நிதீசு சென்குப்தா
நிதீசு சென்குப்தா (Nitish Sengupta) (23 செப்டம்பர் 1934, பலாங், ஃபரித்பூர் - 3 நவம்பர் 2013, புது தில்லி ) என்ற இவர் நிதீசு குமார் சென்குப்தா என்றும் அழைக்கப்படுகிறார். இவர் ஓர் இந்தியக் கல்வியாளர், நிர்வாகி, அரசியல்வாதி மற்றும் எழுத்தாளர் ஆவார்.
வாழ்க்கை வரலாறு
[தொகு]இவர் ஜார்கிராம் குமுத் குமாரி கல்வி நிறுவனத்தில் பயின்று, தனது இளங்கலை மற்றும் முதுகலைப் பட்டப் படிப்புகளில் தங்கப் பதக்கங்களுடன் பட்டம் பெற்றார் (அப்போது பிரசிடென்சி கல்லூரி கொல்கத்தா பல்கலைக்கழகத்துடன் இணைக்கப்பட்டிருந்தது). இவர் 1957ல் இந்திய ஆட்சிப் பணியில் சேர்ந்து, இந்திய அரசின் வருவாய் செயலாளர் மற்றும் இந்திய திட்டக் குழுவின் உறுப்பினர் செயலாளர் போன்ற பதவிகளை வகித்தார். டெல்லி பல்கலைக்கழகத்தில் மேலாண்மையில் தனது முனைவர் பட்டத்தை முடித்த பிறகு, இவர் நாட்டின் பல பல்கலைக்கழகங்கள் மற்றும் முன்னணி மேலாண்மைப் பள்ளிகளில் விரிவுரை ஆற்றியுள்ளார்.
இவர் பன்னாட்டு நிறுவனங்கள் மீதான ஐ.நா. ஆணையத்தில் இந்தியாவைப் பிரதிநிதித்துவப்படுத்தினார் மற்றும் 1981–82 இல் தலைவராகத் தேர்ந்தெடுக்கப்பட்டார்.[1] ஓய்வுக்குப் பிறகு, இவர் புது தில்லியில் உள்ள சர்வதேச மேலாண்மை நிறுவனத்தின் தலைமை இயக்குநராக இருந்தார் .
இவர் 1996 இல் அரசியலில் நுழைந்து பதின்மூன்றாவது மக்களவைக்குத் தேர்ந்தெடுக்கப்பட்டார், அங்கு இவர் பல முக்கிய குழுக்களில், குறிப்பாக பொது கணக்கு குழுவில் உறுப்பினராக பணியாற்றினார். இவர் அகில இந்திய திரிணாமூல் காங்கிரஸின் பொதுச் செயலாளராகவும், புது தில்லியில் உள்ள பொதுத்துறை நிறுவனங்களின் மறுசீரமைப்பு வாரியத்தின் தலைவராகவும் இருந்தார். இவர் முன்னணி நாளிதழ்களில் ஒரு வழக்கமான பத்திரிகையளராக இருந்தார் மற்றும் மேலாண்மை தொடர்பான பல புத்தகங்கள் உட்பட பன்னிரண்டு புத்தகங்களை எழுதியுள்ளார். ஒரு வரலாற்றாசிரியராக, அவரது நன்கு அறியப்பட்ட படைப்புகள் வங்காள மொழி பேசும் மக்களின் வரலாறு, டாக்டர் பி.சி. ராய்: ஒரு வாழ்க்கை வரலாறு மற்றும் பிளவுபட்ட வங்காளம் ஆகும். இவர் இந்திய தொழில்துறையின் தடைகளை உடைத்தல்: அரசாங்கம் மற்றும் வணிகம், எஃகு சட்டகத்தின் உள்ளே மற்றும் என் காலம் - ஒரு அரசு ஊழியர் நினைவுகூர்கிறார் ஆகிய நூல்களையும் எழுதியுள்ளார். [2]
1980களில் இந்தியாவின் மூலதனச் சந்தைகளுக்குப் புத்துயிர் அளிப்பதில் செங்குப்தா முக்கியப் பங்காற்றினார். மார்ச் 1968 முதல் நிறுவன விவகாரங்கள் துறையில் துணைச் செயலாளராக இருந்தபோது, இவர் உரிம ராஜ்ஜியத்தை விடாமுயற்சியுடன் கட்டியெழுப்பினார்.[3] அந்த நேரத்தில் அரசாங்கக் கொள்கையானது, இவர் "நன்மை பயக்கும் ஒதுங்கிய நிலை" என்று அழைத்ததிலிருந்து "பெருநிறுவன வணிகத்தில் பெரும் தலையீடு" என்பதற்கு மாறிக் கொண்டிருந்தது, குறிப்பாக 1969 இல் முக்கிய இந்திய வங்கிகளை தேசியமயமாக்கியது. [3]
பல ஆண்டுகளாக இவர் புது தில்லியின் சித்தரஞ்சன் பூங்காவில் வசித்து வந்தார். இவர் 3 நவம்பர் 2013 அன்று புது தில்லியில் மாரடைப்பால் இறந்தார்.[4]
மேற்கோள்கள்
[தொகு]- ↑ "Sengupta, Dr. Nitish". Parliament of India – Lok Sabha. Retrieved 20 August 2018.
- ↑ Nitish Sengupta பரணிடப்பட்டது 17 நவம்பர் 2018 at the வந்தவழி இயந்திரம் @ Penguin Books
- 1 2 McDonald, Hamish (2010). Ambani & Sons: The Making of the World's Richest Brothers and Their Feud. Australia: Lotus-Roli. pp. 68–69. ISBN 978-81-7436-814-0.
- ↑ "Former MP Nitish Sengupta Dead". Outlook India. 3 November 2013. Archived from the original on 4 November 2013. Retrieved 4 November 2013.
வெளி இணைப்புகள்
[தொகு]- "Hollowness of China's Claims over Tibet", by Nitish Sengupta, 7 April 2008.
| பன்னாட்டு | |
|---|---|
| தேசிய | |
| மற்றவை | |
