நிசா பிள்ளை

நிசா பிள்ளை
நிசா பிள்ளை
	நிசா பிள்ளை ஐடியு மாநாட்டில் ஒரு விவாதத்தை நடத்துகின்றார்
பிறப்பு	கொல்கத்தா, இந்தியா
கல்வி	லண்டன் பொருளியல் பள்ளி
பணி	செய்தி வாசிப்பாளர்
முகவர்	ஜெ எல் ஏ, கிலாரி நைட், கேட் மூன்
பிள்ளைகள்	2
உறவினர்கள்	சர் பிரேன் முகர்சி (பாட்டனார்),சர் நாராயணன் பிள்ளை (பாட்டனார்)
வலைத்தளம்
	nishapillai.com

நிசா பிள்ளை (Nisha Pillai) என்பவர் லண்டனை இருப்பிடமாகக் கொண்டு செயல்படும் ஓர் இந்தியப் பத்திரிகையாளர் ஆவார். இவர் பிபிசி உலகச் செய்திகளின் முதன்மைச் செய்தி வாசிப்பாளர் ஆவார்.

ஆரம்பகால வாழ்க்கை

நிசா பிள்ளை இந்தியாவின் அமைந்துள்ள கொல்கத்தாவில் பிறந்தவர் ஆவார். இவர் மும்பையில் வளர்ந்தார். இவருக்கு 14 வயதாக இருந்தபோது இவரது குடும்பம் இங்கிலாந்தின் உள்ள லண்டனுக்குக் குடிபெயர்ந்தது.^[4] இவர் பர்மிங்காமில் உள்ள ஒரு பெண்கள் பள்ளியில் பயின்று வந்தார்.^[5] பின்னர் லண்டன் பொருளியல் பள்ளியில் பகுப்பாய்வுப் பொருளியலில் பட்டம் பெற்றார்.

நிசா பிள்ளையின் தாயார் நீதா பிள்ளை ஆவார். இவரது இயற்பெயர் முகர்சி ஆகும். தொழிலதிபர் சர் பிரேன் முகர்சி மற்றும் கலை நிகழ்ச்சி ஏற்பாட்டாளரும் ரவீந்திரநாத் தாகூரின் நண்பருமான லேடி ரானு முகர்சி ஆகியோரின் இளைய மகள் ஆவார். இவரது தந்தைவழி தாத்தா, பிரான்சுக்கான இந்தியாவின் முன்னாள் தூதரான சர் நாராயணன் ராகவன் பிள்ளை ஆவார்.^[6]

தொழில் வாழ்க்கை

பல்கலைக்கழகப் படிப்பை முடித்த பிறகு நிசா பிள்ளை சுக்ரோலர்சு முதலீட்டு வங்கி என்ற வங்கியில் சேர்ந்து பணி புரிந்தார். பின்னர், இன்வெசுடர்சு க்ரானிக்கல் எனும் வார இதழின் மூலம் இதழியல் துறைக்கு மாறினார். 1986-ஆம் ஆண்டில் பிபிசி-இல் இணைந்த பிள்ளை, முதலில் தி நிதி என்ற நிகழ்ச்சியில் பணியாற்றினார். இதனை தொடர்ந்து 1990 ஆம் ஆண்டு முதல் 1995 ஆம் ஆண்டு வரை பனோரமா என்ற நிகழ்ச்சியில் பணியாற்றி வந்தார். ஊடக அதிபர் ராபர்ட் மேக்சுவெல்லின் நிதி விவகாரங்கள் குறித்து இவர் மேற்கொண்ட ஒன்பது மாத காலப் புலனாய்வு, தி மேக்சு பேக்டர் என்ற தலைப்பில் வெளியானது. இப்படைப்பு 1991-ஆம் ஆண்டில் ராயல் டெலிவிசன் சொசைட்டி-இன் விருதைப் பெற்றது.

பிள்ளை 1995-ஆம் ஆண்டில் பிபிசி உலகச் செய்தித் தொலைக்காட்சியில் முக்கியத் தொகுப்பாளர்களில் ஒருவராகச் விளங்கினார். ஒவ்வொரு மணி நேரமும் செய்தி அறிக்கைகளை வழங்கினார். 1997-ஆம் ஆண்டில், இசுலாமாபாத்தில் நடைபெற்ற பாக்கித்தானின் 50-வது சுதந்திர தின விழாவையும், 1998-ஆம் ஆண்டில் ஜெருசலேமில் இருந்து இசுரேலின் 50-வது சுதந்திரப் விழாவையும் இவர் தொகுத்து வழங்கினார். செப்டம்பர் 11 தாக்குதல்கள் மற்றும் பாக்தாத்தின் வீழ்ச்சி ஆகியவற்றை பிள்ளை நேரலையில் ஒளிபரப்பினார். மேலும், அமெரிக்காவிலும், பாக்கிதான் மற்றும் ஜோர்தானில் உள்ள இணைக்கப்பட்ட ஸ்டுடியோக்களிலும் பார்வையாளர்களுக்கு இடையே நேரலை கலந்துரையாடல்களையும் இவர் நடத்தியுள்ளார்.

