நூற்புறுப்பு
நூற்புறுப்பு (Spinneret) என்பது சிலந்தி அல்லது சில பூச்சியின் இளம் உயிரியில் பட்டினை வெளியேற்றும் சிறிய உறுப்பு ஆகும். முதிர்ச்சியடைந்த பூச்சிகளின் (எம்பியோப்டெரா வரிசை) முன்கால்களில் இவை காணப்படுகின்றன.[1] நூற்பு உறுப்புகள் பொதுவாகச் சிலந்தியின் பின்னுடலின் அடிப்பகுதியில் காணப்படும். மேலும் இவை பொதுவாகக் கண்டங்களுடன் காணப்படும்.[2][3] பெரும்பாலான சிலந்திகளில் ஆறு நூற்புறுப்புகள் உள்ளன. சிலவற்றில் இரண்டு, நான்கு அல்லது எட்டு எனக் காணப்படும்.[4] இவை தனியாகவோ அல்லது இணைந்தோ செயல்படும்.
நூற்பு உறுப்புகள் ஒற்றைத் துளையுடன் கூடிய எளிய அமைப்புகளாக இல்லாமல், நுண்ணிய ஆப்பு போன்று சிக்கலான கட்டமைப்புகளுடன், ஒவ்வொன்றும் ஓர் இழையினை உருவாக்கும் வகையில் அமைக்கப்பட்டிருக்கும். இது புரத மூலக்கூறுகளின் தேவையான நோக்கு நிலையை உருவாக்குகிறது. நூற்பு உறுப்பு செயல்பாடு இல்லாமல் உருவாகும் பட்டு பலவீனமாகவும் பயனற்றதாகவும் இருக்கும். நூற்பு உறுப்புகள் தனித்தனியாகவோ அல்லது குழுக்களாகவோ இருக்கலாம். இது பல்வேறு நோக்கங்களுக்காகப் பல வகையான பட்டுகளை உற்பத்தி செய்யப் பல்வேறு வழிகளில் பல இழைகளை இணைக்கச் சிலந்திகளை அனுமதிக்கிறது. நூற்பு உறுப்பு உருவவியல், எட்டுக்காலியியல் ஒரு மாதிரியின் உயிரலகினைக் கண்டறிய உதவுகிறது. எடுத்துக்காட்டாக, விசிறி வடிவ ஆப்பு வடிவ நூற்புறுப்பு அரானியோய்டியாவில் தனித்துவமானது. மேலும் உருளை சுரப்பி புள்ளிகள் எனக் குறிப்பிடப்படும் மூன்று தொகுதிகளில் காணப்படுகின்றன. இவை பெண் பூச்சிகளில் மட்டுமே காணப்படுகிறது. முட்டை பைகள் தயாரிக்க இவை பயன்படுகிறது.[5] பாலைவனப் புல் சிலந்தி, ஏஜெலெனோப்சிசு அபெர்டா , குறிப்பாக முக்கிய நூறுபுறுப்புகளைக் கொண்டுள்ளது. இவை இவற்றின் அடிவயிற்றின் முனையிலிருந்து நீண்டு செல்கின்றன.[6]
பல்வேறு வகையான சிலந்திகள் வலைகளை உருவாக்கவும், விந்தணுக்களைப் பரிமாற்றவும், பூச்சிகளைச் சுற்றி அடைத்துச் சிக்க வைக்கவும், முட்டை-கூடுகளை உருவாக்கவும், காற்றில் நிலையான மின்சாரத்தைக் கையாளவும், பறக்கவும் நூற்பு உறுப்பிலிருந்து வெளியேற்றப்பட்ட பட்டினைப் பயன்படுத்துகின்றன.
