பண்புத்தொகை

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search

பண்புத்தொகை என்பது பண்புப்பெயரைச் சேர்ந்து (தொகுத்து) வரும் பெயர்ச்சொல்.[1] ஒரு பண்பைக் குறிப்பது பண்புப்பெயர். எடுத்துக்காட்டாக,

  • நிறத்தைக் குறிக்கும் பண்புப்பெயர்ச் சொற்கள் - செம்மை, பசுமை, வெண்மை, கருமை
  • வடிவத்தைக் குறிக்குஞ் சொற்கள் - வட்டம், சதுரம்.
  • சுவையைக் குறிக்குஞ் சொற்கள் - இனிமை, கசப்பு
  • குணத்தைக் குறிக்குஞ் சொற்கள் - நன்மை, தீமை
  • எண்ணிக்கையைக் குறிக்குஞ் சொற்கள் - ஒன்று, இரண்டு, பத்து என்று பல்வேறு வகையான பண்புப்பெயருடன் சேர்ந்து வரும் பெயர்ச்சொல் பண்புத்தொகை எனப்படும்.

எடுத்துக்காட்டுக்கள் (முறையே):

  • வெண்கரடி = வெண்மை + கரடி
  • வட்டக்கோடு = வட்டமான கோடு
  • புளிச்சோறு = புளிக்கும் சோறு
  • பெருங்கடல் = பெருமை (பெரிய) + கடல்
  • மூவேந்தர் = மூன்று + வேந்தர்

புணர்ச்சி[தொகு]

பண்புப் பெயர் புணரும்போது எத்தகைய மாற்றங்களைப் பெறும் என்பதை நன்னூல் விளக்குகிறது. [2] [3]

பண்புத்தொகை விரி விளக்கம் விதி
நல்லன், சிறுபொருள் நன்மை+அன், சிறுமை+பொருள் [மை] விகுதி போயிற்று ஈறு போதல்
கரியன், சிறியிலை கருமை+அன், சிறுமை+இலை விகுதி போய் உகரம் இகரம் ஆயிற்று இடை உகரம் [இ] ஆதல்
பாசி, மூதூர் பசுமை+இ, முதுமை+ஊர் விகுதி போய் ஆதி நீண்டது ஆதி நீடல்
பைந்தார் பசுமை+தார் [மை] விகுதி கெட்டது. 'பசு' என நின்றதில் 'சு' என்பதில் உகரம் இகரம் ஆயிற்று. ஆதியாகிய [ப], [பா] என நீண்டது அடி அகரம் ஐ ஆதல்
குற்றி, நட்டாறு குறுமை+ஆறு, நடுமை+ஆறு விகுதி போய் இறுதி எழுத்தின் தன் ஒற்று இரட்டியது தன் ஒற்று இரட்டல்
செய்யன், வெவ்வுயிர் செம்மை+அன், வெம்மை+உயிர் விகுதி போய் முன் நின்ற மெய் திரிந்தது முன் நின்ற மெய் திரிதல்

பார்க்க[தொகு]

குறிப்புகளும் மேற்கோள்களும்[தொகு]

  1. "தொகை வகைகள்". பார்த்த நாள் 2007-04-24. "பண்புப்பெயர்ச் சொற்களுடன் வேறு பெயர்ச்சொல் சேர்ந்து வருமாயின் அவை பண்புத்தொகையெனப்படும்."
  2. ஈறு போதல் இடை உகரம் இ ஆதல்
    ஆதி நீடல் அடி அகரம் ஐ ஆதல்
    தன் ஒற்று இரட்டல் முன் நின்ற மெய் திரிதல்
    இனம் மிகல் இனையவும் பண்பிற்கு இயல்பே

  3. நன்னூல் காண்டிகை உரை தரும் விளக்கம்
"https://ta.wikipedia.org/w/index.php?title=பண்புத்தொகை&oldid=1775609" இருந்து மீள்விக்கப்பட்டது