பகாங் இராச்சியம்

பகாங் இராச்சியம் Pahang Kingdom كرجاءن ڤهڠ‎ Kerajaan Pahang
1770–1881
கொடி
நிலை	தன்னாட்சி இராச்சியம்; ஜொகூர் பேரரசு (1770–1853)
தலைநகரம்	பெக்கான்
பேசப்படும் மொழிகள்	மலாய், பகாங் மலாய்
சமயம்	சன்னி
அரசாங்கம்	முடியாட்சி
ராஜா பெண்டகாரா
• 1770–1802	பகாங் அப்துல் மஜீத் (முதல் சுல்தான்)
• 1863–1881	பகாங் சுல்தான் அகமது முவாசாம் சா (கடைசி சுல்தான்)
வரலாறு
• பகாங் துன் அப்துல் மஜீத்	1770
• விடுதலை	1853
• பகாங் போர்	1857–1863
• கிள்ளான் போர்	1872–1873
• நவீன சுல்தானகம்	8 செப்டம்பர் 1881
நாணயம்	ஈய வார்ப்பு கட்டி, பூர்வீக தங்கம்; வெள்ளி நாணயங்கள்
முந்தையது பின்னையது ஜொகூர் சுல்தானகம் பகாங்
தற்போதைய பகுதிகள்	மலேசியா

பகாங் இராச்சியம் (மலாய்: Kerajaan Pahang; ஆங்கிலம்: Pahang Kingdom) என்பது 1770 முதல் 1881 வரை மலாயாவில் அமைந்திருந்த ஒரு மலாய் இராச்சியம்; மற்றும் தற்போதைய மலேசிய மாநிலமான பகாங் மாநிலத்தின் முன்னோடி மாநிலமாகும். ஜொகூர் பேரரசு படிப்படியாக வீழ்ச்சி அடைந்ததைத் தொடர்ந்து, பகாங்கில் பெண்டகாரா அரசமரபு தன் அதிகாரத்தை வலுப்படுத்தியது. அதன் பின்னணியில் இந்த பகாங் சுல்தானகம் உருவானது.

அரியணை வாரிசுரிமை

18-ஆம் நூற்றாண்டின் பிற்பகுதியில் பகாங்கில் ஒரு தன்னாட்சி இராச்சியம் நிறுவப்பட்ட பின்னர் பகாங் துன் அப்துல் மஜீத் (Tun Abdul Majid of Pahang) என்பவர் பகாங்கின் முதல் ராஜா பெண்டகாராவாக அறிவிக்கப்பட்டார். பகாங்கைச் சுற்றியுள்ள பகுதிகள் இந்த இராச்சியத்துடன் இணைக்கப்பட்ட பின்னர்; ஒரு பரம்பரை வழிமுறையைக் கொண்ட நிர்வாகப் பகுதி உருவாக்கப்பட்டது; மற்றும் ராஜா பெண்டகாராவால் நேரடியாக நிர்வகிக்கப்பட்டது.

ஜொகூர் சுல்தானகத்தின் நிருவாகப் பலகீனம்; சர்ச்சைக்குரிய அரியணை வாரிசுரிமை; ஆகிய இரண்டுமே ஜொகூர் பேரரசு நலிவுற்றதற்கு காரணங்களாக அமைந்தன. அவற்றின் காரணமாக பகாங்கில் பெண்டகாரா ஆட்சி; ஜொகூர்; சிங்கப்பூரில் தெமாங்கோங் ஆட்சி; மற்றும் ரியாவு தீவில் யாம் துவான் மூடா (Yamtuan Muda) ஆட்சி; ஆகிய ஆட்சி நிர்வாகங்கள் கூடுதலான வலிமை பெற்று; தன்னாட்சியாகச் செயல்படுவதற்கு வழிவகுத்தன.

பகாங்கில் தன்னாட்சி

1853-ஆம் ஆண்டில், நான்காவது ராஜா பகாங் துன் அலி (Tun Ali of Pahang), ஜொகூர் சுல்தானுடனான தன் விசுவாசத்தைத் துறந்து, பகாங்கின் தன்னாட்சி ஆட்சியாளரானார். அவர் தன் ஆட்சிக் காலத்தில் அமைதியையும் உறுதித் தன்மையையும் பராமரிக்க முடிந்தது.

