நவாப்கஞ்சு பறவைகள் சரணாலயம்

நவாப்கஞ்சு பறவைகள் சரணாலயம் Nawabganj Bird Sanctuary
சாகித் சந்திர சேக்கர் ஆசாத்து பறவைகள் சரணாலயம்
ஐயுசிஎன் வகை IV (வாழ்விடம்/இனங்களின் மேலாண்மைப் பகுதி)
அமைவிடம்	நவாப்கஞ்சு, உத்தரப் பிரதேசம், இந்தியா
ஆள்கூறுகள்	26.6191858°N 80.6531205°E / 26.6191858; 80.6531205
நிருவாக அமைப்பு	இந்திய அரசு
Invalid designation
அலுவல் பெயர்	நவாப்கஞ்சு பறவைகள் சரணாலயம்
தெரியப்பட்டது	19 செப்டம்பர் 2019
உசாவு எண்	2412

நவாப்கஞ்சு பறவைகள் சரணாலயத்தில் ஒரு புள்ளிமான்

நவாப்கஞ்சு பறவைகள் சரணாலயம் (Nawabganj Bird Sanctuary) இந்தியாவின் உத்தரப் பிரதேசத்தில் உள்ள கான்பூர்-இலக்னோ நெடுஞ்சாலையில் உன்னாவு மாவட்டத்தில் அமைந்துள்ளது. சாகித் சந்திர சேக்கர் ஆசாத்து பறவைகள் சரணாலயம் என்று 2015 ஆம் ஆண்டில் மறுபெயரிடப்பட்டது. நவாப்கஞ்சு பறவைகள் சரணாலயம் ஓர் ஏரியும் அதை சுற்றியுள்ள இயற்கைச் சூழலும் கொண்டதாகும். வட இந்தியாவில் காணப்படும் பல ஈரநிலங்களில் இதுவும் ஒன்றாகும். இந்த சரணாலயம், பெரும்பாலும் விடுதலை பெற்ற நாடுகளின் பொதுநலவாயம் (அல்லது முன்னாள் சோவியத் சோசலிச குடியரசுகளின் ஒன்றியம்) நாடுகளிலிருந்து வரும் 250 வகையான புலம்பெயர்ந்த பறவைகளுக்கு பாதுகாப்பை வழங்குகிறது. ஆனால் 1990 ஆம் ஆண்டுகளில் இருந்து இந்த எண்ணிக்கை குறைந்து வருகிறது. பெரும்பாலானவை இமாச்சலப் பிரதேசம் மற்றும் இராசத்தானின் புதிய பகுதிகளுக்கு இடம்பெயர்ந்துள்ளன. இந்த சரணாலயத்தில் ஒரு மான் பூங்கா, கண்காணிப்பு கோபுரங்கள் மற்றும் படகுகள் உள்ளன.

பறவைகள்

நவாப்கஞ்சு பறவைகள் சரணாலயத்தில் தாயகப் பறவைகளும் புலம்பெயர்ந்த பறவைகள் கலவையாக உள்ளன. குளிர்காலத்தில் திபெத்து, சீனா, ஐரோப்பா மற்றும் சைபீரியாவிலிருந்து இமயமலை முழுவதும் பறவைகள் இடம்பெயர்கின்றன. இந்தப் பறவைகளில் சில 5000 கி.மீ.தொலைவுக்கும் மேல் 8500 மீட்டர் உயரத்திற்கு மேல் பறந்து இங்கு வருகின்றன. சாம்பல் நிற வாத்து, ஊசிவால் வாத்து, குள்ளத்தாரா, செங்களியன், கருவால் வாத்து, காட்டு வாத்து, நாமக்கோழி போன்றவை பருவத்தில் இடம்பெயரும் முக்கிய பறவைகளில் சிலவாகும். சாரசு கொக்கு, மயில், இந்திய வெள்ளை அரிவாள் மூக்கன், சிறு முக்குளிப்பான், சிறிய சீழ்க்கைச்சிரவி, நத்தை குத்தி நாரை, வெண்கழுத்து நாரை, நீளவால் தாழைக்கோழி, கருப்புத் தாமரைக்கோழி, ஆலா, பிணந்தின்னிக் கழுகு, புறா, இரட்டைவால் குருவி, பனங்காடை, பஞ்சுருட்டான் (குடும்பம்) போன்றவை இங்குள்ள உள்ளூர் பறவைகளில் சிலவாகும்.

ஊர்வன

இந்த சரணாலயத்தில் காணப்படும் முக்கிய ஊர்வன விலங்குகள் நாகப்பாம்பு, விரியன் பாம்பு, பங்கராசு, எலிப்பாம்பு மற்றும் நீர்ப்பாம்புகள் ஆகியனவாகும்.

மான் பூங்கா

சரணாலயத்தின் அருகே மான்களுக்கான ஒரு சிறிய பூங்கா நிறுவப்பட்டுள்ளது. பூங்காவில் புள்ளி மான்கள் மற்றும் குரைக்கும் மான்கள் உள்ளன. இது சரணாலயத்தின் முக்கிய ஈர்ப்புகளில் ஒன்றாகும்.

விருந்தோம்பல்

சரணாலயத்திற்குள் படுக்கை வசதி மற்றும் தங்குமிட வசதியுடன் கூடிய விருந்தினர் மாளிகை, ஓர் உணவகம் மற்றும் குழந்தைகள் பூங்கா ஆகியவை உள்ளன.

படக் காட்சியகம்

• 
  நவாப்கஞ்சு பறவைகள் சரணாலயத்தின் பரந்த காட்சி
• 
  பறவைகள் சரணாலயத்தில் ஒரு குளக் கொக்கு
• 
  கண்காணிப்பு கோபுரம்
• 
  பறவைகள் சரணலயத்தின் ஈரநிலம்
• 
  பறவைகள் சரணலயத்தின் ஈரநிலம்
• 
  புலம் பெயர்ந்த பறவைகள்
• 
• 
• 
  ஏரியில் படகு சவாரி
• 
  இந்திய நீர்க்காகம்

வெளி இணைப்புகள்

விக்கிமீடியா பொதுவகத்தில்,
நவாப்கஞ்சு பறவைகள் சரணாலயம்
என்பதில் ஊடகங்கள் உள்ளன.

• Information on National Parks பரணிடப்பட்டது 3 மார்ச் 2016 at the வந்தவழி இயந்திரம்
• Nawabganj birds