பகாங் மாநிலத் தேர்தல் 2022 (மலாய்: Pilihan raya negeri Pahang 2022; ஆங்கிலம்: 2022 Pahang state election) என்பது மலேசியாவின்பகாங் மாநிலத்தில் 19 நவம்பர் 2022 அன்று நடைபெற்ற பகாங் மாநிலச் சட்டமன்றத்தின் 15-ஆவது தேர்தலைக் குறிப்பிடுவதாகும்.[1]
இந்தத் தேர்தல் 15-ஆவது பகாங் மாநிலச் சட்டமன்றத்தின் 42 உறுப்பினர்களைத் தேர்ந்தெடுப்பதற்காக நடைபெற்றது. முந்தைய சட்டமன்றம் 2022 அக்டோபர் 14 அன்று கலைக்கப்பட்டது.[2] பெரிகாத்தான் வேட்பாளர் இறந்ததைத் தொடர்ந்து, தியோமான் சட்டமன்றத் தொகுதியின் தேர்தல் திசம்பர் 7-ஆம் தேதிக்கு ஒத்திவைக்கப்பட்டது.
இந்தத் தேர்தலின் விளைவாக தொங்கு சட்டமன்றம் ஏற்பட்டது. பெரிக்காத்தான் நேசனல் மிகப்பெரிய கூட்டணியாக உருவெடுத்தது; ஆளும் பாரிசான் நேசனல் கூட்டணி அரசாங்கத்தை விட ஓர் இடம் முன்னிலையில் இருந்தது.
நவம்பர் 27 அன்று, தேர்தலுக்கு ஒரு வாரத்திற்குப் பிறகு, பாரிசான் நேசனல் மற்றும் பாக்காத்தான் அரப்பான் ஆகியவற்றைக் கொண்ட கூட்டணி அரசாங்கத்தின் தலைவராக வான் ரோசிடி வான் இசுமாயில் அவர்கள் மீண்டும் மாநில முதல்வராக நியமிக்கப்படுவார் என்று அறிவிக்கப்பட்டது.
