பத்து பூத்தே மலை

பத்து பூத்தே மலை Mount Batu Putih பேராக்
பேராக் தாப்பா பத்தாங் பாடாங் மாவட்டம்
உயர்ந்த புள்ளி
உயரம்	2,132 m (6,995 அடி)
புடைப்பு	992 m (3,255 அடி)
பட்டியல்கள்	ரீபு மலைகள்
ஆள்கூறு	4°13′23″N 101°26′28″E
புவியியல்
அமைவிடம்	பேராக் தாப்பா பத்தாங் பாடாங் மாவட்டம்
நாடு	மலேசியா
மூலத் தொடர்	தித்திவாங்சா மலைத்தொடர்

பத்து பூத்தே மலை (மலாய்: Gunung Batu Putih; ஆங்கிலம்: Mount Batu Putih) என்பது மலேசியாவின் பேராக் மாநிலத்தின் பத்தாங் பாடாங் மாவட்டத்தில் உள்ள ஒரு மலை ஆகும்.

இந்த மலை தீபகற்ப மலேசியாவின் தித்திவாங்சா மலைத்தொடரில் உள்ளது. தித்திவாங்சா மலைத்தொடர் தீபகற்ப மலேசியாவின் முதுகெலும்பாக விளங்குகின்றது. தித்திவாங்சா மலைத்தொடரின் வடபகுதி தென் தாய்லாந்தில் தொடங்குகின்றது.

பொது

பத்து பூத்தே மலையின் மலை முகடு 2,132 மீ ஆகும். தீபகற்ப மலேசியாவின் 8-ஆவது உயரமான மலையாகவும் உள்ளது. பத்து பூத்தே மலையில் மருத்துவ குணம் கொண்ட ஏராளமான தாவரங்கள் உள்ளன.

ரீபு மலைகள் பட்டியலில் இந்த மலையும் இடம்பெறுகிறது. ரீபு மலைகள் என்பது 1,000 மீ (3,300 அடி) அல்லது அதற்கும் மேற்பட்ட உயரம் கொண்ட மலைகளை வரையறுக்கும் சொல் ஆகும். தற்போது, மலேசியா மற்றும் கிழக்கு திமோர் உட்பட இந்தோனேசியத் தீவுக்கூட்டம் முழுவதும் மொத்தம் 270 ரீபு மலைகள் இருப்பதாக அறியப்படுகிறது.

2022-ஆம் ஆண்டில், உலகம் முழுவதும் உள்ள சுமார் 7,000 ரீபு மலைகள் அனைத்தையும் அடையாளம் காண ஒரு பன்னாட்டுத் திட்டம் நடந்து வருகிறது.

மேலும் காண்க

• தாப்பா
• கோப்பேங்
• பத்தாங் பாடாங் மாவட்டம்
• மலேசிய மலைகளின் பட்டியல்

வெளி இணைப்புகள்

• Student falls from Gunung Batu Putih in Kuala Woh
• Gambar pemandangan sekitar Gunung Batu Putih (tidak rasmi)