பகாங் சுல்தான் அகமது முவாசாம் சா

சுல்தான் அகமது முவாசாம் சா Sultan Ahmad Al-Muazzam Shah أحمد المعظم شاه
பகாங் சுல்தான்
சுல்தான் அகமது முவாசாம் சா (1897).
பகாங் ராஜா பெண்டகாரா
ஆட்சிக்காலம்	10 சூன் 1863 – 8 ஆகத்து 1881
முன்னையவர்	பகாங் துன் முத்தாகிர்
பகாங் சுல்தான்
ஆட்சிக்காலம்	16 ஆகத்து 1881 – 13 ஏப்ரல் 1909
நிறுவல்	25 செப்டம்பர் 1884
பின்னையவர்	சுல்தான் மாமுட்
பிறப்பு	(1836-05-23)23 மே 1836 மௌலானா தீவு, பெக்கான், பகாங் சுல்தானகம்
இறப்பு	9 மே 1914(1914-05-09) (அகவை 77) பெக்கான், பகாங் சுல்தானகம்
புதைத்த இடம்	11 மே 1914 கோலா ப்காங், பகாங் சுல்தானகம்
துணைவர்	யாங் அத்தூர் பிந்தி அப்துல்லா அமா பிந்தி ஜமுத் எங்கு பெசார் திராங்கானு துன் பெசார் பாத்திமா துன் முகமது செ உங்கு பா மகாராஜா துன் இப்ராகிம் என்சிக் சுபைதா அப்துல்லா பாத்திமா முகமது தாலிப்சுமால் சிக் சாந்தோமா சிக் வான் மண்டக் கிரி சிக் அலிமா சிக் பகாய் சிக் மா அவாங் துக்காங் சிக் மைமுனா சிக் பாத்திமா செலாட்
குழந்தைகளின் பெயர்கள்	துன் மூடா பெசார்; சுல்தான் மாமுட்; தெங்கு அலி; சுல்தான் அப்துல்லா அல் முத்தாசிம்; தெங்கு சுலைமான்; தெங்கு சூசோ; தெங்கு உமார்; தெங்கு முகமது; தெங்கு லோங்; துன் சலாமா; தெங்கு டாலாம்; தெங்கு நோங் பத்திமா; தெங்கு அஜா கல்சோம்; தெங்கு அஜா மரியம்
பெயர்கள் Al-Marhum Bendahara Sri Maharaja Tun Ali
தந்தை	பகாங் துன் அலி
தாய்	சிக் லோங் எசா
மதம்	சன்னி

சுல்தான் அகமது முவாசாம் சா அல்லது பகாங் சுல்தான் அகமது முவாசாம் சா (23 மே 1836 – 9 மே 1914) ஆங்கிலம்: Sultan Al-Muʽazzam Shah; மலாய்: Sultan Ahmad Al-Mu'adzam Shah; சாவி:سلطان أحمد المعظم شاه ابن المرحوم بندهار سري مهاراج تون علي‎ ) என்பவர் மலேசியா, பகாங் மாநிலத்தின் முதலாவது சுல்தான்; ஆறாவது ராஜா பெண்டகாரா (Raja Bendahara) ஆவார். மேலும் இவர் பகாங் மாநிலத்தின் நிறுவனர் என்றும் அறியப்படுகிறார்.

இவர் பொதுவாக துன் வான் அகமது என்று அழைக்கப்பட்டார். பகாங் உள்நாட்டுப் போரில் (Pahang Civil War) தன்னுடைய மூத்த சகோதரர் துன் முத்தாகிர் என்பவரைத் தோற்கடித்து; 1863-ஆம் ஆண்டு பகாங் அரியணையைக் கைப்பற்றினார். அதன் பின்னர் அவர் செரி பதுக்கா டத்தோ பெண்டகாரா சிவா ராஜா துன் அகமது (Sri Paduka Dato' Bendahara Siwa Raja Tun Ahmad) என்ற பட்டத்தை ஏற்றுக் கொண்டார்.

