நெய்க் கொட்டை
நெய்க்கொட்டையின் தாவர பெயர் ஹார்புல்லியா ஆர்போரியா. இணை தாவர பெயர் ஹா.இம்பிரிக்கேட்டா என்பதாகும். இந்தியாவில் அஸ்ஸாம், ஒடிசா, மேற்குத் தொடர்ச்சி மலைகளில் 1 கி.மீ உயரம் வரை உள்ள இடங்களில் வளர்கிறது. இது அழகுக்காக வளர்க்கப்படும் மரம். இதன் அடிமரம் சீராக இருக்கும். பட்டை இளம் பழுப்பு நிறமாக இருக்கும். இலை மாற்றுஅடுக்கில் 3-4 இரட்டை சிறகு கூட்டிலையாக இருக்கும். சிற்றிலைகள் முட்டை நீள்வட்டமானவை.
புல்லி இதழ்கள்[தொகு]
4-5 நேரானவை. சமமாயும் திருகு இதழ் அமைவிலும் இருக்கும்.
அல்லி இதழ்கள்[தொகு]
4-5 வழக்கமான கால்களுடன் குறுகி நீள்வட்டமாகவும் செதில்களற்றும் இருக்கும். வட்டத்தட்டு தெளிவற்றது.
மகரந்ததாள்கள்[தொகு]
5-8 வட்டத்தட்டின் உள்புறத்தில் செருகியிருக்கும். மகரந்தக்கம்பி மேன்மையாய் இருக்கும். மகரந்தப்பை நீள்சதுரமாயிருக்கும். சுலகமுடி மெலிந்து, ஏறக்குறைய திருகியிருக்கும். ஓவ்வொரு சூலக அறையும் இரண்டு சூல்களைக் கொண்டிருக்கும்.
கனி[தொகு]
கனி இரண்டு தடுக்கிதழ்களுடன் பழுப்பு அரஞ்சு நிறம் கொண்டது.
பயன்கள்[தொகு]
காய்கள் சோப்பு போன்ற நுரை தரும். இவ்விதையில் இருந்து பெறப்படும் எண்ணெய் வாத வலிக்குத் தடவலாம்.[1][2][3]
மேற்கோள்கள்[தொகு]
- ↑ http://www.biotik.org/india/species/h/harparbo/harparbo_en.html
- ↑ Hyland, B. P. M.; Whiffin, T.; Zich, F. A.; et al. (Dec 2010)
- ↑ Australian National Biodiversity Research; the Australian Tropical Herbarium, James Cook University. Retrieved 13 July 2013.