நோபல் பரிசு அருங்காட்சியகம்
.jpg) 2019-ல் அருங்காட்சியகம் | |
 | |
முன்னாள் பெயர் | நோபல் அருங்காட்சியகம் |
|---|---|
| நிறுவப்பட்டது | 2001 |
| அமைவிடம் | ஸ்டாக்ஹோம் பங்குச் சந்தை கட்டடம், ஸ்டோர்ட்கெட், கேம்லா ஸ்டான், ஸ்டாக்ஹோம், சுவீடன் |
| ஆள்கூற்று | 59°19′28.70″N 18°04′17.13″E / 59.3246389°N 18.0714250°E |
| வகை | இயற்கை அறிவியல் & பண்பாடு |
| தலைமை நிர்வாக அதிகாரி | எரிகா லேனனெர் |
| உரிமையாளர் | நோபல் நிறுவனம் |
| வலைத்தளம் | Nobel Prize Museum |
நோபல் பரிசு அருங்காட்சியகம் (Nobel Prize Museum)(முன்னர் நோபல் அருங்காட்சியகம் [Swedish: Nobelmuseet]) சுவீடனின் மத்திய ஸ்டாக்ஹோமில் உள்ள பழைய நகரமான கம்லா ஸ்டானில் உள்ள ஸ்டோர்டோர்ஜெட்டின் சதுக்கத்தின் வட பகுதியில் உள்ள முன்னாள் பங்குச் சந்தை கட்டடத்தில் (பார்ஷூசெட்) அமைந்துள்ளது. ஸ்வீடிஷ் அகாடமி மற்றும் நோபல் நூலகமும் இந்த கட்டடத்தில்தான் அமைந்துள்ளன. நோபல் பரிசு அருங்காட்சியகம் நோபல் பரிசு மற்றும் நோபல் பரிசு வென்றவர்கள் பற்றிய தகவல்களையும், பரிசின் நிறுவனர் ஆல்பிரட் நோபல் (1833–1896) பற்றிய தகவல்களையும் காட்சிப்படுத்துகிறது. அருங்காட்சியகத்தின் நிரந்தர காட்சியில் நோபல் பரிசு பெற்றவர்கள் நன்கொடையாக வழங்கிய பல கலைப்பொருட்கள், தனிப்பட்ட வாழ்க்கை வரலாற்றுடன் காட்சிப்படுத்தப்பட்டுள்ளன. [1]
வரலாறு
[தொகு].JPG)
நோபல் அருங்காட்சியகம் நோபல் பரிசின் 100வது ஆண்டான 2001-ல் வசந்த காலத்தில் திறக்கப்பட்டது. இதன் பெயர் 2019 ஆம் ஆண்டில் நோபல் பரிசு அருங்காட்சியகமாக மாற்றப்பட்டது. எரிகா லேன்னர் இந்த அருங்காட்சியகத்தின் புதிய இயக்குநராவார். [2]
அருங்காட்சியகத்தின் அறிக்கையின்படி, இந்த அருங்காட்சியகத்தின் நோக்கமாக "நோபல் பரிசு பெற்றவர்கள் மற்றும் அவர்களின் சாதனைகள் மற்றும் நோபல் பரிசு மற்றும் ஆல்பிரட் நோபல் ஆகியோரின் பிரதிபலிப்பு மற்றும் முன்னோக்கு மற்றும் உற்சாகமான நினைவகம்" ஆகும். இந்த நோக்கங்களை அடைய, அருங்காட்சியகம் கண்காட்சிகள், திரைப்படங்கள், நாடகங்கள் மற்றும் அறிவியல் தொடர்பான விவாதங்களை நடத்துகிறது. அதன் பிஸ்ட்ரோ மற்றும் கடைக்குக் கூடுதலாக. அருங்காட்சியக கண்காட்சிகளில் நோபல் பரிசு பெற்ற பிரபலங்களான மேரி கியூரி, நெல்சன் மண்டேலா மற்றும் வின்ஸ்டன் சர்ச்சில் ஆகியோர் இடம்பெற்றுள்ளனர்.[3][4]
