நீண்ட காது

நீண்ட காது Long ear
நீண்ட காதுகள் மற்றும் முகச் சமச்சீரற்ற தன்மை கொண்ட சிறுவன்
வகைப்பாடு மற்றும் வெளிச்சான்றுகள்

நீண்ட காது (long ear) என்பது காதுகள் மேலிருந்து கீழ் வரை அசாதாரணமாக நீளமாக இருக்கும் ஒரு நிலையாகும். இந்நிலை மனிதர்கள் மற்றும் விலங்குகள் இரண்டிலும் காணப்படலாம். மேலிருந்து கீழ் வரையான சராசரி வெளிப்புற காது நீளத்திலிருந்து 2 என்ற திட்ட விலக்க மதிப்புக்கு மேல் இருப்பது நீண்ட காது நீளமாக வரையறுக்கப்படுகிறது.

நீண்ட காது காணப்படும் நிலைகள்:

• கோகென்-கிப்சன் நோய்க்குறி - உடலின் அதிகப்படியான வளர்ச்சியுடன் தொடர்புடைய ஒரு அரிய மரபணுக் கோளாறு ஆகும். இது முக அமைப்பில் இயல்பிலிருந்து மாறுபட்ட அம்சங்கள் மற்றும் மாறுபட்ட அளவிலான அறிவுத்திறன் குறைபாடுகளால் அடையாளம் காணப்படுகிறது.
• பிறவி கிளைகோசிலேற்றக் கோளாறு - முன்பு கார்போவைதரேட்டு குறைபாடுள்ள கிளைகோபுரத நோய்க்குறி என்று அழைக்கப்பட்டது. இது வளர்சிதை மாற்றத்தின் அரிய பிறவிக்குரிய கோளாறுகளில் ஒன்றாகும். இதில், உடலின் பல்வேறு திசுக்களில் உள்ள புரதங்கள் மற்றும்/அல்லது கொழுப்புச் சத்துக்களின் கிளைகோசிலேற்ற (சர்க்கரை மூலக்கூறுகள் இணையும் செயல்முறை) குறைபாடுடையதாக அல்லது செயலிழந்ததாக இருக்கும்.
• பவுண்டசு-பங்கா நோய்க்குறி- மரபணு மாற்றங்களால் ஏற்படும் மிகவும் அரிதான ஒரு நரம்பியல் வளர்ச்சிக் கோளாறு. இந்த அரிய மனித நோயானது, வளர்ச்சி தாமதம், சிறிய தலையளவு, சிறிய கீழ்தாடை மற்றும் இயல்பற்ற உடல் மற்றும் முக அமைப்புகள் ஆகியவற்றின் மாறுபட்ட சேர்க்கைகளால் அடையாளம் காணப்படுகிறது.
• சின்செல் போகோமீலியா நோய்க்குறி - கைகால்கள் மற்றும் இடுப்பு எலும்புகள் வளர்ச்சியடையாமல் அல்லது முழுமையாக இல்லாமல் போகும் மிகவும் அரிதான ஒரு மரபணுக் குறைபாடாகும்.