பங்கஜ் பதௌரியா
பங்கஜ் பதௌரியா | |
|---|---|
 மஸ்கத்தில் தனது தனித்துவமான சமையல் குறிப்புகளை பங்கஜ் பதௌரியா வெளியிடுகிறார். | |
| பிறப்பு | 14 சூலை 1971 இலக்னோ, உத்தரப் பிரதேசம், இந்தியா |
| கல்வி | ஆங்கிலத்தில் முதுகலை, கல்வியில் இளங்கலை |
| பணி | வாலுவர், தொலைக்காட்சி நிகழ்ச்சியாளர், சமையல் அகாதமி, உணவக உரிமையாளர் |
| வலைத்தளம் | |
| www | |
பங்கஜ் பதௌரியா (Pankaj Bhadouria) மாஸ்டர் செஃப் இந்தியா பருவம் 1 (2010) இன் வெற்றியாளர் ஆவார்.[1][2][3] இவர் ஒரு பள்ளி ஆசிரியராக இருந்தார். இவர் மாஸ்டர் செஃப் இந்தியாவின் முதல் பருவத்தில் பங்கேற்க தனது 16 வருட வேலையை விட்டுவிட்டார். செஃப் பங்கஜ் கா சாய்கா[4] (ஸ்டார் பிளஸ்), கிஃபயாட்டி கிச்சன்[5] (ஜீ கானா கசானா),[6]) 3 கோர்ஸ் வித் பங்கஜ்[7] (ஜீ கனா கசானா) ரசோய் சே-பங்கஜ் பதௌரியா கே சாத் (ஈடிவி) , சேல்ஸ் கா பாஸிகர் (ஈடிவி]).[8] போன்றத் தொலைக்காட்சி நிகழ்ச்சிகளை தொகுத்து வழங்கியுள்ளார். அதிகாரப்பூர்வ மாஸ்டர் செஃப் சமையல் புத்தகத்தை தனது பெயரில் வைத்திருக்கும் உலகளாவிய முதல் மாஸ்டர் செஃப் வெற்றியாளராக இவர் இருந்தார். மேலும் பார்பி-ஐ ஆம் செஃப், சிக்கன் ஃப்ரம் மை கிச்சன் (ப்ளூம்ஸ்பரி பப்ளிஷிங்) என்ற இரண்டு சமையல் புத்தகங்களையும் எழுதியுள்ளார்.[9]
இளமை வாழ்க்கை
[தொகு]1971 ஜூலை 14 அன்று புது தில்லியில் வினோத் கன்னா மற்றும் பிரியா கன்னா ஆகியோருக்கு பிறந்த பங்கஜ், அவர்களின் இரண்டு குழந்தைகளில் மூத்தவர். இவருக்கு ஒரு தம்பி இருக்கிறார். தனது 13 வயதில் தந்தையையும், 22 வயதில் தாயையும் இழந்தார். புது தில்லியில் உள்ள கேந்திரிய வித்யாலயாவில் பள்ளிப்படிப்பை முடித்தார். இலக்னோவில் தனது உயர் கல்வியை முடித்தார். பின்னர், இலக்னோ பல்கலைக்கழகத்தில் ஆங்கிலத்தில் இளங்கலை பட்டமும், ஆங்கில இலக்கியத்தில் முதுகலைப் பட்டமும் பெற்றார். பின்னர் கல்வியில் இளங்கலை பட்டமும் பெற்றார். சாரு சமார்த் என்பவரை மணந்து கொன்டார். இவர்களுக்கு சோனாலிகா பதௌரியா என்ற மகளும், சித்தாந்த் பதௌரியா என்று ஒரு மகனும் உள்ளனர்.
பங்கஜ் பதௌரியா சமையல் அகாதமி
[தொகு]பங்கஜ் தனது சமையல் அகாதமியை ஆகஸ்ட் 16,2012 அன்று இலக்னோவில் தொடங்கினார். இது தொழில்முறை படிப்புகள் மற்றும் பிற சமையல்காரர்களுக்கான சான்றிதழ் படிப்புகளை வழங்குகிறது.