இவர் பிபிசியின் முதன்மையான நேர்காணல் நிகழ்ச்சியான வன்பேச்சு-ஐயும் தொகுத்து வழங்கியுள்ளார். சிவசேனாவைச் சேர்ந்த இந்து தேசியவாதி பால் தாக்கரே, இசைக் கலைஞர் பில் காலின்சு, எழுத்தாளர் வி. எஸ். நைபால் மற்றும் பாலிவுட் சூப்பர் ஸ்டார் அமிதாப் பச்சன் ஆகியோர் இவர் நேர்காணல் செய்தவர்களில் அடங்குவர்.^[4]

லண்டன் வணிகப் பள்ளியில் மூத்த நிர்வாகிகளுக்கு விளக்கக்காட்சித் திறன்கள் குறித்துப் பிள்ளை பயிற்சி அளித்துள்ளார். ஒரு தரமதிப்பீட்டு நிறுவனத்திற்காகப் பொருளாதாரப் பகுப்பாய்வு குறித்த பாட்காசுட் நேர்காணல்களைப் பதிவு செய்துள்ளார்.^[1] மேலும் பல மாநாடுகளையும் பொருளாதார மன்றங்களையும் ஒருங்கிணைத்து நடத்தியுள்ளார்.^[2] பொருளாதாரத்தைப் பற்றிய தனது புரிதலையும், மனக்கணக்குத் திறனையும் தனது பலமான அம்சங்களாக இவர் கருதுகிறார்.^[5]

தனிப்பட்ட வாழ்க்கை

இவருக்கு லைலா மற்றும் கிரண் என இரண்டு குழந்தைகள் இருந்து வருகின்றனர்.^[5] லைலா ஒரு மருத்துவர் ஆவார்.^[4] மேலும் இவர் இந்தியாவிற்குத் தவறாமல் சென்று வருகின்றார்.

மேற்கோள்கள்

1 2 "Book Nisha Pillai - Contact speaker agent". JLA (in அமெரிக்க ஆங்கிலம்). Retrieved 2023-01-05.
1 2 Hilary Knight Management, Nisha Pillai - CV பரணிடப்பட்டது 3 மார்ச் 2016 at the வந்தவழி இயந்திரம்
↑ Kate Moon Management, "Nisha Pillai"
1 2 3 Grilled to perfection, Lucknow Newsline, 28 May 2006 பரணிடப்பட்டது 20 அக்டோபர் 2008 at the வந்தவழி இயந்திரம்
1 2 3 "Face to face with Nisha". தி இந்து. 13 May 2004 இம் மூலத்தில் இருந்து 25 January 2013 அன்று. பரணிடப்பட்டது.. https://archive.today/20130125055844/http://www.hindu.com/lf/2004/05/13/stories/2004051301190200.htm.
↑ Pillai, Nisha. "Tandoored Legs". Outlook Magazine. Retrieved 10 October 2012.

வெளி இணைப்புகள்

http://www.nishapillai.com—Nisha^{[தொடர்பிழந்த இணைப்பு]} Pillai Website

[jla-1] 1 2 "Book Nisha Pillai - Contact speaker agent". JLA (in அமெரிக்க ஆங்கிலம்). Retrieved 2023-01-05.

[hk-2] 1 2 Hilary Knight Management, Nisha Pillai - CV பரணிடப்பட்டது 3 மார்ச் 2016 at the வந்தவழி இயந்திரம்

[km-3] Kate Moon Management, "Nisha Pillai"

[Lucknow-4] 1 2 3 Grilled to perfection, Lucknow Newsline, 28 May 2006 பரணிடப்பட்டது 20 அக்டோபர் 2008 at the வந்தவழி இயந்திரம்

[Hindu-5] 1 2 3 "Face to face with Nisha". தி இந்து. 13 May 2004 இம் மூலத்தில் இருந்து 25 January 2013 அன்று. பரணிடப்பட்டது.. https://archive.today/20130125055844/http://www.hindu.com/lf/2004/05/13/stories/2004051301190200.htm.

[6] Pillai, Nisha. "Tandoored Legs". Outlook Magazine. Retrieved 10 October 2012.

[1]

[2]

[3]

[4]

[5]

[6]