நால்தார் வனவிலங்குச் சரணாலயம்
நால்தார் வனவிலங்குச் சரணாலயம் ( Naltar Wildlife Sanctuary ) என்பது பாக்கித்தானின் கில்கிட்-பால்டிஸ்தானில் உள்ள நோமலுக்கு அருகிலுள்ள நால்தார் பள்ளத்தாக்கில் அமைந்துள்ள ஒரு பாதுகாக்கப்பட்ட பகுதியாகும். [1] இந்தச் சரணாலயம் 22 நவம்பர் 1975 இல் உருவாக்கப்பட்டது. மேலும், இருபுறமும் உயரமான மலைகள் கொண்ட செங்குத்தான காடுகள் நிறைந்த பள்ளத்தாக்கைக் கொண்டுள்ளது. சிறிய எண்ணிக்கையிலான மார்க்கோர் காட்டு ஆடு மற்றும் பிற பெரிய பாலூட்டிகள் இங்கு காணப்படுகின்றன.
அமைவிடம்[தொகு]
நால்தார் வனவிலங்குச் சரணாலயம், பாக்கித்தானின் கில்கித்-பால்டிஸ்தான் பகுதியில் உள்ள மலைப் பள்ளத்தாக்கு கன்சா பள்ளத்தாக்குக்கு அருகில் நால்தார் பள்ளத்தாக்கில் அமைந்துள்ளது, கில்கித் நகரத்திலிருந்து சுமார் 45 கிமீ (28 மைல்) தொலைவில் உள்ளது.
சரணாலயம்[தொகு]
22 நவம்பர் 1975 இல் உருவாக்கப்பட்ட இந்தச் சரணாலயம் 27,206 எக்டேர்கள் (67,230 ஏக்கர்கள்) பரப்பளவைக் கொண்டுள்ளது. சேர் குயில்லா கேம் காடுகள் மற்றும் பகோரா கேம் காடுகள் ஆகிய இரண்டு பாதுகாக்கப்பட்ட பகுதிகளை ஒட்டியுள்ளது. மூன்றின் மொத்த பரப்பளவும் 50,000 எக்டேர்கள் (120,000 ஏக்கர்கள்) ஆகும். நால்தார் பள்ளத்தாக்கு என்பது புளூவியோ-பனிப்பாறை பள்ளத்தாக்கு ஆகும். இது U-வடிவ குறுக்குவெட்டு உயரமாகவும், கீழே V- வடிவ குறுக்குவெட்டாகவும் உள்ளது. இது வடமேற்கிலிருந்து தென்கிழக்காக சீரமைக்கப்பட்டுள்ளது. மேலும், இருபுறமும் உயர்ந்த மலைகளைக் கொண்டுள்ளது. சரணாலயம் பள்ளத்தாக்கின் அடிப்பகுதியில் இருந்து 5,900 மீ (19,400 அடி) வரை நீண்டுள்ளது. மழைப்பொழிவு 254 முதல் 381 மிமீ (10 மற்றும் 15 அங்கு) வரை மாறுபடும். குளிர்காலம் மிகவும் குளிராக இருக்கும், ஆற்றின் அதிக பகுதிகள் உறைபனியாக இருக்கும்.
தாவரங்கள்[தொகு]
இந்த சரணாலயம் குறைவான உயரமுடைய அகன்ற இலைகளாலான மற்றும் அதிக வளர்ச்சியுடைய ஊசியிலை காடுகளால் ஆனது. [2]
விலங்கினங்கள்[தொகு]
அழிந்து வரும் மார்க்கோர் காட்டு ஆடுகள் ஒரு சிறிய எண்ணிக்கையில் இப்பகுதியில் வாழ்கிறது. [3] பனிச்சிறுத்தை, பழுப்புக் கரடி , சாம்பல் ஓநாய், சிவப்பு நரி , பீச் மார்டென், சிறுத்தைப் பூனை ஆகியவை தற்போதுள்ள மற்ற பெரிய பாலூட்டிகளில் அடங்கும். சுமார் 35 வகையான பறவைகள் சரணாலயத்தில் பதிவு செய்யப்பட்டுள்ளன.[4]
சான்றுகள்[தொகு]
- ↑ "Naltar Wildlife Sanctuary". Wildlife sanctuaries/Game reserves. Wildlife of Pakistan. Archived from the original on 3 பிப்ரவரி 2020. பார்க்கப்பட்ட நாள் 29 September 2015.
{{cite web}}: Check date values in:|archive-date=(help) - ↑ "Important Bird Areas factsheet: Naltar Wildlife Sanctuary". BirdLife International. பார்க்கப்பட்ட நாள் 30 September 2015.
- ↑ "Naltar Wildlife Sanctuary". Wildlife sanctuaries/Game reserves. Wildlife of Pakistan. Archived from the original on 3 பிப்ரவரி 2020. பார்க்கப்பட்ட நாள் 29 September 2015.
{{cite web}}: Check date values in:|archive-date=(help)"Naltar Wildlife Sanctuary" பரணிடப்பட்டது 2020-02-03 at the வந்தவழி இயந்திரம். Wildlife sanctuaries/Game reserves. Wildlife of Pakistan. Retrieved 29 September 2015. - ↑ "Important Bird Areas factsheet: Naltar Wildlife Sanctuary". BirdLife International. பார்க்கப்பட்ட நாள் 30 September 2015."Important Bird Areas factsheet: Naltar Wildlife Sanctuary". BirdLife International. Retrieved 30 September 2015.