கிள்ளான் போர்

முதன்மைக் கட்டுரை: கிள்ளான் போர்

சுல்தான் அகமது முவாசாம் சா ஆட்சியின் தொடக்க கால ஆண்டுகளில், பகாங் மாநிலம் பல்வகையான கொந்தளிப்புகளில் சிக்கியது. சிலாங்கூரில் வசித்து வந்த துன் முதாகிரின் மகன்களால் சுல்தான் அகமது முவாசாம் சாவைக் கவிழ்க்க பல்வேறு முயற்சிகள் மேற்கொள்ளப்பட்டன. இதுவே பகாங் ஆட்சியை சிலாங்கூர் உள்நாட்டுப் போரில் நேரடியாக ஈடுபட வழிவகுத்தது.

பகாங் - சிலாங்கூர் வட்டாரங்களில் நடைபெற்ற உள்நாட்டுப் போர்கள்; ஆளும் வர்க்கத்திற்கும் பிராந்தியத் தலைவர்களுக்கும் இடையே கருத்து வேறுபாடுகளை ஏற்படுத்தின. உள்நாட்டுப் போர்களுக்குப் பின்னர் இரு தரப்பும் பல பிரிவுகளாகப் பிரிந்தன.

1881-ஆம் ஆண்டில், பகாங் மாநிலத்திலும், மேற்கு மலாய் மாநிலங்களிலும் தன்னுடைய அதிகாரம் குறைந்து வருவதை உணர்ந்த சுல்தான் அகமது முவாசாம் சா, தன்னை முன்னிலைப்படுத்த முயற்சிகள் மேற்கொண்டார். அந்த வகையில் தமக்குத் தானே துன் வான் அகமது சுல்தான் அகமது அல்-முவாசாம் சா என்ற பட்டத்தைச் சூட்டிக்கொண்டார்.

பிரித்தானியர்களுடன் ஒப்பந்தம்

முதன்மைக் கட்டுரை: நீரிணை குடியேற்றங்கள்

இரண்டு ஆண்டுகளுக்குப் பிறகு, அவருடைய பிராந்தியத் தலைவர்கள் அவரை பகாங் மாநிலத்தின் சுல்தானாக அறிவித்தனர். இந்த நிகழ்வு; இரண்டு நூற்றாண்டுகளுக்கும் மேலாக ஜொகூர் முடியாட்சியுடன் இணைந்து இருந்த பகாங்; தன்னாட்சி பெற்று ஒரு சுல்தானகமாக மாற்றம் கண்டதைக் குறிக்கிறது.

1887-ஆம் ஆண்டில் சுல்தான் அகமது முவாசாம் சா, பிரித்தானிய நீரிணை குடியேற்ற அரசாங்கத்திடமிருந்து முறையான அங்கீகாரத்தைப் பெற்றார். அதற்கு ஈடாக அவர் பிரித்தானியர்களுடன் ஓர் ஒப்பந்தத்தில் கையெழுத்திட்டார். அந்த ஒப்பந்தம், அவரின் அரசவையில் ஒரு பிரித்தானிய அறிவுரைஞரை ஏற்றுக்கொள்ள வேண்டிய கட்டாயத்திற்கு உட்பபடுத்தியது.

பகாங் மாநில சுல்தான்கள்

நவீன பகாங் மாநில சுல்தான்கள்

ஆட்சி காலம்	சுல்தான்	ஆங்கிலத்தில்
1881–1914	சுல்தான் அகமது முவாசாம் சா	Ahmad al-Muadzam Shah of Pahang
1914–1917	சுல்தான் இரண்டாம் மாமுட் சா	Mahmud Shah II of Pahang
1917–1932	சுல்தான் முத்தாசிம் பில்லா சா	Abdullah al-Muʽtassim Billah Shah of Pahang
1932–1974	சுல்தான் அபு பக்கர்	Abu Bakar of Pahang
1974–2019	சுல்தான் அகமட் சா	Ahmad Shah of Pahang
2019–தற்போது வரையில்	சுல்தான் அப்துல்லா	Abdullah of Pahang

மேலும் காண்க

• மலேசிய மாநிலங்களின் தலைவர்கள்