ஒப்புதல்கள்
[தொகு]சமையல் மீதான இவரது ஆர்வம் காரணமாக இவரை பல நிறுவனங்களின் விருப்பமான ஆளுமையாக மாற்றியுள்ளது. மைக்ரோசாப்ட் லூமியா 535 டிஜிட்டல் பிரச்சாரத்தின் ஒரு பகுதியாக பங்கஜ் உள்ளார். அங்கு கங்கனா ரனாத் மற்றும் சாய்னா நேவால் ஆகியோருடன் சேர்ந்து, "ஆஷையன்" என்ற தலைப்பில் ஒரு ஊக்கமளிக்கும் படத்தில் நடித்து தங்கள் கனவுகளைப் பின்பற்ற மக்களை ஊக்குவிக்கிறார்
பிராண்ட் நார்-கோப்பை சூப், சூப்ஸ் மற்றும் நூடுல்ஸ் ஆகியவற்றின் முகமாகவும் பங்கஜ் உள்ளார். மேலும் ஒரு விரிவான தொலைக்காட்சி பிரச்சாரத்தையும், நார்-க்கான அச்சு பிரச்சாரங்களையும் படமாக்கியுள்ளார்.
இவர் மாஸ்டர் செஃப் டிராவல்ஸ்[10] காக்ஸ் அண்ட் கிங்ஸ்[11] நிறுவனத்தின் உலகளாவிய விளம்பரத் தூதராகவும் உள்ளார்
தென்னிந்தியாவின் முன்னணி மசாலாப் பொருளான ஈஸ்டர்ன் மசாலாக்களுக்கும் இவர் பங்களித்தார். ஆலிவ் எண்ணெய் புரட்சி என்ற பிரச்சாரத்திற்காக இந்தியாவில் ஆலிவ் எண்ணெயை மேம்படுத்துவதற்கான தூதராக பங்கஜ் பதௌரியா இசுப்பானிய அரசாங்கத்தால் தேர்ந்தெடுக்கப்படுகிறார்.
சேம்சங் ஸ்மார்ட் அடுப்பு, கென்ட் ஜூசர் & பாஸ்தா மேக்கர், சென்சோடைன், ரிலையன்ஸ் ஃப்ரெஷ், கெல்லாக்ஸ் மற்றும் டெஃபால் ஆகியவை இவரது பிற விளம்பரப் பொருட்களில் அடங்கும்.
நூல் ஆதாரங்கள்
[தொகு]- MasterChef Cookbook(2011) - பன்னாட்டுத் தரப்புத்தக எண் 978-8184973976
- Barbie- I am a Chef -
- Chicken From My Kitchen: The Indian Way(2014) - பன்னாட்டுத் தரப்புத்தக எண் 978-9382951506
- Uttar Pradesh a Cultural Kaleidoscope by Times of India Group and UP Government
- The Secret’s in the Spice Mix(2017) - பன்னாட்டுத் தரப்புத்தக எண் 978-0143428497
மேற்கோள்கள்
[தொகு]- ↑ "Lucknow teacher is India's best cook". India Today (in ஆங்கிலம்). December 27, 2010. Retrieved 2022-01-27.
- ↑ "Ash is more beautiful than Kat: Pankaj Bhadauria". The Times of India. Retrieved 19 June 2015.
- ↑ "Lucknows Pankaj Bhadouria wins MasterChef India - NDTV Movies". NDTVMovies.com. Archived from the original on 6 January 2019. Retrieved 19 June 2015.
- ↑ "'I am nervous about Pankaj Ka Zayka'". Rediff. 16 September 2011. Retrieved 19 June 2015.
- ↑ "Kifayti Kitchen - Zee Khana Khazana show - Kifayti Kitchen Recipes, videos & show episodes with Pankaj Bhadouria online at zeekhanakhazana.com". zeekhanakhazana.com. Archived from the original on 18 June 2015. Retrieved 19 June 2015.
- ↑ "Pankaj Bhadouria". zeekhanakhazana.com. Archived from the original on 18 June 2015. Retrieved 19 June 2015.
- ↑ "3 Course with Pankaj - Zee Khana Khazana show - Get 3 Course with Pankaj Recipes, watch 3 Course with Pankaj recipe videos & show episodes online at zeekhanakhazana.com". zeekhanakhazana.com. Retrieved 19 June 2015.
- ↑ "SGI Group". sgei.org. Archived from the original on 18 June 2015. Retrieved 19 June 2015.
- ↑ "Learning Twice". The Indian Express. 26 November 2011. Retrieved 19 June 2015.
- ↑ "Chef Pankaj Bhadouria: MasterChef India 1 Winner with MasterChef Travel India". mastercheftravel.co.in. Retrieved 19 June 2015.
- ↑ "Travel News - Cox & Kings launches Indian leg of MasterChef Travel - TravelBiz Monitor". travelbizmonitor.com. Retrieved 19 June 2015.