தொல்காப்பியம் பொருளதிகாரம் பேராசிரியம்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
நூலின் முதல் பக்கம்

தொல்காப்பியம் பொருளதிகாரப் பகுதியில் உள்ள 9 இயல்களில் இறுதியில் உள்ள மெய்பாட்டியல், உவமவியல், சேய்யுளியல், மரபியல் ஆகிய நான்கு இயல்களுக்கு மட்டும் இவரது உரை உள்ளது. இவர் 13 ஆம் நூற்றாண்டில் வாழ்ந்தவர்.

அரிய விளக்கங்கள்[தொகு]

பேராசிரியர் தமது உரையில் அரிய விளக்கங்கள் பலவற்றைத் தந்துள்ளார். அவற்றுள் எடுத்துக்காட்டுக்காகச் சில:

  • பண்ணை - முடியுடை வேந்தரும், குறுநில மன்னரும் முதலாயினோர் நாடக மகளிர் ஆடலும் பாடலும் கண்டும் கேட்டும் காமம் நுகரும் இன்ப விளையாட்டு.[1]
  • மருட்கை என்பது வியப்பு; அற்புதம் எனினும் அமையும்.[2]
  • நிம்பிரி என்பது பொறாமை தொன்றும் குறிப்பு [3]
  • ஆமா என்பது ஆ [4] போல இருக்கும் [5]
  • திறம் என்பது இலக்கணம் [6]
  • ஆனந்த உவமை குற்றம் என அகத்தியனார் குறிப்பிடுகிறார்.[7]
  • தூக்கு என்பது பாக்களைத் துணித்து நிறுத்துதல் [8]
  • யாப்பு என்பது அடிதொறும் பொருள் பெறச் செய்வது.[8]
  • நோக்கு ஒன்பது மாத்திரை முதலாகிய உறுப்புகளைக் கேட்டோர்க்கு நோக்குப்படச் செய்தல்.[8]
  • மரபியலில் இளமை, ஆண், பெண், நான்கு சாதி, புல், மரம், உலகியல், நூல் - ஆகியவற்றின் மரபுகள் குறப்பட்டுள்ளன.[9]

கருவிநூல்[தொகு]

  • மு. அருணாசலம், தமிழ் இலக்கிய வரலாறு, பதின்மூன்றாம் நூற்றாண்டு, பதிப்பு 2005

அடிக்குறிப்பு[தொகு]

  1. தொல்காப்பியம் மெய்ப்பாட்டியல் 1 உரை
  2. தொல்காப்பியம் மெய்ப்பாட்டியல் 3 உரை
  3. தொல்காப்பியம் மெய்ப்பாட்டியல் 26 உரை
  4. பசு
  5. தொல்காப்பியம் உவமவியல் 1 உரை
  6. தொல்காப்பியம் உவமவியல் 17 உரை
  7. தொல்காப்பியம் உவமவியல் 37 உரை
  8. 8.0 8.1 8.2 தொல்காப்பியம் செய்யுளியல் 1 உரை
  9. தொல்காப்பியம் மரபியல் 1 உரை