தென்னிந்திய சினிமா

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search

தென்னிந்திய சினிமா (Cinema of south India) என்பது ஐந்து வெவ்வேறு திரையுலகங்கள் ஒன்று சேர்ந்த கூட்டமைப்பாகும். கன்னடம், மலையாளம், தமிழ், தெலுங்கு மற்றும் துளு ஆகிய திரைப்படத் தொழில் நிறுவனங்களை ஒன்றிணைத்தது. அவை முறையே பெங்களூரு, கொச்சி, சென்னை, ஹைதராபாத் மற்றும் மங்களூரில் தலைமை இடங்களைக் கொண்டவை. தென்னிந்திய சினிமா துவக்கத்தில் சுயமாக வளர்ச்சியடைந்தது. மேலும் தென்னிந்திய தொழில்நுட்ப வல்லுநர்கள் பிற மொழிப்படங்களில் வேலை பார்க்கும் வாய்ப்பு, வியாபாரா ரீதியிலான வெற்றி , உலகமயமாக்கல் போன்ற காரணங்களினால் தென்னிந்திய சினிமா வளர்ச்சி பெற்றது..[1] இதனை தென்னிந்திய திரைப்பட சம்மேளன வர்த்தக நிறுவனம் கட்டுப்படுத்துகிறது. தமிழ் மற்றும் தெலுங்கு திரைப்படத் துறையின் வருவாய் 36% ஆகும்.[2]

பல தேசிய விருது வென்றசினிமா நடிகர்கள் வலது: மோகன்லால் (2 விருது), கமல் ஹாசன் (4 விருது) மற்றும் மம்மோட்டி (3 விருது).

வரலாறு[தொகு]

சென்னை மாகாணத்தின் ஆரம்பகால தொடக்கங்கள்[தொகு]

1897இல் ஐரோப்பியர் விக்டோரியா பப்ளிக் ஹால் என்ற மௌன குறும்படத்தைத் (ஊமைப்படம்) தயாரித்து சென்னையில் வெளியிட்டார்.[3] திரைப்படங்களில் கற்பனையற்ற கதாபாத்திரங்கள் இடம் பெற்றன. தினசரி நிகழ்வில் காணப்படும் புகைப்படப் பதிவுகளாக இருந்தன. மெட்ராஸ் (இன்றைய சென்னை) இல் ஊமைப்படங்களை திரையிடுவதற்காக எலக்ட்ரிக் தியேட்டர் நிறுவப்பட்டது.[3] இது பிரிட்டன் சமூகத்தினருக்கு மிகவும் பிடித்ததாக இருந்தது. இது சில ஆண்டுகளுக்குப் பிறகு மூடப்பட்டது. தற்போது இந்த கட்டிடம் அண்ணாசாலை (மவுண்ட் ரோடு) தபால் நிலையத்தின் ஒரு பகுதியாக உள்ளது. மவுண்ட் ரோடில் லிரிக் தியேட்டர்[3] என்ற ஒன்றும் இருந்தது. இந்த இடத்தில் ஆங்கில மேற்கத்திய இசை நிகழ்ச்சிகள், பால்ரூம் நடனங்கள், ஊமைப்படங்கள் போன்றவை வெளியிடப்பட்டன. திருச்சியில் தென்னிந்திய இரயில்வேயின் ஊழியரான சுவாமிக்கண்ணு வின்சென்ட் என்பவர், பிரெஞ்சுகாரரான டூ பாண்ட் இடம் இருந்து ஊமைப்படங்களை விலைக்கு வாங்கி ஒரு வணிக நிறுவனத்தில் காட்சிப்படுத்தினார்.[4] அவர் படங்களை வெளியிடுவதற்கான கூடாரங்களை(டென்ட்) அமைத்தார்.அவரது டென்ட் சினிமா மாநிலம் முழுவதும் பயணித்தது.[5] எனவே மக்களிடையே மிகவும் பிரபலமடைந்தது. பிற்பாடு, அவர் டாக்கிஸ்களைத் தயாரித்தார்.[6]

சாமிக்கண்ணு வின்சென்ட் கோயம்புத்தூரில் தென்னிந்தியாவின் முதல் சினிமாவை உருவாக்கினார். இவர் டென்ட் சினிமா என்ற முறையை உருவாக்கினார்.

