ்[5]
மேற்கோள்கள்
[தொகு]- ↑ 1.0 1.1 1.2 1.3 1.4 Oard, Michael (1997). The NIV Study Bible. P.O. Box 126, Green Forest, AR 72638: Master Books. ISBN 0-89051-211-6.
{{cite book}}: CS1 maint: location (link) - ↑ Brewer, Ebenezer Cobham (1864). A Guide to the Scientific Knowledge of Things Familiar. pp. 13–14.
- ↑ Wilder, Laura Ingalls (1937). On the Banks of Plum Creek. Harper Trophy.
- ↑ Getline, Meryl (17 October 2005). "Playing with (St. Elmo's) fire". USA Today இம் மூலத்தில் இருந்து 2012-08-20 அன்று. பரணிடப்பட்டது.. https://web.archive.org/web/20120820135343/http://www.usatoday.com/travel/columnist/getline/2005-10-17-ask-the-captain_x.htm.
- ↑ "Tsar-Martyr Nicholas Ii And His Family". Orthodox.net. Retrieved 13 July 2009.
வெளி இணைப்புகள்
[தொகு]| பன்னாட்டு | |
|---|---|
| தேசிய | |
