தேங்காய் சுடும் விழா

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search

தேங்காய் சுடும் விழா தமிழ்நாட்டின் பல்வேறு பகுதிகளில் ஆடி 1 அன்று குறிப்பாக காவிரி, அமராவதி உள்ளிட்ட பல ஆற்றங்கரையோரங்களில் கொண்டாடப்படுகின்ற விழாக்களில் ஒன்றாகும்.

நம்பிக்கை[தொகு]

பொதுவாக புதிதாகத் திருமணம் ஆன தம்பதியர், தீய எண்ணங்களை முழுமையாக அகற்றிவிட்டு அங்கு நல்ல எண்ணங்களை விதைத்து சுவையான வாழ்வினைத் தொடங்கவும், விவசாயம் செழிப்பாக அமையவும், செல்வம் பெருகவும், ஆண்டு முழுவதும் குடும்பத்தில் ஒற்றுமை நிலவி மகிழ்ச்சியாக இருக்கவும் இவ்விழா கொண்டாடப்படுகிறது. [1]

தேங்காய் சுடும் முறை[தொகு]

முற்றிய தேங்காயின் கண்களைத் திறந்து அதிலுள்ள நீரை அகற்றிய பின்னர் சர்க்கரை, வெல்லம் போன்றவற்றை வைத்து அதனை நீண்ட மூங்கில் குச்சியைக் கொண்டு தீயில் வாட்டி, சுட்டு பின் சாப்பிட்டு மகிழ்கின்றனர்.[1] தேங்காயை உரித்து சுத்தம் செய்து மஞ்சள் தடவி, துளையிட்டு, அதில் உள்ள தேங்காய்நீரை எடுத்ததும், ஊறவைத்த பச்சரிசி, நாட்டுச்சக்கரை, பொட்டுக்கடலை, எள், வறுத்த பாசிப்பருப்பு போன்றவற்றை அரைத்து அதனைத் தேங்காயில் போட்டு சுடுவதும் உண்டு.பிரசாதமாக தங்களின் வீட்டிற்கு எடுத்துச் செல்கின்றனர்.[2]

நடைபெறும் இடங்கள்[தொகு]

கரூர் (கரூர் மாவட்டம்) [1] சேலம்,[3] மேட்டூர்,[4] ஈரோடு,[5] நாமக்கல், பள்ளிபாளையம், குமாரபாளையம், பரமத்திவேலூர், திருச்செங்கோடு, ராசிபுரம், சேந்தமங்கலம் [6] உள்ளிட்ட பல இடங்களில் இவ்விழா கொண்டாடப்படுகிறது.

மேற்கோள்கள்[தொகு]

  1. 1.0 1.1 1.2 கரூரில் தேங்காய் சுடும் விழா, தினமணி, திருச்சி பதிப்பு, 18 சூலை 2017
  2. ஆடி பிறப்பையொட்டி கரூரில் தேங்காய் சுடும் விழா, தினகரன், 18 சூலை 2015
  3. சேலத்தில் தேங்காய் சுடும் விழா கோலாகலமாக நடந்தது; பல்வேறு பகுதிகளில் கொண்டாட்டம், News7 Tamil
  4. மேட்டூரில் தேங்காய் சுட்டு சுவாமிக்குப் படையல், தினமணி, 18 சூலை 2014
  5. ஆடி முதல் நாளில் நெருப்பில் தேங்காய் சுடும் பண்டிகை தமிழகத்தின் பல்வேறு பகுதிகளில் வெகு விமரிசையாகக் கொண்டாட்டம் : புதுமணத் தம்பதிகள் ஏராளமானோர் பங்கேற்பு, Jaya TV, 18 சூலை 2017
  6. பிறந்தது தேங்காய் சுட்டு மக்கள் கொண்டாட்டம், தினகரன், 17 சூலை 2016

வெளியிணைப்புகள்[தொகு]

"https://ta.wikipedia.org/w/index.php?title=தேங்காய்_சுடும்_விழா&oldid=2784146" இருந்து மீள்விக்கப்பட்டது