தேவி சகுந்தலா
தேவி சகுந்தலா දේවී සකුන්තලා | |
|---|---|
| பிறப்பு | உம்மு சல்மா களுத்துறை, இலங்கை |
| இறப்பு | 1 மாா்ச 2019 கொழும்பு, இலங்கை |
| மற்ற பெயர்கள் | அங்கு கமி ஆர். ஏ. பிரேமாவதி |
| பணி | நடிகை |
| வாழ்க்கைத் துணை | பியதாச பெரேரா |
| பிள்ளைகள் | 5 |
| உறவினர்கள் | லட்சுமி பாய் (சகோதரி) |
தேவி சகுந்தலா (Devi Sakunthala) இலங்கையைச் சேர்ந்த ஒரு சினிமா, மேடை நாடகம் மற்றும் தொலைக்காட்சி நடிகை ஆவார்.[1] "கோப்பி கடே" (தமிழில் கோப்பிக் கடை) என்ற தொலைக்காட்சித் தொடரில் 'அங்கு கமி' என்ற பாத்திரத்தில் நடித்தமைக்காக இவர் மிகவும் பிரபலமானவர்.[2]
தனிப்பட்ட வாழ்க்கை
[தொகு]தேவி சகுந்தலா இலங்கையின் களுத்துறை, நெபோடாவில் ஒரு மலாய் முசுலிம் குடும்பத்தில் பிறந்தார்.[1] இவரது இயற்பெயர் உம்மு சல்மா.[3] இவர் ஆர். ஏ. பிரேமாவதி என்றும் அறியப்படுகிறார். இவரது சகோதரி லட்சுமி பாய் ஒரு பிரபலமான நடிகையும் பாடகியும் ஆவார், இவர் 'பிதா தீப தேஷா ஜய கத்த' என்ற பாடலைப் பாடினார்.[2] லட்சுமி, 40 நாள் குழந்தையாக இருந்த தேவியுடன் டவர் ஹாலில் மேடை நிகழ்ச்சி நடத்தச் சென்றார்.[4] தேவி சிறுவயதில் இருந்தபோது இவரது பெற்றோர் இவரைப் பள்ளிக்கு அனுப்ப முயன்றனர். ஆனால் இவர் பள்ளிக்குச் செல்ல விரும்பவில்லை. இதனால் இவரால் சிங்களம் படிக்கவோ எழுதவோ முடியவில்லை.[5]
இவர் டவர் ஹாலின் பிரபலமான நகைச்சுவை நடிகரான பியதாச பெரேராவை மணந்தார். இவர் 'அம்மா' என்ற மேடை நாடகத்தில் தேவியுடன் மற்றொரு முக்கிய பாத்திரத்தில் நடித்தார்.[4] இந்தத் தம்பதியருக்கு ஒரு மகளும் நான்கு மகன்களும் உள்ளனர்.[5] இவரது இளைய மகன் சிசிர பெரேரா.[1]
தொழில் வாழ்க்கை
[தொகு]இவருக்கு ஏழு வயதாக இருந்தபோது, டவர் ஹாலில் அரங்கேற்றப்பட்ட 'ஸ்வீட் ஹனிமூன்' என்ற நாடகத்தில் சிறுவன் வேடத்தில் நடித்தார்.[2] தேவி தனது ஆரம்ப நாட்களில் பல குழந்தை வேடங்களில் நடித்தார், பின்னர் 1940 முதல் 1958 வரை சிறீ விக்ரமா, விதுரா, சத்யவாதி அரிச்சந்திரா, இராமாயணம், அங்குலிமாலா, சிந்தாமணி, சமுத்திர தேவி, ககல கெல்லா, சூட்டி கமராலா ராய்கம பண்டா போன்ற நாடகங்களில் இளம் வேடங்களில் நடித்தார். பின்னர், சிறிசேன விமலவீரவின் 'அம்மா' நாடகத்தில் 'சுவர்ணா' என்ற முக்கிய கதாபாத்திரத்தில் நடித்தார்.[5] பம்பாயிலிருந்து இலங்கைக்கு வந்த பூட்டா பாய் மற்றும் அக்காலத்தில் டவர் திரையரங்்கின் வழிகாட்டியாகக் கருதப்பட்ட சரளா பாய் ஆகியோரிடம் நடனம் கற்றார்.[4] கண்டி நகரின் மையத்தில் நடைபெற்ற 'பாம்பே டான்ஸ்' என்ற கச்சேரியின் போது, கண்டி நகரின் மையத்தில் உள்ள ஒரு பெரிய மேடையில் இவர் முதன்முறையாக நடனமாடினார்.[1]
