நிர்மல் மாவட்டம்

நிர்மல் மாவட்டம்
மாவட்டம்
ஞான சரஸ்வதி கோயில், பசரா
நாடு	இந்தியா
மாநிலம்	தெலங்கானா
நிறுவிய ஆண்டு	2016
தலைமையிடம்	நிர்மல்
மண்டல்கள்	19
அரசு
• மக்களவை தொகுதி	அதிலாபாத்
• சட்டமன்றத் தொகுதிகள்	நிர்மல், கானாப்பூர், முத்தோல்
பரப்பளவு
• Total	3,845 km2 (1,485 sq mi)
மக்கள்தொகை  (2011)
• Total	7,09,418
• அடர்த்தி	180/km2 (480/sq mi)
Demographics
• எழுத்தறிவு	57.77 %
நேர வலயம்	ஒசநே+05:30 (இந்திய சீர் நேரம்)
வாகனப் பதிவு	TS–18
இணையதளம்	nirmal.telangana.gov.in

தெலங்கானாவின் 31 மாவட்டங்களின் வரைபடம்

நிர்மல் மாவட்டத்தின் வருவாய் கோட்டங்கள்

நிர்மல் மாவட்டம் (Nirmal district), இந்தியாவின் தெலுங்கானா மாநிலத்தின் 31 மாவட்டங்களில் ஒன்றாகும். தெலங்கானா மாநிலத்தின் வடக்குப் பகுதி மாவட்டமான ஆதிலாபாத் மாவட்டத்தின் நிர்மல் மற்றும் பைன்சா பகுதிகளைக் கொண்டு இம்மாவட்டம் அக்டோபர், 2016-இல் நிறுவப்பட்டது. இம்மாவட்டத்தின் நிர்வாகத் தலைமையிடம் நிர்மல் நகரம் ஆகும்.

புவியியல்

தக்கான பீடபூமியில், கோதாவரி ஆற்றின் வடிநிலத்தில் அமைந்த நிர்மல் மாவட்டம் 3,845 சதுர கிலோ மீட்டர் பரப்பளவு கொண்டது. இம்மாவட்டத்தின் வடக்கில் ஆதிலாபாத் மாவட்டம், வடகிழக்கில் கொமாரம் பீம் அசிபாபாத் மாவட்டம், கிழக்கில் மஞ்செரியல் மாவட்டம், தெற்கில் ஜக்டியால் மாவட்டம் மற்றும் நிசாமாபாத் மாவட்டங்களும், மேற்கில் மகாராட்டிரம் மாநிலத்தின் நாந்தேட் மாவட்டமும் எல்லைகளாக அமைந்துள்ளது.

மக்கள் தொகையியல்

2011-ஆம் ஆண்டின் மக்கள் தொகை கணக்கெடுப்பின் படி, 3,845 சதுர கிலோ மீட்டர் பரப்பளவு கொண்ட நிர்மல் மாவட்டத்தின் மொத்த மக்கள் தொகை 7,09,418 ஆகும். பாலின விகிதம் 1000 ஆண்களுக்கு 1046 பெண்கள் வீதம் உள்ளனர். 78% மக்கள் ஊரகப்பகுதியில் வாழ்கின்றனர். மக்கள் அடர்த்தி ஒரு சதுர கிலோ மீட்டருக்கு 185 நபர்கள் வீதம் உள்ளது.

மாவட்ட நிர்வாகம்

நிர்மல் மாவட்டம், நிர்மல் மற்றும் பைன்சா என இரண்டு வருவாய் கோட்டங்களைக் கொண்டது. இவ்விரண்டு வருவாய் கோட்டத்தில் 19 வருவாய் வட்டங்கள் உள்ளது. இம்மாவட்டத்தின் தற்போதைய மாவட்ட ஆட்சித் தலைவராக இளம்பாரதி உள்ளார்.

இதனையும் காண்க

• தெலுங்கானா மாவட்டங்கள்

வெளி இணைப்புகள்

• நிர்மல் மாவட்டத்தின் இணையதளம்