சேலம் (மாடர்ன் தியேட்டர்ஸ் ஸ்டுடியோ) மற்றும் கோயம்புத்தூரில் (மத்திய ஸ்டூடியோ, நெப்டியூன் மற்றும் பக்ஷிராஜா) போன்ற திரைப்பட ஸ்டூடியோக்கள் கட்டப்பட்டன. சென்னையில் விஜய வாஹினி ஸ்டுடியோ மற்றும் ஜெமினி ஸ்டுடியோஸ் கட்டப்பட்டன. தென்னிந்திய மொழிகள் திரைப்படத்தின் மையமாக சென்னை விளங்கியது.

சென்னையில் ஏ.வி.எம் . ஸ்டுடியோஸ், இந்தியாவின் பழமையான எஞ்சியிருக்கும் ஸ்டூடியோ

முதல் தென்னிந்திய திரைப்படங்கள்[தொகு]

இந்திய திரைப்பட கம்பெனி லிமிட்டை நிறுவிய ஆர். நடராஜா அவர்களால் தயாரிக்கப்பட்ட கீசக வதம் (கீசகனின் அழிவு) என்பதே சென்னையின் முதலில் தயாரிக்கப்பட்ட திரைப்படமாகும்.[7]

எல்.எம் . ரெட்டி [8] இயக்கிய முதல் தெலுங்கு மற்றும் முதல் தென்னிந்திய டாக்கி திரைப்படம் பக்த பிரஹலாதா [8]

குறிப்புகள்[தொகு]

  1. "Southern movies account for over 75% of film revenues". The Economic Times. பார்த்த நாள் 1 January 2011.
  2. "The Digital March Media & Entertainment in South India". Deloitte. பார்த்த நாள் 21 April 2014.
  3. 3.0 3.1 3.2 Muthukumaraswamy, M. D; Kaushal, Molly (2004). Folklore, public sphere, and civil society. பக். 116. பன்னாட்டுத் தரப்புத்தக எண்:9788190148146. https://books.google.com/?id=Xsrgg1Mel8UC&pg=PA117&dq=Victoria+Public+Hall+Tamil+cinema#v=onepage&q=Victoria%20Public%20Hall&f=false. 
  4. Pioneers In Indian Cinema - Swamikannu Vincent Archived 2013-05-09 at the வந்தவழி இயந்திரம்.. Indiaheritage.org. Retrieved on 2013-07-29.
  5. Rajmohan, Joshi (2006). Encyclopaedia of Journalism and Mass Communication: Media and mass communication. பக். 68. பன்னாட்டுத் தரப்புத்தக எண்:9788182053663. https://books.google.com/?id=_aoH81IN8SsC&pg=PA68&dq=Swamikannu+Vincent#v=onepage&q=Swamikannu%20Vincent&f=false. 
  6. . http://o3.indiatimes.com/brahmanyan/archive/2007/09/21/4783241.aspx. 
  7. Tamil Cinema: The Cultural Politics of India's Other Film Industry. Routledge. https://books.google.com/?id=65Aqrna4o5oC&dq=Tamil+cinema. 
  8. 8.0 8.1 Narasimham, M. L. (2011-09-10). "Eighty glorious years of Telugu talkie". The Hindu (Chennai, India). http://www.thehindu.com/arts/cinema/article2442172.ece. 
"https://ta.wikipedia.org/w/index.php?title=தென்னிந்திய_சினிமா&oldid=2701188" இருந்து மீள்விக்கப்பட்டது