சில பூச்சிகளின் இளம் உயிரிகள் (பட்டுப்புழு உட்பட) பட்டினை வெளியேற்றி தன்னைச் சுற்றிக் கூடமைத்து உருமாற்றத்தின் போது பாதுகாப்பிற்காகக் கூட்டுப்புழுக்கூட்டினை உருவாக்குகின்றன. எம்பியோப்டெரா சிலந்திகள் வலை சுழலுறிகள் என்று அழைக்கப்படுபவை, வேட்டையாடுபவர்களிடமிருந்தும் கூறுகளிலிருந்தும் பாதுகாப்பதற்காக பட்டினை உற்பத்தி செய்கின்றன.[7]
பரிணாமம்
[தொகு]வரிக்குதிரை டரான்டுலா (அபோனோபெல்மா சீமன்னி ) சிலந்தியின் கால்களில் பட்டு உற்பத்தி செய்யும் உறுப்புகள் இருக்கலாம் என்ற அவதானிப்புகள் நூற்புறுப்புகளின் தோற்றம் குறித்த கேள்விகளுக்கு வழிவகுத்தன. சிலந்திகளில் உள்ள நூற்புறுப்புகள் முதலில் கால்களைப் பயன்படுத்தி தளங்களில் ஏற உதவுவதாகவும், பின்னர் பரிணமித்து வலை உருவாக்கத்திற்குப் பயன்படுத்தப்பட்டன என்ற கருதுகோளும் வழக்கத்திலிருந்தது.[8]
-
ஆர்கியோப் ப்ரூனெனிச்சியின் சிறிய நூற்புறுப்புகள்; பின்புறத்திற்கு கீழே வயிற்றுப் பகுதியில் -
வழக்கத்திற்கு மாறாக நீளமான நூற்புறுப்புளைக் கொண்ட சிலந்தி
மேற்கோள்கள்
[தொகு]- ↑ INSECTA: EMBIOPTERA (EMBIIDINA) பரணிடப்பட்டது 2013-12-03 at the வந்தவழி இயந்திரம், Retrieved December 1, 2013
- ↑ Wiggins, Charlotte (Nov 10, 2013). "Gardening to Distraction: Along came a spider". The Rolla Daily News (Therolladailynews.com). http://www.therolladailynews.com/article/20131110/LIFESTYLE/131108863.
- ↑ Pechmann, Matthias; Khadjeh, Sara; Sprenger, Frederik; Prpic, Nikola-Michael (2010). "Patterning mechanisms and morphological diversity of spider appendages and their importance for spider evolution". Arthropod Structure and Development 39 (6): 453–467. doi:10.1016/j.asd.2010.07.007. பப்மெட்:20696272.
- ↑ Spider Identification – Types of Spiders, Retrieved December 1, 2013
- ↑ Coddington, Jonathan A. (Spring 1989). "Spinneret Silk Spigot Morphology: Evidence for the Monophyly of Orbweaving Spiders, Cyrtophorinae (Araneidae), and the Group Theridiidae Plus Nesticidae" (in en). The Journal of Arachnology (American Arachological Society) 17 (1): 71–95. https://www.jstor.org/stable/3705406. பார்த்த நாள்: 31 August 2020.
- ↑ Bradley, Richard A. (2012-12-18), "FAMILY CLUBIONIDAE • Sac Spiders", Common Spiders of North America, University of California Press, pp. 105–106, doi:10.1525/california/9780520274884.003.0014, ISBN 978-0-520-27488-4, retrieved 2020-12-08
- ↑ Richards, O. W.; Davies, R.G. (1977). Imms' General Textbook of Entomology: Volume 1: Structure, Physiology and Development Volume 2: Classification and Biology. Berlin: Springer. ISBN 0-412-61390-5.
- ↑ Gorb, SN; Niederegger S; Hayashi CY; Summers AP; Votsch W; Walther P (September 28, 2006). "Bio materials: silk-like secretion from tarantula feet". Nature 443 (7110): 407. doi:10.1038/443407a. பப்மெட்:17006505. Bibcode: 2006Natur.443..407G.
வெளி இணைப்புகள்
[தொகு]| பன்னாட்டு | |
|---|---|
| தேசிய | |
