தெ. வ. இராசரத்தினம்

கட்டற்ற கலைக்களஞ்சியமான விக்கிப்பீடியாவில் இருந்து.
நீதிபதி
ரி. டபிள்யூ. இராசரத்தினம்
T. W. Rajaratnam
இலங்கை மீயுயர் நீதிமன்ற இளநிலை நீதிபதி
பதவியில்
1972–1978
இலங்கை நாடாளுமன்றம்
for தேசியப் பட்டியல்
பதவியில்
1989–1994
தனிப்பட்ட விவரங்கள்
பிறப்பு(1920-12-21)21 திசம்பர் 1920
இறப்பு15 சனவரி 1994(1994-01-15) (அகவை 73)
அரசியல் கட்சிஇலங்கை சுதந்திரக் கட்சி
முன்னாள் கல்லூரிகண்டி திரித்துவக் கல்லூரி
தொழில்வழக்கறிஞர்
இனம்இலங்கைத் தமிழர்

நீதிபதி தெல்லிப்பழை வனராஜா இராசரத்தினம் (Tellipalai Wanarajah Rajaratnam, 21 டிசம்பர் 1920 - 15 சனவரி 1994) இலங்கையின் ஒரு முன்னணித் தமிழ் வழக்கறிஞரும், நீதிபதியும், அரசியல்வாதியும் ஆவார். இவர் பருவ நீதிமன்ற ஆணையராகவும், மீயுயர் நீதிமன்ற நீதிபதியாகவும், நாடாளுமன்ற உறுப்பினராகவும் பணியாற்றியவர்.

ஆரம்ப வாழ்வு[தொகு]

இராசரத்தினம் யாழ்ப்பாண வழக்கறிஞர் டி. சி. இராசரத்தினம் என்பவருக்கு இரண்டாவது மகனாக[1] 1920 டிசம்பர் 21 இல் பிறந்தார். தந்தை இலங்கை அமெரிக்க மிசனின் தலைவராகவும், மலாயன் இலங்கை புகையிலைக் கம்பனியின் தலைவராகவும் இருந்தவர்.[1] இராசரத்தினம் கண்டி திரித்துவக் கல்லூரியில் கல்வி பயின்றார்.[2] பாடசாலைப் படிப்பை முடித்துக் கொண்டு பல்கலைக்கழகத்தில் சட்டத்தின் சிறப்புப் பட்டம் பெற்றார்.[2]

பணி[தொகு]

இராசரத்தினம் 1948 ஆம் ஆண்டில் வழக்குரைஞர் கழகத்தில் இணைந்தார்.[2] 1951 இல் இலண்டன் லிங்க்கன் இன் நீதிமன்றத்தில் சேர்ந்தார். ஐக்கிய இராச்சியத்தில் வழக்குரைஞராகப் பணியாற்றிய பின்னர் இலங்கை திரும்பி அங்கு பணியாற்றினார். மகாதேவன் சதாசிவம் வழக்கிலும், பிபிலை நாடாளுமன்ற உறுப்பினர் கொலை வழக்கிலும் பணியாற்றினார்.[3] இதன் பின்னர் நீதித் துறை சேவையில் இணைந்து, 1970 இல் பருவ நீதிமன்ற ஆணையராக நியமனம் பெற்றார்.[2] 1972 முதல் ஆறு ஆண்டுகளுக்கு உச்ச நீதிமன்ற நீதிபதியாகப் பணியில் இருந்தார்.[2]

அரசியலில்[தொகு]

1989 ஆம் ஆண்டில் இலங்கை சுதந்திரக் கட்சியின் சார்பில் தேசியப் பட்டியல் உறுப்பினராக நாடாளுமன்றம் சென்றார்.[2]

எழுதிய நூல்கள்[தொகு]

பணியில் இருந்து ஓய்வு பெற்ற பின்னர் இராசரத்தினம் A Manual of Industrial Law, Plantation Workers' Manual ஆகிய இரு நூல்களை ஆங்கிலத்தில் எழுதி வெளியிட்டார்.[2] அத்துடன் இவர் எழுதிய A Judiciary in Crisis?: The Trial of Zulfikar Ali Bhutto என்ற நூலுக்கு[4] பாக்கித்தானின் இலால்-இ-கைத்-இ-அசாம் விருது வழங்கப்பட்டது.[2]

மேற்கோள்கள்[தொகு]

  1. 1.0 1.1 "20th Death Anniversary Of Justice T.W.Rajaratnam". Sri Lanka Guardian. 15 சனவரி 2014. http://www.srilankaguardian.org/2014/01/20th-death-anniversary-of-justice.html. பார்த்த நாள்: 6 ஏப்ரல் 2015. 
  2. 2.0 2.1 2.2 2.3 2.4 2.5 2.6 2.7 Arumugam, S. (1997). Dictionary of Biography of the Tamils of Ceylon. பக். 152. http://www.noolaham.org/wiki/index.php?title=Dictionary_of_Biography_of_the_Tamils_of_Ceylon. 
  3. "A murder retold". சண்டே டைம்சு. 13 ஆகத்து 2006. http://sundaytimes.lk/060813/plus/books.html. 
  4. Rajaratnam, T. W. (செப்டெம்பர் 1988). A Judiciary in Crisis, Trial of Zulfikar Ali Bhutto. சென்னை: State Mutual Book & Periodical Service, Limited. பக். 109. பன்னாட்டுத் தரப்புத்தக எண்:9780785547778. http://archive.org/stream/AJudiciaryInCrisisTrialOfZulfikarAliBhutto/AJudiciaryInCrisis_djvu.txt. 
"https://ta.wikipedia.org/w/index.php?title=தெ._வ._இராசரத்தினம்&oldid=3083136" இலிருந்து மீள்விக்கப்பட்டது