நாய்க்குட்டி கர்ப்ப நோய்க்குறி

நாய்க்குட்டி கர்ப்ப நோய்க்குறி (Puppy pregnancy syndrome) (PPS) என்பது பெருங்கூட்ட பீதியால் மனிதர்களுக்கு ஏற்படும் ஒரு உளஉடல் சார்ந்த நோயாகும். நாய்க்குட்டி கர்ப்ப நோய்க்குறி நோயால் பாதிக்கப்பட்டவர்கள், ஒரு நாய் கடித்த சிறிது நேரத்திலேயே தங்கள் வயிற்றுக்குள் நாய்க்குட்டிகள் கருத்தரித்துவிடுவதாக நம்புகின்றனர். இந்த நோய்க்குறி இந்தியாவின் பல மாநிலங்களில் உள்ள கிராமங்களில் மட்டுமே காணப்படுவதாகக் கருதப்படுகிறது. சில மனநல மருத்துவர்கள்,நாய்க்குட்டி கர்ப்ப நோய்க்குறி ஒரு கலாச்சாரம் சார்ந்த கோளாறுக்கான தகுதிகளைப் பூர்த்தி செய்வதாக நம்புகின்றனர். மந்திரவாதிகள், நாய்க்குட்டிகளைக் கரைத்துவிடும் என்று கூறி, வாய்வழி மருந்துகளை வழங்குகிறார்கள். இந்தியாவில் உள்ள மருத்துவர்கள், இந்த நிலை சாத்தியமற்றது மற்றும் ஒரு மூடநம்பிக்கை என்றும், வெறிநாய்க்கடி நோய்க்குப் பதிலாக இந்த நிலைக்குச் சிகிச்சை அளிப்பது ஆபத்தானது என்றும் பொதுமக்களுக்குப் புரியவைக்க முயன்றுள்ளனர்.

விளக்கம்

நாய்க்குட்டி கர்ப்ப நோய்க்குறி (PPS) என்பது பெருங்கூட்ட மனவெழுச்சியால் மனிதர்களுக்கு ஏற்படும் ஒரு உளஉடல் சார்ந்த நோயாகும். இந்த நோயால் பாதிக்கப்பட்டவர்கள், ஒரு நாய் கடித்த சிறிது நேரத்திலேயே தங்கள் வயிற்றுக்குள் நாய்க்குட்டிகள் கருத்தரிப்பதாக நம்புகின்றனர். தாக்குதலின் போது நாய் பாலியல் கிளர்ச்சியில் இருந்தால் இது நிகழ அதிக வாய்ப்புள்ளது என்று கூறப்படுகிறது. பாதிக்கப்பட்டவர்கள் நாய்களைப் போல குரைப்பதாகவும், தண்ணீரைப் பார்க்கும்போது தங்களுக்குள் இருக்கும் நாய்க்குட்டிகளைக் காண முடிவதாகவும் அல்லது தங்கள் வயிற்றுக்குள் அவை உறுமும் சத்தத்தைக் கேட்பதாகவும் தெரிவித்துள்ளனர். பாதிக்கப்பட்டவர்கள் இறுதியில் இறந்துவிடுவார்கள் என்று நம்பப்படுகிறது. குறிப்பாக ஆண்கள், அவர்கள் தங்கள் ஆண்குறி வழியாக நாய்க்குட்டிகளைப் பெற்றெடுப்பார்கள். மந்திரவாதிகள் வாய்வழி மருந்துகளை வழங்குகிறார்கள். அவை நாய்க்குட்டிகளைக் கரைத்துவிடும் என்றும், செரிமான அமைப்பின் வழியாகச் சென்று "நோயாளிக்குத் தெரியாமல்" வெளியேற்றப்படும் என்றும் அவர்கள் கூறுகின்றனர்.

நோய்ப்பரவலியல்

இந்த நோய்க்குறி, அசாம், பீகார், சத்தீசுகர், சார்கண்ட், ஒடிசா மற்றும் மேற்கு வங்காளம் உள்ளிட்ட இந்தியாவின் பல மாநிலங்களில் உள்ள கிராமங்களில் மட்டுமே காணப்படுவதாகக் கருதப்படுகிறது. மேலும் பல்லாயிரக்கணக்கான நபர்களால் இது பதிவாகியுள்ளது. கல்விக்கான அணுகல் குறைவாக உள்ள பகுதிகளில் இது மிகவும் பரவலாகக் காணப்படுகிறது. சில மனநல மருத்துவர்கள் நாய்க்குட்டி கர்ப்ப நோய்க்குறி ஒரு கலாச்சார-சார்ந்த கோளாறுக்கான அளவுகோல்களைப் பூர்த்தி செய்வதாக நம்புகின்றனர்.

கல்வி

இந்த நிலை சாத்தியமற்றது மற்றும் ஒரு மூடநம்பிக்கை என்று இந்தியாவில் உள்ள மருத்துவர்கள் பொதுமக்களுக்குக் கற்பிக்க முயன்றுள்ளனர். இந்த நிலையை நம்புவது ஆபத்தானது. ஏனெனில் ஒரு கடிக்குப் பிறகு ஒருவருக்கு ரேபிசு தொற்று ஏற்பட்டிருக்கலாம். மேலும் மந்திரவாதி சிகிச்சையை நாடுவது மருத்துவ சிகிச்சையை தாமதப்படுத்தலாம். பாதிக்கப்பட்டவர்களில் பெரும்பாலோர் மனநல சேவைகளுக்கு அனுப்பப்படுகிறார்கள். ஆனால் சில சமயங்களில் நோயாளிகள் அறிகுறிகள் தோன்றுவதற்கு முன்பு ரேபிஸ் எதிர்ப்பு மருந்துகளை எடுத்துக்கொள்ளத் தவறுகிறார்கள். தாங்கள் ஒரு நாய்க்குட்டியுடன் கர்ப்பமாக இருப்பதாகவும், நாட்டு மருத்துவம் தங்களைக் குணப்படுத்தும் என்றும் நினைக்கிறார்கள். பாதிக்கப்பட்டவர்கள் வழக்கமான சிகிச்சையை நாடினால் தங்கள் மருந்து தோல்வியடையும் என்று கூறும் மந்திரவாதிகளால் இந்த தவறான நம்பிக்கை மேலும் அதிகரிக்கிறது.

இதனையும் காண்க

• மருத்துவ ஓநாய் நோய்
• மாய ஒட்டுண்ணி நோய்
• இந்தியாவில் மூடநம்பிக்கை
• Chowdhury, A.N..; Mukherjee, Himadri; Ghosh, Kumar Kanti; Chowdhury, Shyamali (March 2003). "Puppy pregnancy in humans: a culture-bound disorder in rural West Bengal, India". The International Journal of Social Psychiatry 49 (1): 35–42. doi:10.1177/0020764003049001536. பப்மெட்:12793514. https://archive.org/details/sim_international-journal-of-social-psychiatry_2003-03_49_1/page/35.