இருப்பினும் 1857-இல் அவருடைய இறப்பு; வாரிசுரிமை சர்ச்சைக்கு வழிவகுத்தது. பகாங் பெண்டகாரா துன் அலியின் இளைய மகன் பகாங் அகமது முவாசாம் (Ahmad Muʽazzam) தனது ஒன்றுவிட்ட சகோதரர் பகாங் துன் முத்தாகிரின் வாரிசுரிமையை எதிர்த்துப் போராடினார்; இதுவே ஒரு சர்ச்சையாக மாறி, பின்னர் பகாங் உள்நாட்டுப் போராக (Pahang Civil War) மாறியது.

பகாங்கின் அண்டை இராச்சியமான திராங்கானு சுல்தானகத்தின் ஆதரவு; மற்றும் சயாமியர்களின் ஆதரவு ஆகிய இருதரப்பு ஆதரவுகளினால் பகாங் சுல்தான் அகமது முவாசாம் சா வெற்றி பெற்றார். பின்னர் இவர் பகாங்கில் இருந்த முக்கியமான நகரங்களின் மீது தன்னுடைய கட்டுப்பாட்டை நிலைநாட்டினார்; அத்துடன் 1863-இல் தன் சகோதரரையும் பகாங்கை விட்டு வெளியேற்றினார். இறுதியில் அவர் பகாங்கின் கடைசி ராஜா பெண்டகாராவாகப் பணியாற்றினார்; மேலும் 1881-ஆம் ஆண்டில் பகாங் நகரத் தலைவர்களால் பகாங் சுல்தானாக அறிவிக்கப்பட்டார்.

பகாங் பெண்டகாரா பட்டியல்

முதன்மைக் கட்டுரை: ராஜா பெண்டகாரா

பெயர்	மலாய் பெயர்	ஆட்சி பதவி	ஆட்சி காலம்
பகாங் துன் அப்துல் மஜீது	Tun Abdul Majid of Pahang	Sri Paduka Dato' Bendahara Paduka Raja	1770–1802
பகாங் துன் முகமது	Tun Muhammad of Pahang	Sri Paduka Dato' Bendahara Sri Maharaja	1802–1803
பகாங் துன் கோரிசு	Tun Koris of Pahang	Sri Paduka Dato’ Bendahara Paduka Raja	1803–1806
பகாங் துன் அலி	Tun Ali of Pahang	Sri Paduka Dato’ Bendahara Sewa Raja	1806–1847
பகாங் துன் முத்தாகிர்	Tun Mutahir of Pahang	Sri Paduka Dato’ Bendahara Sri Maharaja	1847–1863
பகாங் சுல்தான் முவாசாம் சா	Sultan Ahmad al-Muadzam Shah	Sri Paduka Dato’ Bendahara Sewa Raja	1863–1881

பகாங் மாநில சுல்தான்கள்

நவீன பகாங் மாநில சுல்தான்கள்

ஆட்சி காலம்	சுல்தான்	ஆங்கிலத்தில்
1881–1914	சுல்தான் அகமது முவாசாம் சா	Ahmad al-Muadzam Shah of Pahang
1914–1917	சுல்தான் இரண்டாம் மாமுட் சா	Mahmud Shah II of Pahang
1917–1932	சுல்தான் முத்தாசிம் பில்லா சா	Abdullah al-Muʽtassim Billah Shah of Pahang
1932–1974	சுல்தான் அபு பக்கர்	Abu Bakar of Pahang
1979–1984	சுல்தான் அகமட் சா	Ahmad Shah of Pahang
2019–தற்போது வரையில்	சுல்தான் அப்துல்லா	Abdullah of Pahang

மேலும் காண்க

• பகாங் சுல்தான்
• பகாங் பெண்டகாரா அரசமரபு
• பகாங் சுல்தான் அப்துல்லா
• பகாங் மந்திரி பெசார்
• பகாங் மாநில சட்டமன்றம்

நூல்கள்

• Linehan, William (1973), History of Pahang, Malaysian Branch Of The Royal Asiatic Society, Kuala Lumpur, ISBN 978-0710-101-37-2
• Ahmad Sarji Abdul Hamid (2011), The Encyclopedia of Malaysia, vol. 16 - The Rulers of Malaysia, Editions Didier Millet, ISBN 978-981-3018-54-9