தேவி, தன் கணவர் பியதாச பெரேரா, சகோதரி லட்சுமி பாய், சகோதரியின் கணவர் உபசேன சூர்யகுமார் மற்றும் டி. ஏ. பி. அல்மெய்டா ஆகியோருடன் இணைந்து, இலங்கை ஒலிபரப்புக் கூட்டுத்தாபனத்திலும் நாடு முழுவதும் சிறப்பு குறும்பட நகைச்சுவை நாடகத் தொடர்களை நிகழ்த்தினார்.[1] இந்தக் காலகட்டத்தில், சுரங்கனி திரைப்படத்தில் நடிக்க இவர் அழைக்கப்பட்டார்.[4] இத்திரைப்படத்தில், 'ரஞ்சனியின் தாய்' என்ற முக்கிய கதாபாத்திரத்தில் நடித்தார். பின்னர், பிதிசர கெல்லா, சிறி சங்கபோ, சபதக் சோயா போன்ற திரைப்படங்களில் பங்களித்தார். இதற்கிடையில், இவர் தினமும் திருவிழா நிகழ்ச்சிகள், நகைச்சுவை நிகழ்ச்சிகள் மற்றும் நாடகங்களுடன் நாடு முழுவதும் பயணம் செய்தார்.[5]
நாடகத்துறையிலிருந்து ஒரு சிறிய இடைவெளிக்குப் பிறகு, 1980களில் இவர் மீண்டும் திரையுலகிற்குத் திரும்பினார். 1981இல், தேவிஸ் குருகே இயக்கிய கோபி கடே என்ற தொலைக்காட்சித் தொடருக்கு தேவி தேர்ந்தெடுக்கப்பட்டார். "அங்கு ஹமி: சுவாண்டாவின் தாய்" என்ற இவரது பாத்திரம் மக்களிடையே மிகவும் பிரபலமானது, மேலும் இவர் தனது உண்மையான பெயரை விட இவரது கதாபாத்திரப் பெயரால் பொதுவாக அறியப்பட்டார்.[4] இவர் முதன்முதலில் ஏப்ரல் 1, 1987 அன்று ஒளிபரப்பப்பட்ட தொடரின் ஆரம்பத்திலிருந்தே தோன்றினார். மேலும் தொடர்ந்து 25 ஆண்டுகள் இந்தத் தொடரில் நடித்தார். பின்னர், இந்தத் தொலைக்காட்சி நாடகத்தில் இவர் ஆற்றிய சேவைக்காக வெள்ளி விழா விருது உட்பட பல விருதுகளைப் பெற்றார்.[5]
டவர் கால் நடிகையாக, இவர் லூயிசு ரோட்ரிகோவின் ஜோசி பாபா மற்றும் ஓகன் ரோட்ரிகோவின் பாலகத்து கசியா போன்ற மிகவும் பிரபலமான நாடகங்களில் நடித்தார்.[1] 2000ஆம் ஆண்டில், ஸ்டான்லி மாஸ்டர் மற்றும் விக்டர் விக்ரமேஜ் இணைந்து தயாரித்த டவர் ஹால் நுர்டி ஜவானிகா என்ற இசை நிகழ்ச்சியில் இவர் நடித்தார். மேலும் இவர் சூட்டி கமராலா, ரைகம பண்டா ஆகிய நாடகங்களில் ஐம்பது ஆண்டுகள் நடித்து சாதனை படைத்துள்ளார்.[6] இவரது நடிப்பு வாழ்க்கையின் 70ஆவது ஆண்டு நிறைவைக் குறிக்கும் வகையில், சூட்டி கமரால , ராய்கம பண்டாவின் நாடகக் குழுவினர் டவர் தியேட்டரில் அஞ்சலி செலுத்தினர். பின்னர் 2007ஆம் ஆண்டில், டவர் தியேட்டரின் 97ஆவது ஆண்டு விழாவின் போது டெம்பிள் ட்ரீஸில் பிரதமர் ரத்னசிறி விக்ரமநாயக்கவால் இவருக்கு வாழ்நாள் சாதனையாளர் விருது வழங்கி கௌரவிக்கப்பட்டது, இதே ஆண்டில் இலங்கை தேசிய கலை மன்றத்திடமிருந்து கௌரவ விருதும் வழங்கப்பட்டது.[5]
மேற்கோள்கள்
[தொகு]- 1 2 3 4 5 6 "'Devi Sakunthala' brought to the Tower Hall stage by Lakshmi Bai". etheratv. Retrieved 2021-02-19.
- 1 2 3 "Tower Hall actors and actresses who were superstars before Sinhala cinema". lifie. Retrieved 2021-02-19.
- ↑ "Actresses who have overcome challenges". Deshaya. Retrieved 2021-02-19.
- 1 2 3 4 5 "The last link in the line of Nurti actresses is gone". Divaina. Retrieved 2021-02-19.
- 1 2 3 4 5 6 "Suwanda's mother Devi Sakunthala bids farewell". Sarasaviya. Retrieved 2021-02-19.
- ↑ "Veteran actor Premadasa Vithanage returns with 'Sootigamarala and Raigambanda'". suratha. Retrieved 2021-02-19.