இந்த அருங்காட்சியகம் அடிக்கடி “ஸ்கெட்ச்ஸ் ஆஃப் சயின்ஸ்” போன்ற படைப்பு கண்காட்சிகளை வழங்குகிறது. இதில் நோபல் பரிசு பெற்ற 42 பேர் நோபல் கண்டுபிடிப்பின் ஓவியத்துடன் எடுக்கப்பட்ட புகைப்படம் காட்சிப்படுத்தப்பட்டுள்ளது. இந்த கண்காட்சி துபாய், சிங்கப்பூர் உள்ளிட்ட உலகின் பிற பகுதிகளிலும் கண்காட்சியில் வைக்கப்பட்டது.[5] [6]
வீடுகளில் நோபல் பரிசு தொடர்பான பொருட்களைக் காட்சிப்படுத்த விரும்பும் பார்வையாளர்களுக்காக நினைவுப் பரிசு கடை ஒன்றும் இங்கு உள்ளது. இருண்ட சாக்லேட்டில் செய்யப்பட்ட நோபல் பரிசின் தங்கப் பதக்கம் மிகவும் பிரபலமான விரும்பப்படும் பொருட்களில் ஒன்றாகும். இந்த வரிசையில் மற்றொன்றாக ஸ்வீடிஷ் “டைனமைட்” மிட்டாய் உள்ளது. இது ஜலபீனோ மிளகுடன் சுவைக்கப்படுகிறது. 2011ஆம் ஆண்டில், நினைவுப் பரிசு கடை ஆர்ட்டன் மன்சொளரி என்ற கலைஞருடன் இணைந்து நோபலின் வாழ்க்கையைக் குறிக்கும் ஓவியங்களை உருவாக்கியது. இந்த கடையில் குழந்தைகளுக்கான கல்வி பொம்மைகளும், நோபல் பரிசு பெற்றவர்களின் புத்தகங்களும், தனித்துவமான பொருட்களும் கிடைக்கின்றன.[7] [8]
நோபல் சாக்லேட், ஸ்வீடிஷ் அணிச்சல், மதிய உணவு மற்றும் இரவு உணவுடன் கூடிய பிஸ்ட்ரோ நோபல் ஒன்றும் குறிப்பிடத்தக்கதாக உள்ளது. பிஸ்ட்ரோ நோபலில், நோபல் ஐஸ்கிரீம்களும் வழங்கப்படுகின்றன. இந்த ஐஸ்கிரீமை நோபல் பிஸ்ட்ரோவில் மட்டுமே காண முடியும். நோபல் தேநீர் பொதுவாக ஒவ்வொரு ஆண்டும் நோபல் விருந்தில் வழங்கப்படுகிறது. [9] [10]
மேலும் காண்க
[தொகு]மேற்கோள்கள்
[தொகு]- ↑ "Stockholm's Free Museums: The Nobel Museum". stockholmonashoestring. Retrieved November 1, 2017.
- ↑ "Erika Lanner appointed Director of Nobel Prize Museum". Nobel Prize Museum. Retrieved 15 August 2019.
- ↑ "Nobelmuseet". routesnorth.com. Retrieved November 1, 2017.
- ↑ "The Nobel Museum". stockholm.com. Retrieved November 1, 2017.
- ↑ ""Sketches of science"". Archived from the original on 2017-06-13. Retrieved 2021-01-10.
- ↑ "About the Nobel Museum". Nobel Museum. Archived from the original on 2011-08-02. Retrieved 2007-03-18.
- ↑ "Nobel Creations". Archived from the original on 2017-09-30. Retrieved 2021-01-10.
- ↑ "Nobel Museum Gift Shop". Archived from the original on 2017-10-01. Retrieved 2021-01-10.
- ↑ "Bistro Nobel". Archived from the original on 2017-09-30. Retrieved 2021-01-10.
- ↑ "The Nobel Museum". vikingline.com. Retrieved November 1, 2017.